ಕೊರೊನಾ ಸಮಯದಲ್ಲಿ ಮಾದರಿ ಕೆಲಸಕ್ಕೆ ಕೈ ಹಾಕಿದ ಅಮೂಲ್ಯ ದಂಪತಿ

10,000 ಬಟ್ಟೆ ಮಾಸ್ಕ್‌ಗಳ ಉಚಿತ ವಿತರಣೆ

ಜಗದೀಶ್ ಅವರು ಈ ಕುರಿತು ವಿಡಿಯೋ ಹಂಚಿಕೊಂಡಿದ್ದು, 10,000 ಬಟ್ಟೆ ಮಾಸ್ಕ್‌ಗಳನ್ನು ಪೊಲೀಸರು, ವೈದ್ಯರು, ಆರೋಗ್ಯ ಕಾರ್ಯಕರ್ತರು, ಸ್ವಯಂಸೇವಕರುಗಳಿಗೆ ಉಚಿತವಾಗಿ ಹಂಚುತ್ತಿದ್ದೇವೆ, ಕೊರೊನಾ ವಿರುದ್ಧ ಹೋರಾಟದಲ್ಲಿ ಇದು ನಮ್ಮ ಸಣ್ಣ ಕಾಣಿಕೆ ಎಂದು ಹೇಳಿದ್ದಾರೆ.

25 ಮಹಿಳೆಯರ ಸಹಾಯದಿಂದ ಮಾಸ್ಕ್ ತಯಾರಿ

ಜಗದೀಶ್ ಮತ್ತು ಅಮೂಲ್ಯ ಹಾಗೂ ತಂಡದವರು ತಮ್ಮ ನಿವಾಸವಿರುವ ಏರಿಯಾದಲ್ಲಿ ಮನೆಯಲ್ಲಿಯೇ ಬಟ್ಟೆ ಹೊಲಿಯುವ ಮಹಿಳೆಯರನ್ನು ಗುರುತಿಸಿ ಅವರ ನೆರವಿನಿಂದ ಈ 10,000 ಬಟ್ಟೆ ಮಾಸ್ಕ್‌ಗಳನ್ನು ತಯಾರಿಸಿಕೊಂಡಿದೆ. 25 ಮಹಿಳೆಯರು ಮನೆಯಲ್ಲಿಯೇ ಈ ಮಾಸ್ಕ್‌ಗಳನ್ನು ಹೊಲಿದಿದ್ದಾರೆ.

ಸಂಕಷ್ಟದಲ್ಲಿರುವ ಮಹಿಳೆಯರಿಗೆ ಉಪಯೋಗ

ಆ ಮಹಿಳೆಯರಿಗೆ ಹಣ ನೀಡಿ ಈ ಸಂಕಷ್ಟದ ಸಮಯದಲ್ಲಿ ಅವರ ಕುಟುಂಬ ನಿರ್ವಹಣೆಗೆ ಸಹಾಯ ಮಾಡಿದ್ದೇವೆ, ಜೊತೆಗೆ ಮಾಸ್ಕ್‌ಗಳನ್ನು ಉಚಿತವಾಗಿ ಹಂಚಿಕೆ ಮಾಡಿ ಕೊರೊನಾ ಯೋಧರ ಆರೋಗ್ಯ ಉಳಿಸುವಲ್ಲಿ ಸಣ್ಣ ಸೇವೆ ಮಾಡಿದ್ದೇವೆ ಎಂದು ಜಗದೀಶ್ ಹೇಳಿದ್ದಾರೆ.

ಬೆಂಗಳೂರು ಪೊಲೀಸರಿಂದ ಮೆಚ್ಚುಗೆ

ಬೆಂಗಳೂರು ಪೊಲೀಸರು ಸಹ ಜಗದೀಶ್ ಹಾಗೂ ತಂಡದ ಕಾರ್ಯವನ್ನು ಶ್ಲಾಘಿಸಿದ್ದು, ಅವರ ಚಿತ್ರಗಳನ್ನು ತಮ್ಮ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.