ಧೂಮ್ ಗರ್ಲ್ ಇಶಾ ಈಗ ಕೇರ್ ಆಫ್ ಫುಟ್ ಪಾತ್

ಇಶಾ ಅಡ್ವೋಕೇಟ್ ಪಾತ್ರದಲ್ಲಿ

ಈ ಚೆಂದುಳ್ಳಿ ಚೆಲುವೆ ಅಡ್ವೋಕೇಟ್ ಪಾತ್ರ ಮಾಡ್ತಿದ್ದಾರೆ. ಕೇರ್ ಆಫ್ ಫುಟ್ ಪಾತ್ ಸಿನಿಮಾ ಬಾಲಾಪರಾಧಕ್ಕೆ ಸಂಬಂಧಪಟ್ಟಿದ್ದಾಗಿದ್ದು ಈಶಾ ಇಲ್ಲಿ ಬಾಲಾಪರಾಧಿಗಳಿಂದ ಸತ್ಯವನ್ನ ಹೊರಗೆಡಹೋ ಅಡ್ವೋಕೇಟ್ ಪಾತ್ರ ಮಾಡ್ತಿದ್ದಾರೆ.

ಕನ್ನಡತಿಯಂತೆ ಕಂಗೊಳಿಸಿದ ಇಶಾ

ಅಡ್ವೋಕೇಟ್ ಪಾತ್ರದಲ್ಲಿ ಕೂಡ ಕನ್ನಡತಿಯಂತೆ ಕಂಗೊಳಿಸ್ತಾ ಇದ್ದ ಇಶಾ, ಕನ್ನಡ ಬರುತ್ತಾ ಅಂದ್ರೆ ಕನ್ನಡ ಬರೋದಿಲ್ಲ ಆದರೆ ಅಮ್ಮ ತಮಿಳಿನವರಾಗಿರೋದ್ರಿಂದ ಸೌತ್ ಇಂಡಿಯನ್ ಸಂಸ್ಕೃತಿ ಗೊತ್ತು ಅಂತಾರೆ.

ಮನೆಯಲ್ಲಿ ತಮಿಳು ಮಾತ್ನಾಡ್ತಾರೆ

ಸೂಪರ್ ಸ್ಟಾರ್ ದಂಪತಿಯಾದ ಹೇಮಾ ಮಾಲಿನಿ ಧರ್ಮೇಂದ್ರ ಪುತ್ರಿಯಾಗಿರೋ ಇಶಾ ಡಿಯೋಲ್ ತಂದೆ ಧರ್ಮೇಂದ್ರ ಪಂಜಾಬಿಯಾದ್ರೂ ತಾಯಿ ಹೇಮಾಮಾಲಿನಿ ತಮಿಳು. ತಂದೆಗಿಂತ ತಾಯಿಯ ಭಾಷೇನೇ ಹೆಚ್ಚು ಮಾತ್ನಾಡೋದು ಅಂತಾರೆ.

ಹೇಮಾಮಾಲಿನಿ ಮಾಡ್ಬೇಕಿದ್ದ ಪಾತ್ರ

ಇಶಾ ಡಿಯೋಲ್ ಮಾಡ್ತಿರೋ ಅಡ್ವೋಕೇಟ್ ಮತ್ತು ಸಾಮಾಜಿಕ ಕಾರ್ಯಕರ್ತೆ ಪಾತ್ರವನ್ನ ಹೇಮಾ ಮಾಲಿನಿ ಮಾಡ್ಬೇಕಿತ್ತು. ಆದರೆ ಚುನಾವಣೆಗೆ ನಿಂತಿರೋದ್ರಿಂದ ಹೇಮಾ ಪಾತ್ರ ಮಗಳ ಪಾಲಾಯ್ತು.

ಮಥುರಾ ಎಲೆಕ್ಷನ್ ಕ್ಯಾಂಪೇನ್ ಮುಗಿಸಿಬಂದ ಇಶಾ

ಇಶಾ ಡಿಯೋಲ್ ಮಥುರಾದಲ್ಲಿ ಅಮ್ಮ ಹೇಮಾಮಾಲಿನಿ ಪರ ಭರ್ಜರಿ ಪ್ರಚಾರ ನಡೆಸಿ ನೇರವಾಗಿ ಬೆಂಗಳೂರಿಗೆ ಬಂದಿದ್ರು. ಬೆಂಗಳೂರು ಸೂಪರ್ ಅಂದ್ರು.

ಮನೆಯಲ್ಲಿ ಇಡ್ಲಿ, ದೋಸೆ, ಉಪ್ಪಿಟ್ಟು ಮಾಡ್ತೀವಿ

ಸೌತ್ ಇಂಡಿಯನ್ ತಿಂಡಿ ಎಲ್ಲವನ್ನೂ ಮಾಡ್ತೀವಿ ಅನ್ನೋ ಇಶಾ ಅಮ್ಮನಿಂದ ಎಲ್ಲವನ್ನ ಕಲಿತಿದ್ದೀನಿ. ಸೌತ್ ಇಂಡಿಯನ್ ಫುಡ್ ಇಷ್ಟ ಅಂತಾರೆ

ಆಬ್ ಕಿ ಬಾರ್ ಕಾಂಗ್ರೆಸ್ ಢಮಾರ್

ಬಿಜೆಪಿಯಲ್ಲಿ ಸ್ಪರ್ಧಿಸಿರೋ ಅಮ್ಮ ಹೇಮಾ ಮಾಲಿನಿ ಪರವಾಗಿ ಪ್ರಚಾರ ಮಾಡಿರೋ ಈಶಾ ಆಬ್ ಕಿ ಬಾರ್ ಮೋದಿ ಸರ್ಕಾರ್ ಜೊತೆಗೆ ಕಾಂಗ್ರೆಸ್ ಢಮಾರ್ ಅಂತಾರೆ.

ಆಗಸ್ಟ್ ವೇಳೆಗೆ ಕೇರ್ ಆಫ್ ಫುಟ್ ಪಾತ್ ರಿಲೀಸ್

ಹತ್ತು ಹಲವು ವಿಶೇಷತೆಗಳ ಕೇರ್ ಆಫ್ ಫುಟ್ ಪಾತ್ ಶೇಕಡ 80 ಶೂಟಿಂಗ್ ಮುಗಿಸಿರೋ ಕಿಶನ್ ಅಂಡ್ ಟೀಂ ಆಗಸ್ಟ್ ವೇಳೆಗೆ ವರ್ಲ್ಡ್ ವೈಡ್ ರಿಲೀಸ್ ಮಾಡೋ ಯೋಚನೆಯಲ್ಲಿದೆ. ಚಿತ್ರದಲ್ಲಿ ಸೂಪರ್ ಸ್ಟಾರ್ 'ಜೆಕೆ' ಪ್ರಮುಖ ಪಾತ್ರ ಪೋಷಿಸುತ್ತಿದ್ದಾರೆ.