ಮುಖಪುಟ

ಸಿನಿ ಸಮಾಚಾರ

ಕಳೆದ ವಾರ ಬಿಡುಗಡೆಯಾದ ಮೂರು ಚಿತ್ರಗಳನ್ನು ಸಹಿಸಿಕೊಳ್ಳುವ ಮುಂಚೆಯೇ ಮತ್ತೊಂದು ಸುದ್ದಿ ಪ್ರೇಕ್ಷಕರಿಗೆ ಹಬ್ಬದೂಟ ಹಾಕಿಸಲು ರೆಡಿಯಾಗಿದೆ. ಪೂಜಾಗಾಂಧಿಯ 'ಆಪ್ತ' ಚಿತ್ರ ಕಳೆದವಾರವೇ ಬರಬೇಕಿತ್ತು. ಅದು ಈ ವಾರ ತೆರೆದುಕೊಳ್ಳುತ್ತಿದೆ. ಮತ್ತೊಂದು ಪದ್ಮನಾಭ ಅವರ 'ಟೇಕ್ ಇಟ್ ಈಜಿ'. ಇದು ಹಾಸ್ಯ ಚಿತ್ರ ಎನ್ನುತ್ತಾರೆ ನಿರ್ದೇಶಕರು.

ಮತ್ತೊಂದು 'ಯುವ' ಚಿತ್ರದಲ್ಲಿ ಫೈಟ್ ಮಾಡಿ ಗಮನ ಸೆಳೆದಿದ್ದ ಕಾರ್ತಿಕ್ ಅಭಿನಯದ 'ಕಾರ್ತಿಕ್'. ಇನ್ನೊಂದು ಹರೀಶ್‌ರಾಜ್ ನಟಿಸಿ, ನಿರ್ದೇಶಿಸಿರುವ 'ಗನ್' ಚಿತ್ರ. ಮತ್ತೊಂದು-ಎರಡೂವರೆ ವರ್ಷದಿಂದ ತೆರೆಕಾಣಲು ತವಕಿಸುತ್ತಿದ್ದ 'ಸಾಚಾ' ಚಿತ್ರ. ನಿರ್ಮಾಪಕ ಮಾದೇಶ್ ಅವರ ಅನಿರೀಕ್ಷಿತ ಸಾವಿನಿಂದಾಗಿ 'ಸಾಚಾ' ಸಾಕ್ಷಾತ್ಕಾರ ಇನ್ನೂ ಆಗಿರಲಿಲ್ಲ.

ಈ ಐದರಲ್ಲಿ ಒಂದು ಅಥವಾ ಎರಡು ಮುಂದಿನ ವಾರಕ್ಕೆ ಜಂಪ್ ಆದರೆ ಆಶ್ಚರ್ಯವಿಲ್ಲ. ಏನೇ ಆದರೂ ಜನಕ್ಕೆ ಮಾತ್ರ ಜಾತ್ರೆ ಗ್ಯಾರಂಟಿ. ವಿಶ್ವಕಪ್ ಬೇರೆ ನಡೆಯುತ್ತಿರುವುದರಿಂದ ಈ ಐವರ ಕತೆ ಏನಾಗುತ್ತೋ ಎನ್ನುವುದು ಗಾಂಧೀನಗರ ಗಾತ್ರದ ಪ್ರಶ್ನೆ!