ದರ್ಶನ್, ಪುನೀತ್ ಜೊತೆ ಮತ್ತೆ 'ರಮ್ಯಾ' ನಟಿಸುತ್ತಾರಾ?

ರಮ್ಯಾ ಯಾಕೆ ದರ್ಶನ್ ಹಾಗೂ ಪುನೀತ್ ಜೊತೆ ಅಭಿನಯಿಸುತ್ತಿಲ್ಲ? ಸಿನಿಪ್ರೇಕ್ಷಕರನ್ನು ಮಾತ್ರವಲ್ಲದೇ ಗಾಂಧಿನಗರದ ಪಂಡಿತರನ್ನು ಕಾಡುತ್ತಿರುವ ಪ್ರಶ್ನೆಯಿದು. ರಮ್ಯಾ ಈನಡುವೆ ಹೊಸ ನಾಯಕನಟರ ಚಿತ್ರಗಳಲ್ಲೇ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅವರಿಗಿಂತ ತುಂಬಾ ಕಿರಿಯರ ಜೊತೆಗೇ ಕಾಣಿಸಿಕೊಳ್ಳುತ್ತಿರುವುದು ಹೆಚ್ಚು. ಯಾಕೆ ಹೀಗೆ? ಇದಕ್ಕೆ ರಮ್ಯಾ ಉತ್ತರಿಸಿದ್ದಾರೆ.

ರಮ್ಯಾ ಹೇಳುವ ಪ್ರಕಾರ "ನನಗೆ ಚಿತ್ರದ ಕಥೆ ಮತ್ತು ನನ್ನ ಪಾತ್ರ ಮಾತ್ರ ಮುಖ್ಯ. ನಾನು ಯಾವ ನಾಯಕನಟರ ಜೊತೆ ಅಭಿನಯಿಸುತ್ತೇನೆ ಎಂಬುದಲ್ಲ. ನನ್ನ ಕಾಲ್ ಶೀಟ್ ಕೇಳಿಕೊಂಡು ಬರುವ ನಿರ್ಮಾಪಕರು, ನಿರ್ದೇಶಕರ ಚಿತ್ರಗಳಲ್ಲಿ ಈಗೀಗ ನಾಯಕನಟರು ಹೊಸಬರಾಗಿರುವುದು ಹೆಚ್ಚು. ಕಥೆ ಚೆನ್ನಾಗಿದೆ, ನನ್ನ ಪಾತ್ರ ಚೆನ್ನಾಗಿದೆ ಎಂಬ ಕಾರಣಕ್ಕೆ ನಾನು ಒಪ್ಪಿಕೊಳ್ಳುತ್ತಿದ್ದೇನೆ ಅಷ್ಟೆ.

"ನನಗೆ ದರ್ಶನ್ ಹಾಗೂ ಪುನೀತ್ ಅವರುಗಳ ಜೊತೆ ಮತ್ತೆ ನಟಿಸಲು ತುಂಬಾ ಇಷ್ಟ. ಆದರೆ ಅಂತಹ ಆಫರ್ ಬರಬೇಕಷ್ಟೇ. ಕಥೆ ಉತ್ತಮವಾಗಿರಬೇಕು, ಅದು ನನ್ನ ಕಂಡೀಷನ್. ಇತರ ಸಂಗತಿಗಳು ನನಗೆ ನಗಣ್ಯ. ಭಾರೀ ಬಜೆಟ್, ಅದ್ಧೂರಿ ಲೊಕೇಶನ್ನುಗಳು ಅಥವಾ ರಿಮೇಕ್ ಚಿತ್ರಗಳೇ ಪ್ರೇಕ್ಷಕರನ್ನು ಚಿತ್ರಮಂದಿರದತ್ತ ತರುವುದಿಲ್ಲ. ಪ್ರಯೋಗಾತ್ಮಕ ಚಿತ್ರಗಳೂ ಜನರನ್ನು ಸೆಳೆಯುತ್ತವೆ" ಎಂದಿದ್ದಾರೆ ರಮ್ಯಾ. (ಒನ್ ಇಂಡಿಯಾ ಕನ್ನಡ)