ಪೋರಾ ಚಿತ್ರದಲ್ಲಿ ಸೊಂಟ ಬಳುಕಿಸಲಿರುವ ನಿಖಿತಾ

ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ಚಿತ್ರದಲ್ಲಿ ಸಣ್ಣ ಪಾತ್ರ ಪೋಷಿಸಿದ ಬಳಿಕ ತಾರೆ ನಿಖಿತಾ ಕನ್ನಡ ಚಿತ್ರರಂಗದಿಂದ ದೂರವಾಗಿದ್ದರು. ಆದರೆ ಅವರು ಕಿರುತೆರೆಯಲ್ಲಿ ಬಿಗ್ ಬಾಸ್ ಕಾರ್ಯಕ್ರಮದ ಮೂಲಕ ಸಾಕಷ್ಟು ಹತ್ತಿರವಾಗಿದ್ದರು. ಈಗ ಐಟಂ ಸಾಂಗ್ ಮೂಲಕ ಇನ್ನೂ ಹತ್ತಿರವಾಗಲು ಬರುತ್ತಿದ್ದಾರೆ.

ಈ ಹಿಂದೆ ಸ್ನೇಹಿತರು ಚಿತ್ರದಲ್ಲೂ ಸ್ಪೆಷಲ್ ಹಾಡಿಗೆ ನಿಕಿತಾ ಹೆಜ್ಜೆ ಹಾಕಿದ್ದರು. ಮೂಲಗಳ ಪ್ರಕಾರ ನಿಕಿತಾ ಕನ್ನಡದ ಪೋರ ಚಿತ್ರದಲ್ಲಿ ತಮ್ಮ ಸೊಂಟ ಬಳುಕಿದಲಿದ್ದಾರೆ. ಈಗಾಗಲೆ ನಿಕಿತಾ ಐಟಂ ಡಾನ್ಸ್ ಗೆ ತಮ್ಮ ಒಪ್ಪಿಗೆ ನೀಡಿದ್ದಾರೆ. ಆದರೆ ಡೇಟ್ಸ್ ಹೊಂದಾಣಿಕೆಯಾಗುವುದೊಂದು ಬಾಕಿ ಇದೆ ಎನ್ನುತ್ತವೆ ಮೂಲಗಳು.

ನಿಖಿತಾ ತುಕ್ರಲ್

ಪೋರ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿರುವವರು ಅಮೋಘ್. ದೇವರಾಜ್ ಶಿಡ್ಲಘಟ್ಟ ಹಾಗೂ ಡಾ.ಶೈಲೇಂದ್ರ ಬೆಲ್ಲದಾಳ್ ಚಿತ್ರದ ನಿರ್ಮಾಪಕರು. ಈಗಾಗಲೆ ಶೇ.95ರಷ್ಟು ಚಿತ್ರೀಕರಣ ಮುಗಿದಿದೆ. ಪಾತ್ರವರ್ಗದಲ್ಲಿ ನಾಯಕಿ ವ್ಯಾಲರಿ, ಲಕ್ಕಿಶಂಕರ, ಹಿರಿಯನಟ ಮನದೀಪ್ ರಾಯ್, ತಬಲಾನಾಣಿ, ತಮ್ಮ ಪಾತ್ರಗಳ ಬಗ್ಗೆ ಮಾತನಾಡಿದರು. ಹಿರಿಯ ಕಲಾವಿದರಾದ ಭವ್ಯಾ ಹಾಗೂ ಲಕ್ಷ್ಮಣ್ ಅವರೂ ಕೂಡ ಅಭಿನಯಿಸುತ್ತಿರುವುದು ಈ ಚಿತ್ರದ ವಿಶೇಷ. (ಏಜೆನ್ಸೀಸ್)