ಮುಖಪುಟ

ಸಿನಿ ಸಮಾಚಾರ

ಕನ್ನಡ ಬೆಳ್ಳಿಪರದೆ ಮೇಲೆ ಮತ್ತೊಮ್ಮೆ 'ಬೆಂಕಿ ಬಿರುಗಾಳಿ' ಎಬ್ಬಿಸಲು ನಮಿತಾ ಬರುತ್ತಿದ್ದಾರೆ. ಹೂ, ನಮಿತಾ ಐ ಲವ್ ಯು ಚಿತ್ರಗಳಲ್ಲಿ ಬೃಹತ್ ಬ್ರಹ್ಮಾಂಡವನ್ನೇ ತೋರಿಸಿದ್ದ ನಮಿತಾ ಈಗ ಅತಿಥಿ ಪಾತ್ರಕ್ಕೆ ಸಹಿಹಾಕಿದ್ದಾರೆ. ಚಿತ್ರದ ಹೆಸರು ಪಾರ್ವತಿಪುತ್ರ.

ಇತ್ತೀಚೆಗೆ ಈ ಚಿತ್ರದ ನಾಯಕ ನಟನ ಪರಿಚಯದ ಸನ್ನಿವೇಶವನ್ನು ಚಿತ್ರೀಕರಿಸಿಕೊಳ್ಳಲಾಯಿತು. ಈ ಸನ್ನಿವೇಶದ ಚಿತ್ರೀಕರಣದಲ್ಲಿ ಹೀರೋ ರಾಜವರ್ಧನ್ ಹಾಗೂ ಸಾಧು ಕೋಕಿಲ ಹಾಗೂ ಶಕೀಲಾ ಭಾಗವಹಿಸಿದ್ದರು. ಆಕ್ಷನ್, ಕಟ್ ಹೇಳುತ್ತಿರುವವರು ರಾಮ್ ಪ್ರಸಾದ್.

ಚಿತ್ರದ ನಿರ್ದೇಶಕ ರಾಮ್ ಪ್ರಸಾದ್ ಈ ಹಿಂದೆ 'ಬಣ್ಣ ಬಣ್ಣದ ಲೋಕ' ಎಂಬ ಚಿತ್ರವನ್ನು ನಿರ್ದೇಶಿಸಿದ್ದರು. ಈಗ ನಿರ್ದೇಶಿಸುತ್ತಿರುವ 'ಪಾರ್ವತಿಪುತ್ರ' ಚಿತ್ರ ಸ್ಲಂ ಹಿನ್ನೆಲೆಯ ಕತೆಯನ್ನು ಒಳಗೊಂಡಿದೆಯಂತೆ. ಈ ಚಿತ್ರದಲ್ಲಿ ನಮಿತಾ ಅವರದು ಅತಿಥಿ ಪಾತ್ರವಾದರೂ ನಿರ್ಣಾಯಕ ಪಾತ್ರ ವಹಿಸಲಿದ್ದಾರಂತೆ. ರಮೇಶ್ ಬಾಬು ಛಾಯಾಗ್ರಹಣ, ಹರ್ಷ ನೃತ್ಯ ಸಂಯೋಜನೆ ಚಿತ್ರಕ್ಕಿದೆ. (ಏಜೆನ್ಸೀಸ್)