ಕನ್ನಡದ ಹೊಸ ಆಪಲ್ ಸುಂದರಿ ದಿಶಾ ಪೂವಯ್ಯ

ಈ ಫೋಟೋ ನೋಡಿದರೆ ಮತ್ತೆ ಕ್ರೇಜಿಸ್ಟಾರ್ ರವಿಚಂದ್ರನ್ ಹೂ, ಹಣ್ಣು, ದ್ರಾಕ್ಷಿ ಕೈಗೆತ್ತಿಕೊಂಡರೆ ಎಂಬ ಅನುಮಾನ ಸುಳಿದಾಡುತ್ತದೆ. ಕನ್ನಡ ಬೆಳ್ಳಿಪರದೆ ಮೇಲೆ ನಾಯಕಿಯರ ಮೈಮಾಟವನ್ನು ಹೂವು, ಹಣ್ಣುಗಳೊಂದಿಗೆ ಅಲಂಕರಿಸಿ ಪುಷ್ಪಾರ್ಚನೆ ಮಾಡಿಸಿದ ಖ್ಯಾತಿ ರವಿಮಾಮನಿಗೆ ಸಲ್ಲುತ್ತದೆ.

ಈಗ ರವಿಚಂದ್ರನ್ ಆ ರೀತಿಯ ಪ್ರಯೋಗಗಳನ್ನು ಮಾಡುತ್ತಿಲ್ಲ ಬಿಡಿ. ಆದರೆ ಅವರು ಹಾಕಿಕೊಟ್ಟ 'ರಸ'ದಾರಿಯಲ್ಲಿ ಈಗ ಅನೇಕ ನಿರ್ದೇಶಕರು ಹೆಜ್ಜೆ ಹಾಕುತ್ತಿದ್ದಾರೆ. ಇದು ಹೊಸಬರ 'ಆಶೀರ್ವಾದ' ಚಿತ್ರದ ಆಪಲ್ ನೋಟ. ಈ ಆಪಲ್ ಸುಂದರಿ ಹೆಸರು ದಿಶಾ ಪೂವಯ್ಯ.

ದಿಶಾ ಪೂವಯ್ಯ

ವಿಷ್ಣು ಪ್ರಿಯನ್ ಅವರ ನಿರ್ದೇಶನದ ಈ ಚಿತ್ರದ ಅಡಿಬರಹ 'ಶುದ್ಧರಿಗೆ ನಮನ'. ಕ್ಲಾಪ್ ಬಾಯ್ ಆಗಿ ಚಿತ್ರರಂಗಕ್ಕೆ ಬಂದ ಈ ನಿರ್ದೇಶಕರಿಗೆ ಜನಪ್ರಿಯ ನಿರ್ದೇಶಕ, ನಟ ಉಪೇಂದ್ರ ಅವರೇ ಸ್ಫೂರ್ತಿ. ಭಾವನಾತ್ಮಕ ಸನ್ನಿವೇಶಗಳ ಜೊತೆಗೆ ಮನಸ್ಫೋಟಕ ಅಂಶಗಳನ್ನು ಚಿತ್ರದಲ್ಲಿ ಸೇರಿಸಿದ್ದಾರೆ ನಿರ್ದೇಶಕ ವಿಷ್ಣುಪ್ರಿಯನ್.

ಹಾರ್ಡ್ ವೇರ್ ವೃತ್ತಿಯಲ್ಲಿ ತೊಡಗಿಕೊಂಡಿರುವ ಸೂರ್ಯ ಮೋಹನ್ ಅವರು ಈ ಚಿತ್ರದ ನಾಯಕ ಹಾಗೂ ನಿರ್ಮಾಪಕರು. ಜನಪ್ರಿಯ ಸಂಗೀತ ನಿರ್ದೇಶಕ ವಿ ಮನೋಹರ್ ಅವರ ಸಂಗೀತವು ಈ ಚಿತ್ರದ ಜೀವಾಳ ಎನ್ನುತ್ತಾರೆ ನಿರ್ಮಾಪಕರು.

ಪ್ರೇಮ ಪ್ರೀತಿ ಪ್ರಣಯ ಒಳಗೊಂಡಿರುವ ಈ 'ಆಶೀರ್ವಾದ' ಚಿತ್ರದಲ್ಲಿ ದಿಶಾ ಪೂವಯ್ಯ ನಾಯಕಿ. ಮಮತಾ ರಾವತ್ ಅವರು ಐಟಂ ಹಾಡಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಹೊಕ್ಕುಳಲ್ಲಿ ದ್ರಾಕ್ಷಿ ಹಾಕಿಕೊಂಡಿರುವವರನ್ನು ನೋಡಿರುತ್ತೀರಿ. ಈಗ ಹೊಸ ಪ್ರಯೋಗ ಆಪಲ್. (ಒನ್ಇಂಡಿಯಾ ಕನ್ನಡ)