ಕನ್ನಡ ಚಿತ್ರರಂಗದ ಲೇಡಿ ಟೈಗರ್ ಮಾಲಾಶ್ರೀ ಈಗೇನ್ಮಾಡ್ತಿದ್ದಾರೆ

ಕೊನೆಯದಾಗಿ ಮಿಂಚಿದ್ದು 'ಗಂಗಾ' ಚಿತ್ರದಲ್ಲಿ

ನಟಿ ಮಾಲಾಶ್ರೀ ಅವರು ಕೊನೆಯದಾಗಿ ತೆರೆಯ ಮೇಲೆ ಕಾಣಿಸಿಕೊಂಡು ಅಭಿಮಾನಿಗಳನ್ನು ರಂಜಿಸಿದ್ದು, 'ಗಂಗಾ' ಚಿತ್ರದಲ್ಲಿ. ಈ ಚಿತ್ರದಲ್ಲಿ ಮಾಲಾಶ್ರೀ ಅವರು ಎರಡು ಶೇಡ್ ನಲ್ಲಿ ಮಿಂಚಿದ್ದರು. ತದನಂತರ ಯಾವುದೇ ಚಿತ್ರಕ್ಕೂ ಮಾಲಾಶ್ರೀ ಬಣ್ಣ ಹಚ್ಚಿಲ್ಲ.[ದಸರಾ ಹಬ್ಬಕ್ಕೆ ಮಾಲಾಶ್ರೀ 'ಗಂಗಾ' ರಿಲೀಸ್]

ಆಟೋ ಡ್ರೈವರ್ ಆಗಿದ್ದ ಮಾಲಾಶ್ರೀ

ಯಾವಾಗಲೂ ಖಾಕಿ ಧರಿಸಿ ಅಪರಾದಿಗಳ ಬೆಂಡೆತ್ತುತ್ತಿದ್ದ ಮಾಲಾಶ್ರೀ ಅವರು 'ಗಂಗಾ' ಸಿನಿಮಾದಲ್ಲಿ ತಮ್ಮ ಹಳೇ ಸ್ಟೈಲ್ ಲಂಗ-ದಾವಣಿಗೆ ಮರಳಿದ್ದರು. ಜೊತೆಗೆ ಆಟೋ ಡ್ರೈವರ್ ಆಗಿ ಫೈಟ್ ಕೂಡ ಮಾಡಿದ್ದರು.[ಆಟೋ ಡ್ರೈವರ್ ಆಗಿ ಮಿಂಚಲಿರುವ ಲೇಡಿ ಟೈಗರ್]

ಮಾಲಾಶ್ರೀ ಈಗೆಲ್ಲಿ?

ಸಿನಿಮಾನೂ ಮಾಡ್ತಿಲ್ಲ, ಬೇರೆ ಪ್ರಾಜೆಕ್ಟ್ ಕೂಡ ಒಪ್ಪಿಕೊಂಡಿಲ್ಲ ಅಂದರೆ ಮಾಲಾಶ್ರೀ ಅವರು ಈಗೆಲ್ಲಿ? ಅನ್ನೋ ಪ್ರಶ್ನೆ ಬರುತ್ತದೆ. ಸದ್ಯದಲ್ಲಿಯೇ ಮಾಲಾಶ್ರೀ ಕಿರುತೆರೆ ಲೋಕಕ್ಕೆ ಕಾಲಿಡಲಿದ್ದಾರೆ.

ಕಿರುತೆರೆಯಲ್ಲಿ ಮಾಲಾಶ್ರೀ

ಸುವರ್ಣ ವಾಹಿನಿಯಲ್ಲಿ ಹೊಸದಾಗಿ ಆರಂಭವಾಗುತ್ತಿರುವ 'ಆಕ್ಷನ್ ಸ್ಟಾರ್' ಎಂಬ ಹೊಸ ರಿಯಾಲಿಟಿ ಶೋ ಒಂದಕ್ಕೆ ಸ್ಪೆಷಲ್ ಗೆಸ್ಟ್ ಆಗಿ ನಟಿ ಮಾಲಾಶ್ರೀ ಅವರು ಆಗಮಿಸುತ್ತಿದ್ದಾರೆ.

ರಘು ಮುಖರ್ಜಿ ನಿರೂಪಣೆ

'ಆಕ್ಷನ್ ಸ್ಟಾರ್' ಎಂಬ ರಿಯಾಲಿಟಿ ಶೋಗೆ ಮಿಸ್ಟರ್ ಇಂಡಿಯಾ ಹಾಗೂ ಮಿಸ್ಟರ್ ಇಂಟರ್ ನ್ಯಾಷನಲ್ ಖ್ಯಾತಿಯ ರಘು ಮುಖರ್ಜಿ ಸಾರಥ್ಯ ವಹಿಸಿಕೊಂಡಿದ್ದಾರೆ. ಹೆಣ್ಮಕ್ಕಳೇ ಸ್ಟ್ರಾಂಗ್ ಎನ್ನುವ ಈ ಸ್ಟಂಟ್ ರಿಯಾಲಿಟಿ ಶೋ ನಲ್ಲಿ ರಘು ಮುಖರ್ಜಿ ನಿರೂಪಣೆ ಮಾಡಲಿದ್ದಾರೆ.[ಕನ್ನಡ ಕಿರುತೆರೆಗೆ ಕಾಲಿಟ್ಟ ಹ್ಯಾಂಡ್ಸಮ್ ಹೀರೋ ರಘು ಮುಖರ್ಜಿ]

ಯಾವಾಗ ಪ್ರಸಾರ

ಜನಪ್ರಿಯ ಚಾನೆಲ್ ಸುವರ್ಣ ವಾಹಿನಿಯಲ್ಲಿ ಯುವ ಸಾಹಸಿಯರ ಸ್ಟಂಟ್ ರಿಯಾಲಿಟಿ ಶೋ 'ಆಕ್ಷನ್ ಸ್ಟಾರ್' ಮಾರ್ಚ್ 19 ರಿಂದ ಶನಿವಾರ ಮತ್ತು ಭಾನುವಾರ ರಾತ್ರಿ 7.30ಕ್ಕೆ ಪ್ರಸಾರವಾಗಲಿದೆ.