'ಮೊಟ್ಟೆಯ ಕಥೆ' ನೋಡಿ ಗಣೇಶ್ ಮತ್ತು ಪ್ರಜ್ವಲ್ ಹೇಳಿದ್ರು ಅಸಲಿ ಕಥೆ

ಮೊಟ್ಟೆ ಕಥೆ ಬಗ್ಗೆ ಗಣೇಶ್ ಹೇಳಿದ್ದೇನು?

''ಒಂದು ಮೊಟ್ಟೆಯ ಕಥೆ.... ಹೊಟ್ಟೆ ಹುಣ್ಣಾಗುವಷ್ಟು ನಗಿಸುತ್ತೆ. ಬಹಳ ಇಷ್ಟವಾಯಿತು. ತುಂಬಾ ಚೆನ್ನಾಗಿ ಕಾಮಿಡಿ ಮಾಡಿದ್ದಾರೆ, ಅಷ್ಟೇ ಚೆನ್ನಾಗಿ ಅಣ್ಣಾವ್ರ ಹಾಡುಗಳನ್ನ ಬಳಸಿಕೊಂಡಿದ್ದಾರೆ. ಆದ್ರೆ, ಈ ಗ್ಯಾಪ್ ನಲ್ಲಿ ಚೆನ್ನಾಗಿ ಅಳಿಸಿ ಬಿಡುತ್ತಾರೆ. ಇಡೀ ಸಿನಿಮಾ ಮಂಗಳೂರು ಭಾಷೆಯಲ್ಲಿ ಮೂಡಿದೆ'' - ಗಣೇಶ್, ನಟ

ಒಂದು ಸೀನ್ ತುಂಬಾ ಇಷ್ಟವಾಯಿತು

''ಕ್ಲೈಮ್ಯಾಕ್ಸ್ ಗೂ ಮುಂಚೆ ಒಂದು ಸೀನ್ ಇದೆ. ಆ ದೃಶ್ಯದಲ್ಲಿ ಅಳು ಬಂತು. ನಾನು ಮಾತ್ರವಲ್ಲ, ನನ್ನ ಜೊತೆ ಇದ್ದ ಸ್ನೇಹಿತರೆಲ್ಲಾ ಅತ್ತುಬಿಟ್ಟರು. ರಾಜ್ ಶೆಟ್ಟಿ ಅಭಿನಯ ಚೆನ್ನಾಗಿದೆ. ನಿರ್ದೇಶನ ಕೂಡ ಉತ್ತಮವಾಗಿ ನಿರ್ವಹಿಸಿದ್ದಾರೆ. ಕಲಾವಿದರೆಲ್ಲಾ ಅತ್ಯುತ್ತಮ ಅಭಿನಯ ಮಾಡಿದ್ದಾರೆ. ಹೊಡಿಬಡಿ, ಲವ್ ಮಾಡು, ಡ್ಯುಯೆಟ್ ಹಾಡು ಎನ್ನುವ ಫಾರ್ಮೆಟ್ ಗಿಂತ ವಿಭಿನ್ನವಾಗಿದೆ. ಒಂದೇ ಮಾತಿನಲ್ಲಿ ಹೇಳುವುದಾದರೇ, ಮೊಟ್ಟೆ ಬಹಳ ರುಚಿಯಾಗಿದೆ. '' - ಗಣೇಶ್, ನಟ

ಪ್ರಜ್ವಲ್ ದೇವರಾಜ್

''ತುಂಬಾ ಡೀಪ್ ಆಗಿ ಸಿನಿಮಾ ಇಷ್ಟವಾಯಿತು. ಸನ್ನಿವೇಶಗಳು, ಕಥೆಗಳು, ಪಾತ್ರಗಳು ಸಹಜವಾಗಿದೆ. ನಿಜವಾದ ಸೌಂದರ್ಯ ಏನು ಅಂತ ತಿಳಿದುಕೊಳ್ಳುವುದಕ್ಕೆ ಈ ಸಿನಿಮಾ ನೋಡಿದ್ರೆ ಸಾಕು. ಸಿನಿಮಾ ನಗಿಸುತ್ತೆ, ಅಳಿಸುತ್ತೆ. ಸೂಪರ್ ಸಿನಿಮಾ'' - ಪ್ರಜ್ವಲ್ ದೇವರಾಜ್, ನಟ

ರವಿಶಂಕರ್ ಏನಂದ್ರು?

''ನಗಿಸಿ ಅಳಿಸುವ ಮೊಟ್ಟೆ, ನಾನಂತೂ ತುಂಬಾ ಇಷ್ಟ ಪಟ್ಟೆ. ಇತ್ತೀಚೆಗೆ ಪ್ಲಾಸ್ಟಿಕ್ ಮೊಟ್ಟೆಗಳ ಭರಾಟೆಯಲ್ಲಿ ಒಂದು ಉತ್ತಮವಾದ ಮೊಟ್ಟೆ ಸಿಕ್ಕಿದೆ. ರಾಜ್ ಬಿ ಶೆಟ್ಟಿ ಅವರು ಉತ್ತಮವಾಗಿ ನಿರ್ದೇಶಿಸಿ, ಅಭಿನಯವನ್ನ ಕೂಡ ಸಮರ್ಥವಾಗಿ ನಿಭಾಯಿಸಿದ್ದಾರೆ. ಬೇರೆ ಕಲಾವಿದರು ಕೂಡ ಅಷ್ಟೇ ಚೆನ್ನಾಗಿ ಅಭಿನಯಿಸಿದ್ದಾರೆ. ಕೊನೆಯವರೆಗೂ ಖುಷಿ ಕೊಡುತ್ತೆ. ಅಣ್ಣಾವ್ರು ಹಾಡುಗಳು ಬಳಸಿರುವ ರೀತಿ ತುಂಬಾ ಇಷ್ಟವಾಯಿತು'' - ರವಿಶಂಕರ್ ಗೌಡ, ನಟ

'ಒಂದು ಮೊಟ್ಟೆಯ ಕಥೆ' ಬಗ್ಗೆ ಸೆಲೆಬ್ರಿಟಿಗಳು ಮಾತನಾಡಿರುವ ವಿಡಿಯೋ ನೋಡಲು ಈ ಲಿಂಕ್ ಕ್ಲಿಕ್ ಮಾಡಿ