ಈ ಪುಟ್ಟ ಕಂದ ಯಾವ ಸೆಲೆಬ್ರಿಟಿ ಮಗು ಎಂದು ಗುರುತಿಸುವಿರಾ?

ವಿಶೇಷ ದಿನದಂದು ಮಗನ ಫೋಟೋ ರಿವೀಲ್

ವಿಶೇಷ ದಿನ ಅಂದರೆ ಗಣರಾಜ್ಯ ದಿನದಂದು ಶ್ವೇತಾ ಮಗನ ಮೊದಲ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಅಲ್ಲದೆ ಮಗನ ಹೆಸರನ್ನು ರಿವೀಲ್ ಮಾಡಿದ್ದಾರೆ. ಇತ್ತೀಚಿಗೆ ಶ್ವೇತಾ ಒಂದಿಷ್ಟು ಫೋಟೋಗಳನ್ನು ಶೇರ್ ಮಾಡದ್ದರು, ಆದರೆ ಮಗನ ಮುಖವನ್ನು ತೋರಿಸಿರಲಿಲ್ಲ. ಆದರೀಗ ಕೊಡಗಿನ ಉಡುಪು ಧರಿಸಿರುವ ಫೋಟೋ ಜೊತೆಗೆ ಶ್ವೇತಾ ಮಗ ದರ್ಶನ ನೀಡಿದೆ.

ಜನವರಿ 26 ಶ್ವೇತಾಗೆ ವಿಶೇಷ ದಿನ

ಜನವರಿ 26 ಗಣರಾಜ್ಯ ದಿನದ ವಿಶೇಷ ಒಂದಾದರೆ, ಶ್ವೇತಾ ಪಾಲಿಗಿದು ತುಂಬಾ ವಿಶೇಷವಾದ ದಿನ. ಯಾಕಂದ್ರೆ ಶ್ವೇತಾ ಜನವರಿ 26ರಂದು ಮೊದಲ ಬಾರಿಗೆ ಕ್ಯಾಮರಾ ಎದುರಿಸಿದ ದಿನವಂತೆ. ಈ ಮೂಲಕ ಶ್ವೇತಾ ಚಂಗಪ್ಪ ಕನ್ನಡಿಗರಿಗೆ ಪರಿಚಯವಾದರು. ಅದೆ ವಿಶೇಷ ದಿನದಂದು ಮಗನನ್ನು ಪರಿಚಯಿಸಬೇಕೆಂದು ಕಾದು ಈಗ ಶ್ವೇತಾ ಮಗನನ್ನು ಪರಿಚಯಿಸಿದ್ದಾರೆ.

ಮಗನ ಹೆಸರು ರಿವೀಲ್

ಶ್ವೇತಾ ಚಂಗಪ್ಪ ಮತ್ತು ಕಿರಣ್ ಅಪ್ಪಚ್ಚು ದಂಪತಿಯ ಮುದ್ದಾದ ಮಗುವಿಗೆ ಸುಂದರ ಹೆಸರಿಟ್ಟಿದ್ದಾರೆ. ಕೊಡವ ಸಾಂಪ್ರದಾಯ ಶೈಲಿಯ ಉಡುಪು ಧರಿಸಿ ಮಗನ ಫೋಟೋ ಜೊತೆಗೆ ಹೆಸರನ್ನು ಬಹಿರಂಗ ಪಡಿಸಿದ್ದಾರೆ. ಶ್ವೇತಾ ಮಗುವಿಗೆ 'ಜಿಯಾನ್ ಅಯ್ಯಪ್ಪ' ಎಂದು ನಾಮಕರಣ ಮಾಡಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ಶ್ವೇತಾ ಹೇಳಿದ್ದೇನು?

ಶ್ವೇತಾ ಚಂಗಪ್ಪ ಮಗನ ಫೋಟೋವನ್ನು ರಿವೀಲ್ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ದೀರ್ಘವಾಗಿ ಬರೆದುಕೊಂಡಿದ್ದಾರೆ. "ಇದೆ ದಿನ ಜನವರಿ 26ರಂದು, ಒಂದೂವರೆ ದಶಕಗಳ ಹಿಂದೆ ನಾನು ಮೊದಲ ಬಾರಿಗೆ ಕ್ಯಾಮರಾವನ್ನು ಎದುರಿಸಿದೆ. ನಿಮ್ಮಲ್ಲರಿಗೂ ಪರಿಚಯವಾದೆ. ಈ ಸ್ಮರಣೀಯ ದಿನದಂದು ನಾನು ನನ್ನ ಮಗನನ್ನು ಎಲ್ಲರಿಗೂ ಪರಿಚಯಿಸಲು ಬಯಸುತ್ತೇನೆ. ನನ್ನ ಪುಟ್ಟ ಹೃದಯ, ನನ್ನ ಜೀವನಕ್ಕೆ ಅಪಾರ ಸಂತಸ ತಂದ. ನನ್ನ ಪುಟ್ಟ ಕೊಡವ ಯೋಧ ಜಿಯಾನ್ ಅಯ್ಯಪ್ಪ. ನಿಮ್ಮೆಲ್ಲರಿಗೂ ಹಾಯ್ ಹೇಳುತ್ತಿದ್ದಾನೆ. ನಿಮ್ಮೆಲ್ಲರ ಆಶೀರ್ವಾದ ಮತ್ತು ಪ್ರೀತಿ ಮಗನ ಮೇಲಿರಲಿ" ಎಂದು ಬರೆದುಕೊಂಡಿದ್ದಾರೆ.