ಮಾಧ್ಯಮಗಳ ಮೇಲೆ ನಟಿ ಕತ್ರಿನಾ ಕೈಫ್ ಗರಂ

ತನ್ನ ಬಾಯ್ ಫ್ರೆಂಡ್ ರಣಬೀರ್ ಕಪೂರ್ ಜೊತೆ ಸ್ಪೇನ್ ನ ಇಬಿಜಾ ಸಮುದ್ರತೀರದಲ್ಲಿ ಈಜಾಡಿದ ರೋಚಕ ಚಿತ್ರಗಳು ಮಾಧ್ಯಮಗಳಲ್ಲಿ ಬಹಿರಂಗಗೊಂಡಿದ್ದವು. ಈಗವರು ಭಾರತಕ್ಕೆ ಬಂದ ಮೇಲೆ ಮಾಧ್ಯಮಗಳಲ್ಲಿ ಪ್ರಕಟವಾಗಿರುವ ತಮ್ಮ ಬಿಕಿನಿ ಚಿತ್ರಗಳನ್ನು ನೋಡಿ ಕೆಂಡಾಮಂಡಲವಾಗಿದ್ದಾರೆ.

ತಮ್ಮ ಖಾಸಗಿ ಬದುಕನ್ನು ಹಾಳು ಮಾಡಿರುವ ಮಾಧ್ಯಮಗಳ ಮೇಲೆ ಅವರು ಗರಂ ಆಗಿದ್ದಾರೆ ಈ ಸಂಬಂಧ ಅವರು ಮಾಧ್ಯಮಗಳಿಗೆ ಪತ್ರವನ್ನೂ ಬರೆದು ತರಾಟೆಗೆ ತೆಗೆದುಕೊಂಡಿದ್ದಾರೆ. ತಮ್ಮ ಅನುಮತಿ ಇಲ್ಲದೆ ಫೋಟೋಗಳನ್ನು ತೆಗೆದು, ಅವನ್ನು ವಾಣಿಜ್ಯ ಉದ್ದೇಶಕ್ಕಾಗಿ ಬಳಸಿಕೊಂಡ ನಿಯತಕಾಲಿಕೆಯೊಂದರ ಕೃತ್ಯವನ್ನು ಅವರು ಖಂಡಿಸಿದ್ದಾರೆ.

ಕತ್ರಿನಾ ಕೈಫ್

ಕತ್ರಿನಾ ಕೈಫ್ ಬಿಕಿನಿ ತೊಟ್ಟು ರಣಬೀರ್ ಜೊತೆ ಇರುವ ಚಿತ್ರವನ್ನು ಸ್ಟಾರ್ ಡಸ್ಟ್ ಮ್ಯಾಗಜೀನ್ ಪ್ರಕಟಿಸಿತ್ತು. ಈ ಬಗ್ಗೆ ಈ ಪ್ರಣಯ ಜೋಡಿ ಆಗ ಏನೂ ಬಾಯ್ಬಿಟ್ಟಿರಲಿಲ್ಲ. ಅಸಲಿಗೆ ಇಬಿಜಾಗೆ ವಿಹಾರಕ್ಕೆ ಹೋಗೇ ಇಲ್ಲ ಎಂದು ವಾದಿಸಿದ್ದರು. (ಏಜೆನ್ಸೀಸ್)