ಮಹೇಶ್ ಬಾಬು ಚಿತ್ರದಲ್ಲಿ ಕನ್ನಡ ಬೆಡಗಿ ಪ್ರಣೀತಾ

ರವಿತೇಜ, ಮೋಹನ್ ಬಾಬು ಚಿತ್ರಗಳಲ್ಲೂ ಚಾನ್ಸ್

ಇಲ್ಲಿ ಚಿತ್ರಗಳು ಎಂದು ಹೇಳಲು ಕಾರಣ, ಮಹೇಶ್ ಬಾಬು ಚಿತ್ರದ ಜೊತೆಗೆ ರವಿತೇಜ, ಮೋಹನ್ ಬಾಬು ಅವರ ಹೋಂ ಬ್ಯಾನರ್ ಚಿತ್ರಗಳಿಗೂ ಸಹಿ ಹಾಕಿದ್ದಾರೆ ಪ್ರಣೀತಾ ಎಂಬ ಕಾರಣಕ್ಕೆ. ಮೋಹನ್ ಬಾಬು ಅವರ ಪುತ್ರರಾದ ಮನೋಜ್ ಹಾಗೂ ವಿಷ್ಣು ಇಬ್ಬರ ಜೊತೆಯೂ ಪ್ರಣೀತಾ ಅಭಿನಯಿಸಲಿದ್ದಾರೆ.

ಶಕುನಿ ಚಿತ್ರ ನಿರೀಕ್ಷಿಸಿದ ಮಟ್ಟದಲ್ಲಿ ಗೆಲ್ಲಲಿಲ್ಲ

ಪ್ರಣೀತಾ ಅಭಿನಯದ ತಮಿಳಿನ 'ಶಗುನಿ' ಚಿತ್ರ ಬಹಳಷ್ಟು ನಿರೀಕ್ಷೆಗಳನ್ನು ಹುಟ್ಟಿಸಿತ್ತು. ಇದೇ ಚಿತ್ರ ತೆಲುಗಿಗೆ 'ಶಕುನಿ' ಎಂದು ಡಬ್ ಆಗಿತ್ತು. ಆದರೆ ತೆಲುಗಿನಲ್ಲಿ ಮಕಾಡೆ ಮಲಗಿತು. ನಾನೂರಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ತೆರೆಕಂಡ ತೆಲುಗು 'ಶಕುನಿ' ಅಡ್ರಸ್ ಇಲ್ಲದಂತಾಗಿದ್ದು ದುರಂತ.

ಚಿತ್ರದ ಸೋಲಿಗೆ ನಾಯಕಿ ಬಲಿಬಶು

ಶಕುನಿ ಈ ಚಿತ್ರದ ಸೋಲಿಗೆ ಕೇವಲ ಪ್ರಣೀತಾ ಒಬ್ಬರೇ ಕಾರಣ ಎಂದರೆ ಅಪಚಾರವಾಗುತ್ತದೆ. ಯಾವುದೇ ಒಂದು ಚಿತ್ರದ ಸೋಲು ಗೆಲುವಿಗೆ ಆ ಚಿತ್ರತಂಡದ ಪ್ರತಿಯೊಬ್ಬರೂ ಕಾರಣರಾಗಿರುತ್ತಾರೆ ಎಂಬುದನ್ನು ಮರೆಯಬಾರದು. ಅದ್ಯಾಕೋ ಏನೋ ಚಿತ್ರವೊಂದು ಸೋತರೆ ಇದಕ್ಕೆ ನಾಯಕಿಯ ಕಾಲ್ಗುಣವೇ ಕಾರಣ ಎಂದು ಗೂಬೆ ಕೂರಿಸುವ ಪ್ರಯತ್ನ ಚಿತ್ರೋದ್ಯಮದಲ್ಲಿ ಬಲವಾಗಿ ಬೇರೂರಿದೆ.

ರವಿತೇಜ ಚಿತ್ರಕ್ಕೆ ಶಾರದಾ ಎಂಬ ಶೀರ್ಷಿಕೆ

ಮಹೇಶ್ ಬಾಬು ಜೊತೆಗಿನ ಚಿತ್ರದ ಕಥೆ ಮಹಿಳಾ ಪ್ರಧಾನವಾಗಿರುತ್ತದೆ. ಇನ್ನು ರವಿತೇಜ ಜೊತೆಗಿನ ಚಿತ್ರಕ್ಕೆ 'ಶಾರದಾ' ಎಂದು ಹೆಸರಿಡಲಾಗಿದೆ. ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿರುವವರು ತ್ರಿವಿಕ್ರಮ್ ಶ್ರೀನಿವಾಸ್.

ಅಂಗಾರಕ ಹಾಗೂ ವಿಜಲ್ ಚಿತ್ರಗಳಲ್ಲಿ ಪ್ರಣೀತಾ

ಕನ್ನಡದಲ್ಲಿ ಪ್ರಣೀತಾ ಎರಡು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ ಒಂದು ಅಂಗಾರಕ ಹಾಗೂ ಇನ್ನೊಂದು ವಿಜಲ್. ಅಂಗಾರಕ ಚಿತ್ರ ಸ್ವಮೇಕ್ ಆದರೆ ವಿಜಲ್ ಚಿತ್ರ ತಮಿಳಿನ ಪಿಜ್ಜಾ ರೀಮೇಕ್. ಎರಡೂ ಚಿತ್ರಗಳಲ್ಲಿ ಪ್ರಣೀತಾ ಅವರಿಗೆ ಒಳ್ಳೆಯ ರೋಲ್ ಸಿಕ್ಕಿದೆ.