'777 ಚಾರ್ಲಿ' ನಾಯಿಗೆ ನಾಯಿಗಳ ಅಭಿಮಾನಿ ಸಂಘ: ಸದಸ್ಯ ನಾಯಿಗಳ ಪಟ್ಟಿ ಇಲ್ಲಿದೆ ನೋಡಿ!

ಚಾರ್ಲಿ ನಾಯಿ ಈಗ ದೊಡ್ಡ ಸೆಲೆಬ್ರೆಟಿ!

'777 ಚಾರ್ಲಿ' ಚಿತ್ರದಲ್ಲಿ, ಸಿನಿಮಾದ ಮುಖ್ಯ ಪಾತ್ರಧಾರಿ ಚಾರ್ಲಿ ನಾಯಿಯೇ ದೊಡ್ಡ ಹೀರೋ. ಹಾಗಾಗಿ ಚಾರ್ಲಿ ಈಗ ಹೀರೋ ಆಗಿ ಬಿಟ್ಟಿದ್ದಾನೆ. ಎಲ್ಲೆಲ್ಲೂ ಈ ನಾಯಿಯ ಬಗ್ಗೆಯೇ ಮಾತು. ನಾಯಿ ಮತ್ತು ಮಾನವನ ನಡುವೆ ನಡುವೆ ಉತ್ತಮ ಬಾಂಧವ್ಯ ಇದ್ದೇ ಇರುತ್ತದೆ. ಹಾಗಾಗಿ ಈ ಚಾರ್ಲಿ ಮತ್ತು ಧರ್ಮನ ಕಥೆಗೆ ಎಲ್ಲರೂ ಸುಲಭವಾಗಿ ಕನೆಕ್ಟ್ ಆಗುತ್ತಿದ್ದಾರೆ.

ಚಾರ್ಲಿ ನಾಯಿಗೆ, ನಾಯಿಗಳ ಅಭಿಮಾನಿ ಸಂಘ!

ಸದ್ಯ ಚಾರ್ಲಿ ನಾಯಿಗೆ ಅಭಿಮಾನಿ ಸಂಘ ಹುಟ್ಟಿಕೊಂಡಿದೆ. ಹಾಗಂತ ಮನುಷ್ಯರು ಸೇರಿಕೊಂಡು ಮಾಡಿರುವ ಅಭಿಮಾನಿ ಬಳಗ ಅಲ್ಲ ಇದು. ಇದು ನಾಯಿಗಳ ಅಭಿಮಾನಿ ಸಂಘ. ಚಿಕ್ಕಬಳ್ಳಾಪುರದಲ್ಲಿ ಹೀಗೊಂದು ಸಂಘ ಹುಟ್ಟುಕೊಂಡಿದೆ. ಈ ಸಂಘಕ್ಕೆ ಚಾರ್ಲಿ ಅಭಿಮಾನಿಗಳ ಸಂಘ ಎಂದು ಹೆಸರಿಡಲಾಗಿದೆ. ಹಲವು ನಾಯಿಗಳ ಫೋಟೋಗಳಿರುವ ಸಂಘದ ಈ ಪೋಸ್ಟರ್ ಎಲ್ಲಡೆ ವೈರಲ್ ಆಗಿದೆ.

ಚಾರ್ಲಿ ಅಭಿಮಾನಿ ಸಂಘ!

ಚಾರ್ಲಿ ಅಭಿಮಾನಿ ಸಂಘದಲ್ಲಿ ಒಟ್ಟು 13 ನಾಯಿಗಳು ಸದಸ್ಯತ್ವ ಪಡೆದುಕೊಂಡಿವೆ. ಅಧ್ಯಕ್ಷ ಸ್ಥಾನದಲ್ಲಿ ರಾಯನ್, ಉಪಾಧ್ಯಕ್ಷ ಸ್ಥಾನದಲ್ಲಿ ರಾಕಿ, ಖಜಾಂಚಿಯಾಗಿ ಜಾಕಿ ಸ್ಥಾನ ಪಡೆದಿದ್ದಾರೆ. ಇನ್ನುಳಿದಂತೆ ಕರಿಯ, ಚಿಂಟು, ಬೈರ, ರಾಮು ಸೇರಿದಂತೆ ಒಟ್ಟು 13 ನಾಯಿಗಳು ಸದಸ್ಯತ್ವ ಪಡೆದುಕೊಂಡಿವೆ. ಈ ಪೋಸ್ಟರ್ ವೈರಲ್ ಲಿಸ್ಟ್ ಸೇರಿದ್ದು, ಸಾಕಷ್ಟು ಮೆಚ್ಚುಗೆ ಗಳಿಸಿಕೊಂಡಿದೆ.

ಇಂದು ಸಿನಿಮಾ ರಿಲೀಸ್!

ಇಂದು (ಜೂನ್ 10) '777 ಚಾರ್ಲಿ' ಸಿನಿಮಾ ರಿಲೀಸ್ ಆಗಿದೆ. ವಿಮರ್ಶಕರಿಂದ ಉತ್ತಮ ಪ್ರಶಂಸೆ ಗಿಟ್ಟಿಸಿಕೊಂಡಿದೆ. ಇನ್ನು ಸಿನಿಮಾ ನೋಡಿದ ಮಂದಿ ಕಣ್ಣೀರು ಹಾಕುತ್ತಾ ಸಿನಿಮಾ ಮಂದಿರದಿಂದ ಹೊರ ಬಂದಿದ್ದಾರೆ. ಕನ್ನಡದಲ್ಲಿ ಈ ರೀತಿಯ ಪ್ರಯೋಗಾತ್ಮಕ ಸಿನಿಮಾ ಬಂದಿರುವುದಕ್ಕೆ ಸಕಾರಾತ್ಮಕ ಅಭಿಪ್ರಾಯಗಳು ವ್ಯಕ್ತವಾಗಿವೆ.