ನೋವ ಮರೆತು ಎಂಜಾಯ್ ಮಾಡುವುದ ಕಲಿಸಿದ್ರು ಅಂಬಿ : ಖುಷ್ಬೂ

* ವೃತ್ತಿಜೀವನವು ಪ್ರಾರಂಭ ಹಂತದಲ್ಲಿ ಭೇಟಿ

ಅಂಬರೀಶ್ ಅವರದ್ದು ತುಂಬಾ ಆರಾಮದಾಯಕ. ತುಂಬಾ ಸ್ನೇಹಿ ಸ್ವಭಾವ. ನೀವು ಅವರೊಂದಿಗೆ ಕೆಲಸವನ್ನು ಆನಂದಿಸಬಹುದು. ಒಮ್ಮೆ ಅವರೊಂದಿಗೆ ನಟಿಸಿದವರು ಮತ್ತೊಮ್ಮೆ ನಟಿಸಬೇಕು ಎಂದು ಬಯಸದೆ ಇರುವುದಿಲ್ಲ. ವೃತ್ತಿ ಜೀವನದ ಆರಂಭದಲ್ಲಿ ನಮ್ಮ ಸಿನಿಮಾ ಕೆರಿಯರ್ ಬೆಳವಣಿಗೆ ಇಂಥ ಕರ್ಫಟಬಲ್ ವ್ಯಕ್ತಿಯ ಗೆಳೆತನ ಅವಶ್ಯ.

ಮೊದಲ ಬಾರಿಗೆ ಎಲ್ಲಿ ಭೇಟಿಯಾಗಿದ್ದು?

ನಾನು 'ಒಂಟಿ ಸಲಗ' ದ ಕನ್ನಡ ಚಲನಚಿತ್ರ ಸೆಟ್ಟಿನಲ್ಲಿ ಭೇಟಿಯಾದೆ. ನಾನು ಸೂಪರ್ ಸ್ಟಾರ್, ನನಗೆ ಸೆಟ್ ನಲ್ಲಿ ಪ್ರತಿಯೊಬ್ಬರೂ ಗೌರವಿಸಬೇಕು ಎನ್ನುವಂಥ ವ್ಯಕ್ತಿಯಲ್ಲ. ಎಂಥಾ ದೊಡ್ಡ ಸ್ಟಾರ್ ನಟರಾದರೂ ಅವರಲ್ಲಿ ಸರಳ, ಸ್ನೇಹಪರ ಸ್ವಭಾವವಿತ್ತು. ಹೀರೋಯಿನ್ ಗೆ ಮರ್ಯಾದೆ ಕೊಡುತ್ತಿದ್ದರು. ನನಗೆ ಮೊದಲ ಭೇಟಿಯಲ್ಲೇ ಅವರ ಬಗ್ಗೆ ತುಂಬಾ ಗೌರವ ಮೂಡಿತು.

ರೆಬೆಲ್ ಸ್ಟಾರ್ ಬಗ್ಗೆ ಇನ್ನಷ್ಟು ಹೇಳಿ

ಅವರು ಬೆಳ್ಳಿತೆರೆ ಮೇಲೆ ಮಾತ್ರ ರೆಬೆಲ್ ಸ್ಟಾರ್. ಅವರು ತಮ್ಮ ವೃತ್ತಿಜೀವನದ ಅಂತ್ಯದವರೆಗೆ ಎಲ್ಲಾ ಸಣ್ಣ ಪುಟ್ಟ ಕಲಾವಿದರನ್ನು ಗೌರವದಿಂದ ಕಾಣುತ್ತಿದ್ದರು. ಒರಟು ಮಾತಿನಲ್ಲೂ ಪ್ರೀತಿ ಇರುತ್ತಿತ್ತು, ಗೆಳೆಯರ ಜತೆ ಇರುವಾಗ ಭಯ ಎಲ್ಲಿರುತ್ತೇ ಹೇಳಿ? ಕಲಾವಿದರಿಗೆ ಒಂದು ಭದ್ರತೆ ತಂದುಕೊಟ್ಟ ಅವರು ರೆಬೆಲ್ ಅಲ್ಲ ಲೆಜೆಂಡ್.

80ರ ದಶಕದ ಸ್ಟಾರ್ ಗಳ ಸಮ್ಮಿಲನ

80ರ ದಶಕದ ಸ್ಟಾರ್ ಗಳ ಸಮ್ಮಿಲನ ಕಾರ್ಯಕ್ರಮದಲ್ಲಿ ನಾವೆಲ್ಲ ಪಾಲ್ಗೊಳ್ಳುತ್ತಿದ್ದೆವು. ಈ ವರ್ಷ ಅವರು ಆರೋಗ್ಯ ಕಾರಣಗಳಿಗಾಗಿ ಹಾಜರಾಗಲು ಸಾಧ್ಯವಾಗಿರಲಿಲ್ಲ. ಆದರೆ, ಪ್ರತಿ ವರ್ಷ ಸೇರಿದಾಗಲೂ ನಮ್ಮ ಹಳೆ ನೆನಪುಗಳನ್ನು ಮೆಲುಕು ಹಾಕುತ್ತಿದ್ದೆವು. 2015ರಲ್ಲಿ, ಮೋಹನ್ ಲಾಲ್ ಆಯೋಜಿಸಿದ್ದಾಗ ಅಂಬರೀಷ್ ಸಕತ್ ಆಗಿ ಎಂಜಾಯ್ ಮಾಡುತ್ತಿದ್ದರು. ನಮ್ಮ ಬದುಕಿನ ನೋವಿನ ಬಗ್ಗೆ ಅವರಿಗೆ ಹೇಗೋ ಗೊತ್ತಾಗುತ್ತಿತ್ತು. ನಮಗೆ ನೆರವು ನೀಡುವುದಲ್ಲದೆ, ಮಾನಸಿಕ ಸ್ಥೈರ್ಯ ತುಂಬಿ, ಜೀವನವನ್ನು ಎಂಜಾಯ್ ಮಾಡಿ ಎನ್ನುತ್ತಿದ್ದ ವ್ಯಕ್ತಿ ಈಗ ಇಲ್ಲ ಎಂದರೆ ಕಲ್ಪಿಸಿಕೊಳ್ಳುವುದು ಕಷ್ಟವಾಗುತ್ತಿದೆ.