ಟ್ವಿಟ್ಟರ್ ಲೋಕದಲ್ಲಿ ಟ್ರೆಂಡ್ ಆದ '2.O' ಸಿನಿಮಾ

ಸ್ಟೈಲ್ ಕಿಂಗ್ ನಟನೆಯ ಬಹು ನಿರೀಕ್ಷಿತ '2.O' ಸಿನಿಮಾ ಇಂದು ವಿಶ್ವಾದ್ಯಂತ ತೆರೆಗೆ ಬಂದಿದೆ. ಈ ಕಾರಣದಿಂದ ಟ್ವಿಟ್ಟರ್ ಲೋಕದಲ್ಲಿಯೂ ರಜನಿ ಹವಾ ಎಬ್ಬಿಸಿದ್ದಾರೆ.

ಟ್ವಿಟ್ಟರ್ ನಲ್ಲಿ '2.O' ಟ್ರೆಂಡಿಂಗ್ ನಲ್ಲಿದೆ. ಮೊದಲ ಟ್ರೆಂಡಿಂಗ್ ನಲ್ಲಿ #2Point0FromToday, ಎರಡನೇ ಸ್ಥಾನದಲ್ಲಿ #2Point0FDFS ಹಾಗೂ ಐದನೇ ಸ್ಥಾನದಲ್ಲಿ #2Point0Review ಎಂಬ ಹ್ಯಾಶ್ ಟ್ಯಾಗ್ ಗಳಿವೆ.

ಸಿನಿಮಾ ನೋಡಿದ ಅಭಿಮಾನಿಗಳು ಹಾಗೂ ವಿಮರ್ಶೆಗಳ ಸುರಿಮಳೆಯಿಂದ ಸಿನಿಮಾ ಟ್ರೆಂಡ್ ಆಗಿದೆ. ಕರ್ನಾಟಕದಲ್ಲಿಯೂ ಸಿನಿಮಾದ ಕ್ರೇಜ್ ಬಹಳ ದೊಡ್ಡದಿದೆ. ಸಿನಿಮಾ ಬೆಂಗಳೂರಿನಲ್ಲಿ ಮೊದಲ ದಿನ 900ಕ್ಕೂ ಹೆಚ್ಚು ಶೋ ಪ್ರದರ್ಶನ ಕಾಣುತ್ತಿದೆ. ಬೆಳಗ್ಗೆ 4 ಗಂಟೆಗೆ ಮೊದಲ ಪ್ರದರ್ಶನ ಶುರುವಾಗಿದೆ.

ನಿರ್ದೇಶಕ ಶಂಕರ್ ಮತ್ತು ರಜನಿಕಾಂತ್ ಅವರ ಹ್ಯಾಟ್ರಿಕ್ ಸಿನಿಮಾ ಇದಾಗಿದೆ. ಎರಡು ಸೂಪರ್ ಹಿಟ್ ಸಿನಿಮಾಗಳ ರೀತಿ ಈ ಸಿನಿಮಾ ಕೂಡ ಬ್ಲಾಕ್ ಬಾಸ್ಟರ್ ಹಿಟ್ ಆಗಲಿ ಎಂಬ ಆಸೆ ಅಭಿಮಾನಿಗಳದ್ದಾಗಿದೆ. ಬರೋಬ್ಬರಿ 600 ಕೋಟಿ ಬಜೆಟ್ ನಲ್ಲಿ ಸಿನಿಮಾ ನಿರ್ಮಾಣವಾಗಿದೆ.