ರಿಯಲ್ ಸ್ಟಾರ್ ಉಪ್ಪಿ 2 ಚಿತ್ರದಲ್ಲಿ ಪರುಲ್ ಯಾದವ್

ರಿಯಲ್ ಸ್ಟಾರ್ ಉಪೇಂದ್ರ ಆಕ್ಷನ್ ಕಟ್ ನಲ್ಲಿ ಮೂಡಿಬರುತ್ತಿರುವ ಮತ್ತೊಂದು ಬಹು ನಿರೀಕ್ಷಿತ ಚಿತ್ರ 'ಉಪ್ಪಿ 2'. ಈ ಚಿತ್ರಕ್ಕೆ ನಾಯಕಿಯಾಗಿ ರಷ್ಯಾದ ಬೆಡಗಿ ಹಾಗೂ ರೂಪದರ್ಶಿ ಕ್ರಿಸ್ಟಿನಾ ಅಖೀವಾ ಅವರನ್ನು ಆಯ್ಕೆ ಮಾಡಿಯಾಗಿದೆ. ಇದೀಗ ಹೊಸ ಬೆಡಗಿಯೂ 'ಉಪ್ಪಿಟ್ಟು' ಸವಿಯಲು ಬರುತ್ತಿದ್ದಾರೆ.

ಯೋಗರಾಜ್ ಭಟ್ ಅವರ 'ಪರಪಂಚ' ಚಿತ್ರದ ಶೂಟಿಂಗ್ ಮುಗಿಸಿಕೊಂಡು ಬಂದಿರುವ ಪರುಲ್ ಯಾದವ್, ಇದೀಗ ಉಪ್ಪಿ 2 ಟೀಂ ಸೇರಲಿದ್ದಾರೆ. ಸ್ವಿಟ್ಜರ್ ಲ್ಯಾಂಡ್ ನಿಂದ ವಾಪಸ್ ಆಗಿರುವ ಅವರು ಉಪ್ಪಿ 2 ಚಿತ್ರದಲ್ಲಿ ಅಭಿನಯಿಸಲಿದ್ದಾರೆ ಎನ್ನುತ್ತವೆ ಮೂಲಗಳು. ಅಲ್ಲಿಗೆ ಉಪ್ಪಿ 2 ಚಿತ್ರದ ಇಬ್ಬರು ನಾಯಕಿಯರು ಯಾರು ಎಂಬ ಕುತೂಹಲಕ್ಕೆ ತೆರೆಬಿದ್ದಿದೆ. [ರಿಯಲ್ ಸ್ಟಾರ್ 'ಉಪ್ಪಿ 2' ಜತೆ ರಷ್ಯನ್ ಕೇಸರಿಬಾತ್]

ಪರುಲ್ ಯಾದವ್

ಗುರುಕಿರಣ ಸಂಗೀತ ಸಂಯೋಜನೆ ಮಾಡಿರುವ ಚಿತ್ರದ ಹಾಡುಗಳನ್ನು ಈಗಾಗಲೆ ರೆಕಾರ್ಡ್ ಮಾಡಲಾಗಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ 2015ರ ವೇಳೆಗೆ ಉಪ್ಪಿ 2 ಚಿತ್ರ ಪ್ರೇಕ್ಷಕರ ಕಣ್ಮುಂದೆ ಬರಲಿದೆ.

ಇನ್ನು ಕ್ರಿಸ್ಟಿನಾ ಅವರದು ಉಪ್ಪಿ 2 ಚಿತ್ರದಲ್ಲಿ ಮೂರು ಶೇಡ್ ಗಳುಳ್ಳ ಪಾತ್ರವಂತೆ. ಅದು ಏನು ಎಂಬುದು ಗೊತ್ತಾಗಬೇಕಾದರೆ ಚಿತ್ರ ಬಿಡುಗಡೆಯ ತನಕ ಕಾಯಲೇಬೇಕು. ಈಗ ಚಿತ್ರಕ್ಕೆ ಇನ್ನೊಬ್ಬ ನಾಯಕಿ ಪರುಲ್ ಸಿಕ್ಕಿದ್ದು ಅವರ ಪಾತ್ರ ಏನು ಎತ್ತ ಎಂಬುದು ಮುಂದಿನ ದಿನಗಳಲ್ಲಿ ಗೊತ್ತಾಗಲಿದೆ. (ಏಜೆನ್ಸೀಸ್)