'ಹೆಬ್ಬುಲಿ' ನಟಿ ಅಮಲಾ ಪೌಲ್ 2ನೇ ಸಲವೂ ಲವ್ ಮ್ಯಾರೇಜ್.!

ಎರಡನೇ ಮದುವೆಗೆ ಅಮಲಾ ಗ್ರೀನ್ ಸಿಗ್ನಲ್!

ನಿರ್ಮಾಪಕ ವಿಜಯ್ ಅವರೊಂದಿಗೆ ದಾಂಪತ್ಯ ಜೀವನ ಮುರಿದು ಬಿದ್ದ ನಂತರ ಅಮಲಾ ಪೌಲ್ ಎರಡನೇ ಮದುವೆಗೆ ಸಿದ್ದವಾಗಿದ್ದಾರೆ ಎನ್ನಲಾಗುತ್ತಿತ್ತು. ಆದ್ರೀಗ, ಈ ಸುದ್ದಿಯನ್ನ ಸ್ವತಃ ಅಮಲಾ ಪೌಲ್ ಒಪ್ಪಿಕೊಂಡಿದ್ದಾರೆ.

ಆದಷ್ಟೂ ಬೇಗ ಮತ್ತೆ ಮದುವೆ

ಖಾಸಗಿ ಮ್ಯಾಗಜಿನ್ ನ (Magazine) ಸಂದರ್ಶನದಲ್ಲಿ ಮಾತನಾಡಿದ ಅಮಲಾ ಪೌಲ್, ''ನಾನೇನು ಸನ್ಯಾಸಿನಿಯಲ್ಲ. ಸನ್ಯಾಸಿನಿ ಆಗಿದ್ದರೆ, ಸಿನಿಮಾದಲ್ಲಿರುತ್ತಿರಲಿಲ್ಲ. ಹಿಮಾಲಯಕ್ಕೆ ಹೋಗುತ್ತಿದ್ದೆ. ನಾನು ಮತ್ತೆ ಮದುವೆಯಾಗುತ್ತೇನೆ'' ಎಂದು ಹೇಳುವುದರ ಮೂಲಕ ಗಾಸಿಪ್ ಗಳಿಗೆ ತೆರೆ ಎಳೆದಿದ್ದಾರೆ.

ಲವ್ ಮ್ಯಾರೇಜ್ ಅಂತೆ

ಇನ್ನು ಮರು ವಿವಾಹದ ಬಗ್ಗೆ ಮಾತನಾಡುವಾಗ, ನಾನು ಲವ್ ಮ್ಯಾರೇಜ್ ಆಗ್ತಿನಿ. ಆದಷ್ಟೂ ಬೇಗ ಮದುವೆ ಆಗ್ತಿನಿ. ಯಾರು ಹುಡುಗ ಎಂದು ಸದ್ಯದಲ್ಲೇ ಹೇಳ್ತಿನಿ'' ಎಂದು ಕುತೂಹಲ ಹುಟ್ಟುಹಾಕಿದ್ದಾರೆ.

ಯಾರು ಆ ಹುಡುಗ?

ಅಮಲಾ ಪೌಲ್ ಹೇಳಿರುವಾಗೆ, ಎರಡನೇ ಮದುವೆಯೂ ಲವ್ ಮ್ಯಾರೇಜ್ ಅಂತೆ. ಆದ್ರೆ, ಹುಡುಗ ಯಾರು ಎಂದು ಹೇಳಿಲ್ಲ. ಈ ಮಧ್ಯೆ ಅಮಲಾ ಪೌಲ್ ಗೆ ನಟನೊಬ್ಬನ ಜೊತೆ ಅಫೇರ್ ಇದೆ ಎಂಬ ಸುದ್ದಿಗಳು ತಮಿಳು ಚಿತ್ರರಂಗದಲ್ಲಿ ಕೇಳಿಬಂದಿತ್ತು.

2014ರಲ್ಲಿ ಮದುವೆ, 2016 ರಲ್ಲಿ ವಿಚ್ಛೇದನ

2014 ರಲ್ಲಿ ನಿರ್ದೇಶಕ ವಿಜಯ್ ಅವರನ್ನು ಪ್ರೀತಿಸಿ ಅಮಲಾ ಪೌಲ್ ಮದುವೆಯಾಗಿದ್ದರು. ಅವರ ದಾಂಪತ್ಯದಲ್ಲಿ ಬಿರುಕು ಮೂಡಿ 2016 ರಲ್ಲಿ ವಿಚ್ಛೇದನ ಪಡೆದು ಬೇರೆಯಾಗಿದರು.

ಬ್ಯುಸಿ ಹೀರೋಯಿನ್!

ಅಮಲಾ ಪೌಲ್ ಸದ್ಯ ದಕ್ಷಿಣ ಭಾರತದ ಯಶಸ್ಸಿನ ನಟಿ. ಸಾಲು ಸಾಲು ಚಿತ್ರಗಳಲ್ಲಿ ನಾಯಕಿ ಆಗಿ ಅಭಿನಯಿಸುತ್ತಿದ್ದಾರೆ. ಧನುಶ್ ಮತ್ತು ಅಮಲಾ ಪೌಲ್ ಅಭಿನಯದ 'ವಿಐಪಿ-2' ಚಿತ್ರ ಬಿಡುಗಡೆಗೆ ಸಿದ್ದವಾಗಿದೆ. 'ಬಾಸ್ಕರ್ ಒರು ರಾಸ್ಕುಲ್', 'ತಿರುಟ್ಟು ಪಾಯಲೇ-2', 'ಕ್ವೀನ್' ರೀಮೇಕ್, 'ಮಿನ್ ಮಿಣಿ', ಸೇರಿದಂತೆ ಹಲವು ಪ್ರಾಜೆಕ್ಟ್ ಗಳಲ್ಲಿ ಅಮಲಾ ಪೌಲ್ ನಟಿಸುತ್ತಿದ್ದಾರೆ.