ಮೊನ್ನೆ ಪ್ರಿಯಾಂಕಾ ಆಯ್ತು, ಈಗ ಚಾರ್ಮಿ ಕೌರ್; ಈ ನಟಿಯರೇಕೆ ಹೀಗೆ?

ಗುರುದ್ವಾರಕ್ಕೆ ಭೇಟಿ ವೇಳೆ ಘಟನೆ

ಚಿತ್ರವೊಂದರ ಶೂಟಿಂಗ್ ಗಾಗಿ ಪೋರ್ಚಗಲ್ ನಲ್ಲಿರುವ ನಟಿ ಚಾರ್ಮಿ ಕೌರ್, ಅಲ್ಲಿನ ಪವಿತ್ರ ಗುರುದ್ವಾರಕ್ಕೆ ಭೇಟಿ ಕೊಟ್ಟಿದ್ದಾರೆ. ಈ ವೇಳೆ ತಾವು ಹಾಕಿಕೊಂಡಿದ್ದ ತುಂಡುಡುಗೆ ಬಗ್ಗೆ ತೀವ್ರ ವಿರೋಧ ವ್ಯಕ್ತವಾಗಿದೆ.

ಪ್ಯಾಂಟ್ ಲೆಸ್ ಕಾಸ್ಟ್ಯೂಮ್

ಗುರುದ್ವಾರಕ್ಕೆ ಭೇಟಿ ಕೊಟ್ಟಿದ್ದ ಚಾರ್ಮಿ ಕೌರ್ ಕಪ್ಪು ಬಣ್ಣದ ನಿಲುವಂಗಿ ತೊಟ್ಟಿದ್ದರು, ಆದ್ರೆ, ಅದಕ್ಕೆ ಪ್ಯಾಂಟ್ ಧರಿಸಿರಲಿಲ್ಲ. ತೊಡೆಗಳು ಕಾಣುವ ಹಾಗೆ ಬಟ್ಟೆ ಧರಿಸಿ ಗುರುದ್ವಾರಕ್ಕೆ ಹೋಗಿದ್ದು ಸರಿಯಿಲ್ಲ ಎಂಬ ವಿವಾದಕ್ಕೆ ಚಾರ್ಮಿ ಸಿಲುಕಿದ್ದಾರೆ.

ಧಾರ್ಮಿಕತೆಗೆ ಧಕ್ಕೆ

ಯಾವುದೇ ದೇವಸ್ಥಾನ, ಪವಿತ್ರ ಸ್ಥಳಗಳಿಗೆ ಹೋಗಬೇಕಾದರೇ ವಸ್ತ್ರ ಸಂಹಿತೆ ಹೀಗೆ ಇರಬೇಕು ಎಂಬ ನಿಯಮಗಳಿವೆ. ಆದ್ರೆ, ಈ ನಿಯಮಗಳಿಗೆ ವಿರುದ್ಧವಾಗಿ ನಟಿ ಚಾರ್ಮಿ ಕೌರ್ ನಡೆದುಕೊಂಡಿದ್ದಾರೆ. ಇನ್ನು ಮೊಣಕಾಲ ಮೇಲೆ ಕೂತು ಪ್ರಸಾದ ತೆಗೆದುಕೊಂಡಿರುವುದು ಕೂಡ ಧಾರ್ಮಿಕತೆಗೆ ಧಕ್ಕೆ ತರುವಂತಿದೆ ಎಂಬ ಆರೋಪಗಳು ಚಾರ್ಮಿಯ ವಿರುದ್ಧ ಕೇಳಿ ಬಂದಿದೆ.

ಸಾಮಾಜಿಕ ಜಾಲತಾಣದಲ್ಲಿ ಫೋಟೋ ವೈರಲ್

ಚಾರ್ಮಿ ಕೌರ್ ಅವರು ಗುರುದ್ವಾರಕ್ಕೆ ಭೇಟಿ ಕೊಟ್ಟಿದ್ದ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಆಸ್ತಿಕರು ನಟಿಯ ನಡವಳಿಕೆ ವಿರುದ್ಧ ಬೇಸರ ವ್ಯಕ್ತಪಡಿಸುತ್ತಿದ್ದಾರೆ.