ಫೈಟ್ ಮಾಸ್ಟರ್ ಡಿಫರೆಂಟ್ ಡ್ಯಾನಿ ಈಗ ಮಾಸ್ ಹೀರೋ

'ದುನಿಯಾ' ಚಿತ್ರಕ್ಕೆ ಡ್ಯಾನಿ ಸಂಯೋಜಿಸಿದ ಸಾಹಸ ಸನ್ನಿವೇಶಗಳು ಡಿಫರೆಂಟ್ ಆಗಿದ್ದ ಕಾರಣ ಅವರ ಹೆಸರು ಅಲ್ಲಿಂದ ಡಿಫರೆಂಟ್ ಡ್ಯಾನಿ ಆಗಿ ಬದಲಾಯಿತು. ದುನಿಯಾ ಚಿತ್ರ ಬಾಕ್ಸಾಫೀಸಲ್ಲಿ ಗೆಲ್ಲಲು ವೈವಿಧ್ಯಭರಿತವಾಗಿದ್ದ ಫೈಟ್ಸ್ ಕೂಡ ಒಂದು ಕಾರಣ ಎನ್ನಬಹುದು.

ಡ್ಯಾನಿ ನಿರ್ದೇಶಿಸಲಿರುವ ಚಿತ್ರಕ್ಕೆ 'ಢಿ' ಎಂದು ಹೆಸರಿಡಲಾಗಿದ್ದು 'ಫರ್ ಎ ಚೇಂಜ್' ಎಂಬ ಅಡಿಬರಹನ್ನು ನೀಡಲಾಗಿದೆ. ನಿರ್ದೇಶನ ಹಾಗೂ ನಟನೆಯ ಜೊತೆಗೆ ಕತೆ, ಚಿತ್ರಕತೆಯ ಜವಾಬ್ದಾರಿಯನ್ನು ಡ್ಯಾನಿ ಅವರೇ ಹೊತ್ತಿರುವುದು ವಿಶೇಷ.

ಶೀಘ್ರದಲ್ಲೆ ಶೂಟಿಂಗ್ ಆರಂಭವಾಗಲಿರುವ ಈ ಚಿತ್ರದ ಕತೆಯನ್ನು ಕೇಳಿ ನಾಲ್ಕು ಮಂದಿ ನಿರ್ಮಾಪಕರು ಮುಂದೆ ಬಂದಿದ್ದಾರಂತೆ. ಆದರೆ ನಾಲ್ಕು ಮಂದಿಯಲ್ಲಿ ಯಾರಿಗೆ ಚಿತ್ರ ನಿರ್ಮಾಣದ ಜವಾಬ್ದಾರಿ ನೀಡಬೇಕು ಎಂಬುದು ಇನ್ನೂ ತೀರ್ಮಾನಿಸಿಲ್ಲ ಎಂದಿದ್ದಾರೆ ಡ್ಯಾನಿ. (ಒನ್‌ಇಂಡಿಯಾ ಕನ್ನಡ)