ಲಂಡನ್ ನಲ್ಲಿ ಗಣೇಶ್: ಬಿಬಿಸಿ ರೇಡಿಯೋದಲ್ಲಿ ನಮಸ್ಕಾರ ನಮಸ್ಕಾರ...

ಬಿಬಿಸಿಯಲ್ಲಿ ಗಣೇಶ್

'ಜೂಮ್' ಚಿತ್ರದ ಪ್ರೀಮಿಯರ್ ಶೋ ಮುಗಿದ ನಂತರ ನಟ ಗಣೇಶ್ ಅವರು ಬಿಬಿಸಿ ರೇಡಿಯೋ ಕೇಂದ್ರಕ್ಕೆ ವಿಶೇಷ ಅತಿಥಿಯಾಗಿ ಭೇಟಿ ಕೊಟ್ಟು ಅಲ್ಲಿ ಸಂದರ್ಶನ ನೀಡಿದರು.

ನಮಸ್ಕಾರ ನಮಸ್ಕಾರ....

ಬಿಬಿಸಿ ರೇಡಿಯೋಗೆ ಭೇಟಿ ನೀಡಿದ ಗಣೇಶ್ ಅವರು ಮೊದಲು ಮಾಡಿದ ಕೆಲಸ 'ನಮಸ್ಕಾರ ನಮಸ್ಕಾರ ನಮಸ್ಕಾರ...' ಎಂದಿದ್ದು. ಅಶಾಂತಿ ಓಂಕಾರ ಎಂಬ ಆರ್ ಜೆ ಬಿಬಿಸಿಯಲ್ಲಿ ಕಾರ್ಯಕ್ರಮ ನಡೆಸಿಕೊಡುತ್ತಿದ್ದು, ಗಣೇಶ್ ಅವರನ್ನು ಸಂದರ್ಶನ ಮಾಡಿದರು.

ಕಾಮಿಡಿ ಶೋ ಬಗ್ಗೆ ಹಂಚಿಕೊಂಡ ಗಣೇಶ್

ಸಂದರ್ಶನ ಶುರು ಮಾಡಿದ ಗಣೇಶ್ ಅವರು ಮೊದಲು ತಾವು ಮಾಡುತ್ತಿದ್ದ ಟಿವಿ ಶೋ ಬಗ್ಗೆ ಹಂಚಿಕೊಂಡರು. ನಮಸ್ಕಾರ ನಮಸ್ಕಾರ ನಮಸ್ಕಾರ ಹೇಗೆ ಫೇಮಸ್ ಆಯ್ತು ಅನ್ನೋದನ್ನ ಹೇಳಿಕೊಂಡರು. ಜೊತೆಗೆ ಚಿತ್ರರಂಗಕ್ಕೆ ಕಾಲಿಟ್ಟ ಕ್ಷಣವನ್ನು ಕೂಡ ಇಲ್ಲಿ ನೆನಪಿಸಿಕೊಂಡರು.

'ಜೂಮ್' ಯಶಸ್ಸು ಹಂಚಿಕೊಂಡ ಗಣೇಶ್

ಬಿಬಿಸಿ ಸಂದರ್ಶನದಲ್ಲಿ ಗಣೇಶ್ ಅವರು ತಮ್ಮ 'ಜೂಮ್' ಚಿತ್ರದ ಯಶಸ್ಸನ್ನು ಹಂಚಿಕೊಂಡರು. ಯುಕೆ ಜನರಿಗೂ 'ಜೂಮ್' ನ ಬತ್ತಾಸ್ ತುಂಬಾ ಹಿಡಿಸಿತು ಎಂದು ಗಣೇಶ್ ಅವರು ಸಂದರ್ಶನದಲ್ಲಿ ಖುಷಿಯಿಂದ ಹೇಳಿಕೊಂಡರು.

'ಮುಂಗಾರು ಮಳೆ 2' ಪ್ರಚಾರ

ಇದೇ ಸಂದರ್ಭದಲ್ಲಿ ತಮ್ಮ ಮುಂಬರುವ ಸಿನಿಮಾ 'ಮುಂಗಾರು ಮಳೆ 2' ಚಿತ್ರದ ಪ್ರೊಮೋಷನ್ ಕೂಡ ಮಾಡಿದರು. ಸೆಪ್ಟೆಂಬರ್ 9 ರಂದು 'ಮುಂಗಾರು ಮಳೆ' ಸುರಿಯಲಿದ್ದು, ಅಲ್ಲಿರುವ ಅಭಿಮಾನಿಗಳಿಗೆ ಈಗಾಗಲೇ ಬಿಡುಗಡೆ ಆಗಿರುವ ಹಾಡನ್ನು ಕೂಡ ಬಿಬಿಸಿ ಮೂಲಕ ಕೇಳಿಸಿದರು.