ಚಿತ್ರರಂಗಕ್ಕೆ ನಟಿ ಡಿಸ್ಕೋ ಶಾಂತಿ ಪುತ್ರ ಎಂಟ್ರಿ

ನಟ ಮೇಘಾಂಶ್ ಚಿತ್ರರಂಗಕ್ಕೆ

ನಟಿ ಡಿಸ್ಕೋ ಶಾಂತಿ ಪುತ್ರನ ಹೆಸರು ಮೇಘಾಂಶ್. ಈಗ ಇವರು ಚಿತ್ರರಂಗಕ್ಕೆ ಬರುವ ತಯಾರಿ ನಡೆಸಿದ್ದಾರೆ. ತಮ್ಮ ತಾಯಿಯ ಸಿನಿಮಾ ಕೆರಿಯರ್ ಗಮನಿಸಿ, ತಾನು ಕೂಡ ಹೀರೋ ಆಗಬೇಕು ಎಂದು ಕನಸು ಕಂಡಿದ್ದ ಮೇಘಾಂಶ್ ಆಸೆ ಅಂತು ಈಡೇರುತ್ತಿದೆ. ಮದುವೆಯ ಬಳಿಕ ಡಿಸ್ಕೋ ಶಾಂತಿ ಸಿನಿಮಾದಲ್ಲಿ ಕಾಣಿಸಿಕೊಳ್ಳುವುದು ನಿಲ್ಲಿಸಿದ್ದು, ಈಗ ಅವರ ಮಗ ಚಿತ್ರರಂಗಕ್ಕೆ ಮೊದಲ ಹೆಜ್ಜೆ ಇಡುತ್ತಿದ್ದಾರೆ.

ವರ್ಮಾ ಮಾಡಿದ ಆ ಚಿತ್ರದಿಂದಲೇ ಸಿಎಂ ಸ್ಥಾನ ಕಳೆದುಕೊಂಡ್ರಂತೆ ಚಂದ್ರಬಾಬು.!

ಟಾಲಿವುಡ್ ನಿಂದ ಸಿನಿಮಾ ಎಂಟ್ರಿ

ನಾಲ್ಕು ಚಿತ್ರರಂಗದಲ್ಲಿ ಡಿಸ್ಕೋ ಶಾಂತಿ ಸಿನಿಮಾ ಮಾಡಿದ್ದು, ಅವರ ಮಗ ಯಾವ ಚಿತ್ರರಂಗದಿಂದ ಲಾಂಚ್ ಆಗುತ್ತಾರೆ ಎನ್ನುವ ಪ್ರಶ್ನೆ ಮೂಡುವುದು ಸಹಜ. ಅಂದಹಾಗೆ, ಮೇಘಾಂಶ್ ಟಾಲಿವುಡ್ ನಿಂದ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡುತ್ತಿದ್ದಾರೆ. 'ರಾಜಧೂತ್' ಎಂಬ ತೆಲುಗು ಚಿತ್ರ ಅವರ ಮೊದಲ ಸಿನಿಮಾವಾಗಿದೆ.

'ರಾಜಧೂತ್' ಸಿನಿಮಾ

'ರಾಜಧೂತ್' ಎಂಬ ತೆಲುಗು ಸಿನಿಮಾದ ಮೂಲಕ ಮೇಘಾಂಶ್ ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ. ಈ ಸಿನಿಮಾದಲ್ಲಿ ಲವರ್ ಬಾಯ್ ಗೆಟಪ್ ನಲ್ಲಿ ಮೇಘಾಂಶ್ ಕಾಣಿಸಿಕೊಳ್ಳುತ್ತಿದ್ದಾರೆ. 'ರಾಜಧೂತ್' ಮಾಸ್ ಹಾಗೂ ಸೆಂಟಿಮೆಂಟ್ ಅಂಶಗಳನ್ನು ಹೊಂದಿರುವ ಸಿನಿಮಾವಾಗಿದೆ. 'ರಾಜಧೂತ್' ಎಂಬ ಟೈಟಲ್ ಪವರ್ ಫುಲ್ ಆಗಿದ್ದು, ಚಿತ್ರಕ್ಕೆ ಆ ಹೆಸರನ್ನು ಇಡಲಾಗಿದೆ.

ಅರ್ಜುನ್ ನಿರ್ದೇಶನ

ಅರ್ಜುನ್ ಎಂಬುವವರು ಈ ಸಿನಿಮಾದ ನಿರ್ದೇಶನ ಮಾಡುತ್ತಿದ್ದಾರೆ. ಲಕ್ಷ್ಯ ಬ್ಯಾನರ್​ನಲ್ಲಿ ಸತ್ಯನಾರಾಯಣ ಎಂಬುವವರು ಚಿತ್ರಕ್ಕೆ ಬಂಡವಾಳ ಹಾಕುತ್ತಿದ್ದಾರೆ. ಟಾಲಿವುಡ್ ಇಂಡಸ್ಟ್ರಿ ಮೂಲಕ ಮೇಘಾಂಶ್ ಸಿನಿಮಾ ಪಯಣ ಶುರು ಆಗುತ್ತಿದೆ. ಈ ಸಿನಿಮಾ ಇನ್ನಷ್ಟು ಮಾಹಿತಿ ಮುಂದಿನ ದಿನದಲ್ಲಿ ತಿಳಿಯಲಿದೆ.