ಚಿತ್ರರಂಗದ ವಿರುದ್ಧ ಬೆರಳು ಮಾಡೋರ ಮೇಲೆ ಶಿವಣ್ಣ ಗರಂ

ಎಲ್ಲದಕ್ಕು ಯಾಕೆ ಕಲಾವಿದರು ಬರಬೇಕು

''ಎಲ್ಲದಕ್ಕು ಕಲಾವಿದರನ್ನ ಕರಿಯಬೇಡಿ. ಸಿನಿಮಾ ನೋಡೋಕೆ ಜನ ಬೇಕು. ಈಗ ಬೇಡ್ವಾ. ಈಗ ಎಲ್ಲಿ ಅಂತ ಕೇಳ್ತೀರಾ? ನಾವು ಏನಾಡ್ಬೇಕು ಅಂತ ಹೇಳಿ. ನಾವು ಮಾಡೋದಕ್ಕೆ ಸಿದ್ದವಾಗಿದ್ದೇವೆ. ಇದು ಯಾರಿಂದಲೂ ಸಾಧ್ಯವಾಗತ್ತೋ ಅವರು ಮಾಡ್ಬೇಕು. ಅವರು ಮಾಡಲಿ. ಉತ್ತರ ಅಲ್ಲೇ ಇದೆ'' - ಶಿವರಾಜ್ ಕುಮಾರ್, ನಟ

ಅವರು ಕೊಟ್ಟ ಭಿಕ್ಷೆಯಿಂದ ನಾವು ಸೂಪರ್ ಸ್ಟಾರ್

''ಅವರು ಕೊಟ್ಟ ಭಿಕ್ಷೆಯಿಂದ ನಾವು ಸೂಪರ್ ಸ್ಟಾರ್ ಆಗಿರುವುದು. ಅಪ್ಪಾಜಿ, ಅಮಿತಾಬ್ ಬಚ್ಚನ್, ಶಿವಾಜಿ, ರಜನಿಕಾಂತ್ ಎಲ್ಲರೂ ಅಷ್ಟೇ. ಬನ್ನಿ ಮಂಡ್ಯ, ಮಂಗಳೂರ, ಬಳ್ಳಾರಿ, ಬೆಳಗಾವಿ ಎಲ್ಲ ಕಡೆಯಿಂದಲೂ ಬರಬೇಕು. ನಾನು ಯಾವ ಪಾರ್ಟಿಯೂ ಇಲ್ಲ. ಜನರಿಗೋಸ್ಕರವೇ ನಾವಿರೋದು'' -ಶಿವರಾಜ್ ಕುಮಾರ್, ನಟ

ನಮ್ಮಿಂದ ಸಮಸ್ಯೆ ಬಗೆಹರಿಸಲು ಸಾಧ್ಯವಿಲ್ಲ

''ಹೋರಾಟಕ್ಕೆ ಬಣ್ಣ ಹಚ್ಕೊಂಡು ಹೋಗಬಾರದು. ನಾವು ಹೋಗಿ ಸುಮ್ನೆ ಕೂತ್ಕೊಂಡ್ರೆ ಸಮಸ್ಯೆ ಬಗೆಹರಿಯುತ್ತಾ. ನೀವೇ ಹೇಳಿ ಹೋಗ್ಬೇಕಾ ನಾವು, ಸರಿ ನಾನು ಹೋಗಿ ಕೂತ್ಕೋತೀನಿ. ಆದ್ರೆ ಏನಾಗುತ್ತೆ ಜನ ಬರ್ತಾರೆ ಸೆಲ್ಫಿ ತಗೋತಾರೆ'' ಎಂದು ಚಿತ್ರರಂಗವನ್ನ ಬೆರಳು ಆಡಿ ತೋರಿಸುತ್ತಿರುವವರ ವಿರುದ್ಧ ನಟ ಶಿವರಾಜ್ ಕುಮಾರ್ ಗರಂ ಆದರು.

ಹೋರಾಟಕ್ಕೆ ಎಲ್ಲರೂ ಬರ್ತಿವಿ

''ನಾವು ಕೂಡ ಸಾಮಾನ್ಯ ಮನುಷ್ಯರೇ. ಹೋರಾಟ ಅಂದ್ರೆ ಎಲ್ಲಿಗೆ ಬೇಕಾದರೂ ಕರೆಯಿರಿ. ಚಿತ್ರರಂಗದವರು ಸುಮ್ಮನೆ ಕೂತಿಲ್ಲ. ನೀವೆ ಒಂದು ದಿನಾಂಕ ಕೊಡಿ. ನಾವು ಅಲ್ಲಿಗೆ ಬರ್ತಿವಿ. ಆ ದಿನ ಎಲ್ಲಾ ಕನ್ನಡ ಚಿತ್ರರಂಗದ ಕಲಾವಿದರು ನರಗುಂದಕ್ಕೆ ಬರಲು ಸಿದ್ದ‌. ನಾನು ಇದಕ್ಕೆ ಗ್ಯಾರಂಟಿ'' - ಶಿವರಾಜ್ ಕುಮಾರ್, ನಟ

ಕಲಾವಿದರು ಬೇರೆ, ರಾಜಕಾರಣಿ ಬೇರೆ

''ಕಲಾವಿದರು ಬೇರೆ, ರಾಜಕೀಯದಲ್ಲಿರುವ ಕಲಾವಿದರು ಬೇರೆ.. ಅವರು ರಾಜಕೀಯದಲ್ಲಿ ಬೆಳೆದಿರೋದು ಅವರ ವೈಯಕ್ತಿಕ. ಜಗ್ಗೇಶ್ ಬಂದಿರೋದು ಕಲಾವಿದರಾಗಿಯೇ ಹೊರತು ರಾಜಕಾರಣಿಯಾಗಿ ಅಲ್ಲ. ಯಾರೋ ಒಬ್ಬರು ಗೊತ್ತಿಲ್ಲದೇ ಮಾತನಾಡುವುದು. ಅದಕ್ಕೆ ಹೆಚ್ಚಿನ ಮಹತ್ವ ನೀಡುವುದು ಬೇಡ'' ಎಂದು ಪರೋಕ್ಷವಾಗಿ ನಟ ಚೇತನ್ ಹೇಳಿಕೆಗೆ ಪ್ರತಿಕ್ರಿಯಿಸಿದರು.