ಮಾಳವಿಕಾ ಅವಿನಾಶ್ ಈಗ ರಾಜ್ಯ ಬಿಜೆಪಿ ವಕ್ತಾರೆ

ಕಳೆದ ವರ್ಷವಷ್ಟೆ ಮಾಳವಿಕಾ ಅವರು ಬಿಜೆಪಿಗೆ ಸೇರ್ಪಡೆಯಾಗಿದ್ದವರು. ಅದಕ್ಕೂ ಮುನ್ನ ಜೆಡಿಎಸ್ ಪಾಳಯದಲ್ಲಿದ್ದವರು. ಎರಡು ವರ್ಷಗಳ ಕಾಲ ಜೆಡಿಎಸ್ ನ ತೆನೆಹೊತ್ತ ಮಹಿಳೆ ಮಾಳವಿಕಾ ಅವರಿಗೆ ಹೊಸ ಹೊರೆ ನೀಡಲಿಲ್ಲ. ಕಡೆಗೂ ಅವರಿಗೆ ಜೆಡಿಎಸ್ ನಲ್ಲಿ ಸೂಕ್ತ ಸ್ಥಾನಮಾನ ಸಿಕ್ಕಿರಲಿಲ್ಲ.

ಆದರೆ ಬಿಜೆಪಿ ಪಕ್ಷ ಮಾಳವಿಕಾ ಅವರಿಗೆ ಹೊಸ ಜವಾಬ್ದಾರಿಯನ್ನು ನೀಡಿದೆ. ಹದಿನಾರನೇ ಲೋಕಸಭೆ ಚುನಾವಣೆಯನ್ನು ಗಮನದಲ್ಲಿಟ್ಟುಕೊಂಡು ಮಾಳವಿಕಾ ಅವರಿಗೆ ಈ ಹೊಸ ಪದವಿಯನ್ನು ನೀಡಿರುವುದು ವಿಶೇಷ.

ಇನ್ನು ಮಾಳವಿಕ ಅವರು ಕರ್ನಾಟಕದಲ್ಲಿ ಟಿವಿ ನೋಡುವ ಹೆಣ್ಣು ಮಕ್ಕಳಿಗೆ ಚಿರಪರಿಚಿತ ಮುಖ. ಕಿರುತೆಯಲ್ಲಿ ತಮ್ಮದೇ ಆದಂತಹ ಛಾಪು ಮೂಡಿಸಿದವರು. ಮಾಯಾಮೃಗ ಸೀರಿಯಲ್ಲು ಅವರಿಗೆ ಸಾಕಷ್ಟು ಹೆಸರು ತಂದುಕೊಟ್ಟಿದೆ.

ಜೀ ಕನ್ನಡ ವಾಹಿನಿಯ ಬದುಕು ಜಟಕ ಬಂಡಿ ಕಾರ್ಯಕ್ರಮದಲ್ಲಿ ಕ್ಯಾಮೆರಾ ಎದುರಲ್ಲೇ ಪಂಚಾಯಿತಿ ಮಾಡಿ ಸ್ಥಳದಲ್ಲೇ ಪರಿಹಾರ ಹುಡುಕಿ ಸಾಕಷ್ಟು ಹೆಣ್ಣು ಮಕ್ಕಳ ಕಣ್ಣೀರು ಒರೆಸಿದ್ದಾರೆ. ಈಗ ಬಿಜೆಪಿ ವಕ್ತಾರೆಯಾಗಿ ಕಮಲಕ್ಕೆ ಇನ್ನಷ್ಟು ಹೊಳಪು ನೀಡಲಿದ್ದಾರೆ.(ಏಜೆನ್ಸೀಸ್)