Click it and Unblock the Notifications
ಕಡೆಗೂ ಕನ್ನಡದಲ್ಲಿ ಪಾಸಾದರು ಪೂಜಾಗಾಂಧಿ!
ನಿನಗಾಗಿ ಕಾದಿರುವೆ 40 ದಿನಗಳ ಚಿತ್ರೀಕರಣ ಮುಗಿಸಿದೆ. 15 ದಿನಗಳ ಕಾಲ ತಮ್ಮ ಪಾತ್ರಕ್ಕೆ ತಾವೆ ಡಬ್ಬಿಂಗ್ ಹೇಳಿ ಮುಗಿಸಿದ್ದಾರೆ ಪೂಜಾಗಾಂಧಿ.ಈ ಕುರಿತು ಅವರು ಮಾತನಾಡುತ್ತಾ, ''ಡಬ್ಬಿಂಗ್ ಹೇಳಿದ ನಂತರ ನನ್ನ ಭಾಷೆ ಮತ್ತಷ್ಟು ಸುಧಾರಿಸಿದೆ'' ಎಂದರು. ನಿರ್ದೇಶಕನಾಗಿ ಬದಲಾಗಿರುವ ಸಾಹಸ ನಿರ್ದೇಶಕ ಜಾಲಿ ಬಾಸ್ಟಿನ್ ನಿರ್ದೇಶನದ ಈ ಚಿತ್ರವನ್ನು ಸತೀಶ್ ಬಾಬು ನಿರ್ಮಿಸುತ್ತಿದ್ದಾರೆ. ಪೂಜಾಗಾಂಧಿ ಅವರ ಡಬ್ಬಿಂಗ್ ನಿಂದ ಆಕೆಯಷ್ಟೆ ಅಲ್ಲ ಸ್ವತಃ ನಿರ್ದೇಶಕರು ಖುಷಿಯಾಗಿದ್ದಾರೆ.
ದೆಹಲಿ ಮೂಲದ ವಿದ್ಯಾರ್ಥಿನಿಯ ಪಾತ್ರದಲ್ಲಿ ಪೂಜಾಗಾಂಧಿ ಈ ಚಿತ್ರದಲ್ಲಿ ಕಾಣಿಸಲಿದ್ದಾರೆ. ಹಾಗಾಗಿ ಆಕೆಯ ಕನ್ನಡಉಚ್ಛಾರಣೆ ಬಗ್ಗೆ ಅಷ್ಟಾಗಿ ತಲೆ ಕೆಡಿಸಿಕೊಳ್ಳಲಿಲ್ಲ.ಆದರೆ ಆಕೆ ನಮ್ಮ ನಿರೀಕ್ಷೆಗೂ ಮೀರಿ ಡಬ್ಬಿಂಗ್ ಹೇಳಿದ್ದಾರೆ. ಮುಂದಿನ ಆಕೆಯ ಎಲ್ಲ ಚಿತ್ರಗಳಿಗೂ ಆಕೆಯೇ ಡಬ್ಬಿಂಗ್ ಹೇಳಿಕೊಳ್ಳುವಷ್ಟರ ಮಟ್ಟಿಗೆ ಆಕೆಯ ಧ್ವನಿ ಸುಧಾರಿಸಿದೆ ಎನ್ನುತ್ತಾರೆ ಜಾಲಿ ಬಾಸ್ಟಿನ್. ನಿನಗಾಗಿ ಕಾದಿರುವೆ ಚಿತ್ರದ ಧ್ವನಿ ಸುರುಳಿ ಬಿಡುಗಡೆ ಕಾರ್ಯಕ್ರಮದಲ್ಲಿ ಪೂಜಾಗಾಂಧಿ ಕುರಿತ ಈ ಎಲ್ಲ ವಿಚಾರಗಳು ಅನಾವರಣಗೊಂಡವು. ಅಂದಹಾಗೆ ಧ್ವನಿಸುರುಳಿ ಬಿಡುಗಡೆ ಕಾರ್ಯಕ್ರಮ ಬನಶಂಕರಿಯ ಬಿಗ್ ಬಜಾರ್ ಮಾರಾಟ ಮಳಿಗೆಯಲ್ಲಿ ತುಂಬಿದ ಜನಸಂದಣಿಯಲ್ಲಿ ಬಿಡುಗಡೆಯಾಯಿತು. ಈ ಚಿತ್ರಕ್ಕೆ ರಾಬಿನ್ ಅವರ ಸಂಗೀತವಿದೆ.
(ದಟ್ಸ್ ಕನ್ನಡ ಚಿತ್ರವಾರ್ತೆ)
Continue with Google
