ರಾಕಿಂಗ್ ಸ್ಟಾರ್ ಯಶ್ ಗೆ ಫಿಲಿಪ್ಪೀನ್ಸ್ ಅಭಿಮಾನಿ ಬರೆದಿರುವ ಸುದೀರ್ಘ ಪತ್ರ.!

ಇಂತಹ ಸ್ಟಾರ್ ನಟನನ್ನು ನೋಡಿಲ್ಲ.!

''ಕಳೆದ ಡಿಸೆಂಬರ್ ನಲ್ಲಿ ಯೂಟ್ಯೂಬ್ ನಲ್ಲಿ ಒಂದು ವಿಡಿಯೋ ನೋಡಿದ ಮೇಲೆ ಯಶ್ ಬಗ್ಗೆ ತಿಳಿಯಿತು. ತಕ್ಷಣ ಅವರು ನನ್ನ ಅಚ್ಚುಮೆಚ್ಚಿನ ನಟ ಆಗ್ಬಿಟ್ಟರು. ಯಶ್ ಕುರಿತ ಎಲ್ಲಾ ಮಾಹಿತಿಯನ್ನು ಹುಡುಕಾಡಿದೆ. ಅವರ ಎಲ್ಲಾ ಚಿತ್ರಗಳು ಮತ್ತು ಸಂದರ್ಶನಗಳನ್ನು ವೀಕ್ಷಿಸಿದೆ. ಕಿರಿ ವಯಸ್ಸಿನಲ್ಲಿ ತುಂಬಾ ಕಷ್ಟ ಪಟ್ಟಿದ್ದರೂ, ಬಿಟ್ಟುಕೊಡುವ ವ್ಯಕ್ತಿತ್ವ ಅವರದ್ದಲ್ಲ. ನನ್ನ ಜೀವನದಲ್ಲಿ ಇಂತಹ ಓರ್ವ ಸ್ಟಾರ್ ನಟನನ್ನು ನಾನು ನೋಡಿಲ್ಲ. ಇದಕ್ಕೆ ಸ್ಪಷ್ಟ ಉದಾಹರಣೆ ಕೆ.ಜಿ.ಎಫ್'' - ಪೆಟೆ ಅಶೋಕ್ ಜೊರ್ನಲ್

ಸ್ಫೂರ್ತಿಯಾದ ಯಶ್

''ಕನ್ನಡ ಚಿತ್ರರಂಗದ ಬಗ್ಗೆ ಹೆಮ್ಮೆ ಹೊಂದಿರುವ ಯಶ್, ಇತರೆ ಭಾಷೆಗಳ ಚಿತ್ರರಂಗಗಳನ್ನೂ ಗೌರವಿಸುತ್ತಾರೆ. ಹೀಗೆ, ಅನೇಕ ವಿಚಾರಗಳಲ್ಲಿ ಯಶ್ ನನಗೆ ಸ್ಫೂರ್ತಿಯಾಗಿದ್ದಾರೆ. ಅವರನ್ನ ಪ್ರೀತಿಸದೆ ಇರುವುದು ಅಸಾಧ್ಯ. ಪ್ರತಿದಿನ ನಾನು ಕೆ.ಜಿ.ಎಫ್ ವೈಬ್ಸ್ ಕ್ಯಾರಿ ಮಾಡುತ್ತೇನೆ. ರಾಕಿ ಭಾಯ್ ಲುಕ್ ನ ಕಾಪಿ ಮಾಡುವ ಸಲುವಾಗಿ ನಾನು ಉದ್ದ ಕೂದಲು, ಗಡ್ಡ ಬಿಟ್ಟಿಲ್ಲ. ಬದಲಾಗಿ, ಕ್ಯಾನ್ಸರ್ ಸಂಸ್ಥೆಗಳಲ್ಲಿ ಇರುವ ಮಕ್ಕಳಿಗೆ ಕೂದಲನ್ನು ದಾನ ಮಾಡುವ ಸಲುವಾಗಿ ಉದ್ದ ಕೂದಲು, ಗಡ್ಡ ಬಿಟ್ಟಿರುವೆ'' - ಪೆಟೆ ಅಶೋಕ್ ಜೊರ್ನಲ್

ಬೇರೆ ದಾರಿ ಇರಲಿಲ್ಲ.!

''ಯಶೋ ಮಾರ್ಗ ಸಂಸ್ಥೆಯ ಮೂಲಕ ಕರ್ನಾಟಕದಲ್ಲಿನ ಸಾವಿರಾರು ರೈತರಿಗೆ ನೀರಿನ ವ್ಯವಸ್ಥೆ ಮಾಡಿಕೊಟ್ಟಿದ್ದಾರೆ. ಹುಟ್ಟುಹಬ್ಬಕ್ಕೂ ಮುನ್ನ ಸಸಿಗಳನ್ನು ನೆಡುವ ಮೂಲಕ ಯಶ್ ಅಭಿಮಾನಿಗಳು ಟ್ರೆಂಡ್ ಸೆಟ್ ಮಾಡುತ್ತಿದ್ದಾರೆ. ಬೆಂಗಳೂರಿಗೆ ಬಂದು ಅವರನ್ನು ಭೇಟಿಯಾಗುವುದನ್ನು ಬಿಟ್ಟು ಯಶ್ ಮೇಲಿನ ಗೌರವ ಮತ್ತು ಅಭಿಮಾನಿವನ್ನು ತೋರಿಸಲು ಬೇರೆ ದಾರಿಯಿಲ್ಲ. ಹೀಗಾಗಿ, ಫಿಲಿಪ್ಪೀನ್ಸ್ ನಿಂದ ಬೆಂಗಳೂರಿಗೆ ಬಂದಿರುವೆ. ದಯವಿಟ್ಟು ನನ್ನ ಕನಸನ್ನು ನನಸು ಮಾಡಿ. ಯಶ್ ರನ್ನ ಭೇಟಿ ಆಗಲು ಸಹಾಯ ಮಾಡಿ'' ಎಂದು ಪೆಟೆ ಅಶೋಕ್ ಜೊರ್ನಲ್ ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ.

ಅಚ್ಚರಿ ಅಂದ್ರೆ ಇದೇ.!

ಇನ್ನೂ ಇಂಟ್ರೆಸ್ಟಿಂಗ್ ಅಂದ್ರೆ ಫಿಲಿಪ್ಪೀನ್ಸ್ ನ ಪೆಟೆ ಅಶೋಕ್ ಜೊರ್ನಲ್.. ರಾಕಿಂಗ್ ಸ್ಟಾರ್ ಯಶ್ ಫ್ಯಾನ್ ಆದ್ಮೇಲೆ ಕನ್ನಡ ಕಲಿತಿದ್ದಾರೆ. ಫಿಲಿಪ್ಪೀನ್ಸ್ ಅಭಿಮಾನಿಯ ಕೋರಿಕೆಗೆ ಮನ್ನಣೆ ಕೊಟ್ಟ ಯಶ್ ನಿನ್ನೆಯಷ್ಟೇ ಪೆಟೆ ಅಶೋಕ್ ಜೊರ್ನಲ್ ರನ್ನ ಭೇಟಿ ಆಗಿದ್ದಾರೆ. ಪೆಟೆ ಅಶೋಕ್ ಜೊರ್ನಲ್ ಅಭಿಮಾನ ಕಂಡು ಯಶ್ ಖುಷಿ ಪಟ್ಟಿದ್ದಾರೆ.