ಪವರ್ ಸ್ಟಾರ್ ಪ್ರೊಡಕ್ಷನ್ಸ್ ನ ಮೂರನೇ ಸಿನಿಮಾ ಲಾಂಚ್

ಪಿ ಆರ್ ಕೆ ಬ್ಯಾನರ್ ನ 3ನೇ ಸಿನಿಮಾ

ನಟ ಪುನೀತ್ ರಾಜ್ ಕುಮಾರ್ ಅವರ ಪಿ ಆರ್ ಕೆ ಬ್ಯಾನರ್ ನ 3ನೇ ಸಿನಿಮಾ ಲಾಂಚ್ ಆಗಿದೆ. ಇಂದು ಚಿತ್ರದ ಮುಹೂರ್ತ ಕಾರ್ಯಕ್ರಮ ನಡೆದಿದ್ದು, ಪುನೀತ್ ಪತ್ನಿ ಅಶ್ವಿನಿ ಹಾಗೂ ಇಡೀ ತಂಡ ಭಾಗಿಯಾಗಿತ್ತು. ಇನ್ನು ಇಂದು ಸೆಟ್ಟೆರಿರುವ ಸಿನಿಮಾಗೆ ಇನ್ನು ನಾಮಕರಣ ಮಾಡಿಲ್ಲ.

ಡ್ಯಾನಿಶ್ ಸೇಠ್ ನಾಯಕ

'ಹಂಬಲ್ ಪೊಲಿಟಿಶಿಯನ್ ನೋಗರಾಜ್' ಸಿನಿಮಾದ ಮೂಲಕ ನಟ ಡ್ಯಾನಿಶ್ ಸೇಠ್ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟಿದ್ದರು. ಆ ಚಿತ್ರದ ನಂತರ ಬಳಿಕ ಮತ್ತೊಂದು ಚಿತ್ರ ಒಪ್ಪಿಕೊಂಡಿದ್ದ ಅವರ ಮೂರನೇ ಸಿನಿಮಾಗೆ ಪುನೀತ್ ರಾಜ್ ಕುಮಾರ್ ಬಂಡವಾಳ ಹಾಕುತ್ತಿದ್ದಾರೆ. ಈ ಹಿಂದೆ ಡ್ಯಾನಿಶ್ ಅವರ 'ಹಂಬಲ್ ಪೊಲಿಟಿಶಿಯನ್ ನೋಗರಾಜ್' ಸಿನಿಮಾದಲ್ಲಿ ಪುನೀತ್ ಒಂದು ಸಣ್ಣ ಪಾತ್ರ ಮಾಡಿದ್ದರು.

ವಿಡಂಬನಾತ್ಮಕ ಕಥೆ

ಡ್ಯಾನಿಶ್ ಸೇಠ್ ಅಂದರೆ ಮೊದಲು ನೆನಪಾಗುವುದು ಕಾಮಿಡಿ. ತಮ್ಮ ಮೊದಲ ಸಿನಿಮಾದಲ್ಲಿಯೂ ಕಾಮಿಡಿಯ ಮೂಲಕ ಗಮನ ಸೆಳೆದಿದ್ದ ಡ್ಯಾನಿಶ್ ಸೇಠ್ ಈಗ ಅದನ್ನೇ ಮುಂದುವರೆಸಲಿದ್ದಾರೆ. ಚಿತ್ರದಲ್ಲಿ ಹಾಸ್ಯ ಹಾಗೂ ವಿಡಂಬನಾತ್ಮಕ ಕಥೆ ಇದೆಯಂತೆ. ಪಿ ಆರ್ ಕೆ ಬ್ಯಾನರ್ ನಲ್ಲಿ ಬರುತ್ತಿರುವ ಈ ಚಿತ್ರದ ಮೇಲೆ ನಿರೀಕ್ಷೆ ಹುಟ್ಟಿದೆ.

ಪನ್ನಗ ಭರಣ 2ನೇ ಸಿನಿಮಾ

ಈ ಚಿತ್ರವನ್ನು ಖ್ಯಾತ ನಿರ್ದೇಶಕ ಟಿ ಎಸ್ ನಾಗಾಭರಣ ಅವರ ಪುತ್ರ ಪನ್ನಗ ಭರಣ ನಿರ್ದೇಶನ ಮಾಡುತ್ತಿದ್ದಾರೆ. 'ಹ್ಯಾಪಿ ನ್ಯೂ ಹಿಯರ್' ಚಿತ್ರದ ಮೂಲಕ ಡೈರೆಕ್ಷನ್ ಶುರು ಮಾಡಿದ್ದ ಪನ್ನಗ ಭರಣ ಈಗ ಎರಡನೇ ಚಿತ್ರವನ್ನು ಪುನೀತ್ ಬ್ಯಾನರ್ ನಲ್ಲಿ ಮಾಡುವ ದೊಡ್ಡ ಅವಕಾಶವನ್ನು ಪಡೆದುಕೊಂಡಿದ್ದಾರೆ.