ಈ ವಾರ ಬಿಡುಗಡೆಯಾಗುತ್ತಿರುವ 4 ಚಿತ್ರಗಳ ಪಟ್ಟಿ

ಮೈ ಮನ ಪೋಣಿಸೊ 'ಸೂಜಿದಾರ'

ನಟಿ ಹರಿಪ್ರಿಯಾ ವಿಭಿನ್ನ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಅದೇ ರೀತಿ ಅವರು ಮತ್ತೊಂದು ಸಾವಾಲಿನ ಪಾತ್ರವನ್ನು 'ಸೂಜಿದಾರ' ಸಿನಿಮಾದಲ್ಲಿ ಮಾಡಿದ್ದಾರೆ. ಯಶ್ ಶೆಟ್ಟಿ ಸಿನಿಮಾದ ನಾಯಕರಾಗಿದ್ದಾರೆ. ಮೌನೇಶ್ ಬಡಿಗೇರ್ ಸಿನಿಮಾದ ನಿರ್ದೇಶನ ಮಾಡಿದ್ದಾರೆ. ಸಿನಿಮಾದ ಟ್ರೇಲರ್ ಹಾಗೂ ಹಾಡುಗಳು ಗಮನ ಸೆಳೆದಿದ್ದು, ಚಿತ್ರದ ಮೇಲೆ ನಿರೀಕ್ಷೆ ಇದೆ.

'ಅನುಷ್ಕ' ಆಗಮನ

'ಅನುಷ್ಕ' ಕನ್ನಡ ಸಿನಿಮಾ ಈ ವಾರ ಬಿಡುಗಡೆಯಾಗುತ್ತಿದೆ. ಸುಮಾರು 130 ಚಿತ್ರಮಂದಿರಗಳಲ್ಲಿ ಚಿತ್ರ ರಿಲೀಸ್ ಆಗುತ್ತಿದೆ. ಐತಿಹಾಸಿಕ ಹಿನ್ನಲೆಯ ಸಿನಿಮಾ ಇದಾಗಿದೆ. 'ಡೇಂಜರ್ ಜೋನ್' ಹಾಗೂ 'ನಿಶ್ಯಬ್ಧ 2' ಚಿತ್ರಗಳನ್ನು ಮಾಡಿದ್ದ ದೇವರಾಜ್ ಕುಮಾರ್ ಈ ಸಿನಿಮಾದ ನಿರ್ದೇಶನ ಮಾಡಿದ್ದಾರೆ. ರೂಪೇಶ್ ಶೆಟ್ಟಿ ಚಿತ್ರದ ನಾಯಕನಾಗಿದ್ದಾರೆ. ಅನುಷ್ಕ ಪಾತ್ರದಲ್ಲಿ ಅಮೃತ ನಟಿಸಿದ್ದಾರೆ.

'ಖನನ'ಕ್ಕೆ ದಾರಿ ತೆರೆಯುತ್ತೆ

'ಖನನ' ಎಂಬ ಸಿನಿಮಾ ಕೂಡ ಮೇ 10 ರಂದು ಬಿಡುಗಡೆಯಾಗುತ್ತಿದೆ. ಕನ್ನಡ, ತಮಿಳು ಹಾಗೂ ತೆಲಗು ಭಾಷೆಯಲ್ಲಿ ಸಿನಿಮಾ ನಿರ್ಮಾಣ ಆಗಿದೆ. ರಾಧ ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದಾರೆ. ಆರ್ಯವರ್ಧನ್ ಚಿತ್ರದ ನಾಯಕನಾಗಿದ್ದು, ಕರಿಷ್ಮಾ ನಾಯಕಿಯಾಗಿದ್ದಾರೆ. ಇದೊಂದು ಸಸ್ಪೆನ್ಸ್ ಥ್ರಿಲ್ಲರ್ ಕಥೆ ಹೊಂದಿದ್ದು, ಬಹುತೇಕ ಹೊಸಬರೇ ನಟಿಸಿದ್ದಾರೆ.

'ತ್ರಯ' ಚಿತ್ರ ಬಿಡುಗಡೆ

'ತ್ರಯ' ಒಂದು ಮರ್ಡರ್ ಮಿಸ್ಟರಿ ಸಸ್ಪೆನ್ಸ್ ಸಿನಿಮಾವಾಗಿದೆ. ಕೃಷ್ಣಸಾಯಿ ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದಾರೆ. ಮೂರು ಜನ ಯುವಕರು ಹಾಗೂ ಒಬ್ಬ ಯುವತಿಯ ಪ್ರೇಮ ಕಥೆ ಸಿನಿಮಾದಲ್ಲಿದೆ. ಸಂಯುಕ್ತ ಹೊರನಾಡು ಚಿತ್ರದ ಒಂದು ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ವಾರ 'ತ್ರಯ' ಸಿನಿಮಾ ತೆರೆಗೆ ಬರುತ್ತಿದೆ.