ಕಿಚ್ಚ ಸುದೀಪ್ ಬಗ್ಗೆ ಹೇಳುವುದಕ್ಕೆ ಬೇಕಾದಷ್ಟಿದೆ.! ಇಲ್ಲಿ ಕೇಳಿ..

ಹೆಚ್ಚು ಅಭಿಮಾನಿಗಳನ್ನು ಹೊಂದಿರುವ ನಟ

ಟ್ವಿಟ್ಟರ್ ನಲ್ಲಿ ಸುದೀಪ್ ಫಾಲೋವರ್ಸ್ ಒಂದು ಮಿಲಿಯನ್ ದಾಟಿದ್ದು ಗೊತ್ತೇ ಇದೆ. ಅದಾದ ನಂತರ ಈಗ 1.4 ಮಿಲಿಯನ್ ಅಭಿಮಾನಿಗಳು ಕಿಚ್ಚನ ಅಕೌಂಟ್ ನಲ್ಲಿದ್ದಾರೆ. ಇದರಿಂದ ಖುಷಿಯಾಗಿರುವ ಕಿಚ್ಚ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ.

ಅಭಿಮಾನಿಗಳನ್ನು ಆಸ್ತಿ ಎಂದ ಕಿಚ್ಚ

1.4 ಮಿಲಿಯನ್ ಫಾಲೋವರ್ಸ್ ಗಳನ್ನು ಹೊಂದಿರುವ ಖುಷಿಯಲ್ಲಿ ಕಿಚ್ಚ ಪ್ರೀತಿಯೇ ನನ್ನ ಆಸ್ತಿ ಎಂದಿದ್ದಾರೆ. ಯಾರಾದರೂ ಇಷ್ಟು ವರ್ಷ ನಿಮ್ಮ ಸಂಪಾದನೆಯೇನು ಅಂದರೆ ಅಪಾರ ಸಂಖ್ಯೆ ಅಭಿಮಾನಿಗಳನ್ನು ಪಡೆದಿರುವುದೇ ನನ್ನ ಆಸ್ತಿ ಎನ್ನುತ್ತೇನೆ ಎಂದು ಕಿಚ್ಚ ತಮ್ಮ ಟ್ವಿಟ್ಟರ್ ನಲ್ಲಿ ಬರೆದುಕೊಂಡಿದ್ದಾರೆ.

ಪ್ರಕೃತಿ ಮಾತೆಗೆ ಶರಣಾದ್ರು ಕಿಚ್ಚ

ಸುದೀಪ್ ಸದ್ಯ ಅದಮ್ಯ ಚೇತನ ನಡೆಸುತ್ತಿರುವ ಸಸ್ಯಗ್ರಹ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದಾರೆ. ತಾವು ಕೂಡ ಸಸಿ ನೆಟ್ಟು ಸಾಮಾನ್ಯ ಜನರಿಗೆ ಹಾಗೂ ಅಭಿಮಾನಿಗಳಿಗೆ ಪರಿಸರ ಉಳಿಸಿ ಬೆಳಸಿ ಎನ್ನುವ ಸಂದೇಶ ರವಾನೆ ಮಾಡಿದ್ದಾರೆ .

ಸ್ನೇಹಿತನ ಮನೆಯಲ್ಲಿ ಅಭಿನಯ ಚಕ್ರವರ್ತಿ

ಸುದೀಪ್ ಸ್ನೇಹಜೀವಿ ಅದಕ್ಕಾಗಿಯೇ ಅವರ ಸುತ್ತಾ-ಮುತ್ತಾ ಸಾಕಷ್ಟು ಸ್ನೇಹಿತರು ಸದಾ ಜೊತೆಯಲ್ಲಿ ಇರ್ತಾರೆ. ಇತ್ತೀಚಿಗಷ್ಟೇ ಸುದೀಪ್ ನಟ ಚಂದನ್ ಮನೆಗೆ ಭೇಟಿ ನೀಡಿದ್ದಾರೆ. ಕೆಲ ಸಮಯ ಮನೆಯವರ ಜೊತೆ ಕಾಲ ಕಳೆದು ಬಂದಿದ್ದಾರೆ.