'ಮಾಡರ್ನ್ ಕೃಷ್ಣ' ಕಿಚ್ಚನ ಜೊತೆ ರಚಿತಾ-ಭಾವನಾರ ಒನಪು-ವಯ್ಯಾರ

ದುಬಾರಿ ಸೆಟ್ ನಲ್ಲಿ ಹಾಡಿನ ಶೂಟಿಂಗ್

ಕಿಚ್ಚ ಸುದೀಪ್, ರಚಿತಾ ರಾಮ್ ಮತ್ತು ಭಾವನಾ ಮೆನನ್ ಕಾಣಿಸಿಕೊಂಡಿದ್ದ 'ಗೋಪಾಲ ಗೋಪಾಲ' ಎಂಬ ಹಾಡಿಗೆ, ಸುಮಾರು 60 ಲಕ್ಷ ವೆಚ್ಚದಲ್ಲಿ ದುಬಾರಿ ಸೆಟ್ ಹಾಕಲಾಗಿತ್ತು.[ಬರ್ತ್ ಡೇ ಸ್ಪೆಷಲ್: ಕಿಚ್ಚನಿಗೆ ಬ್ರೇಕ್ ಕೊಟ್ಟ 'ಆ' 5 ಸಿನ್ಮಾಗಳು]

ರಾಧೆ-ರುಕ್ಮಿಣಿಯಾದ ರಚಿತಾ-ಭಾವನಾ

'ಮುರಾರಿ' ಕಿಚ್ಚ ಸುದೀಪ್ ಅವರ ಅಕ್ಕ-ಪಕ್ಕದಲ್ಲಿ ರಾಧೆ ಮತ್ತು ರುಕ್ಮಿಣಿಯಾಗಿ ಗುಳಿಕೆನ್ನೆ ಬೆಡಗಿ ರಚಿತಾ ರಾಮ್ ಮತ್ತು ಭಾವನಾ ಮೆನನ್ ಅವರು, ಸಖತ್ ಆಗಿ ಡ್ಯಾನ್ಸ್ ಮಾಡುತ್ತಾ ಚೆಲ್ಲಾಟ ಆಡಿದರು.['ಮುಕುಂದ ಮುರಾರಿ' ಅಡ್ಡದಿಂದ ಲೀಕ್ ಆಗಿರುವ 'ಕೃಷ್ಣ' ಸುದೀಪ್ ಫೋಟೋ ಇದೇ.!]

80 ಜನ ಸಹ ಕಲಾವಿದರು

ಬೆಂಗಳೂರಿನ ಹೊರವಲಯದ, ನೆಲಮಂಗಲದ ಮೋಹನ್ ಸ್ಟುಡಿಯೋದಲ್ಲಿ, ಅದ್ಧೂರಿ ಸೆಟ್ ಹಾಕಿ ಈ ವಿಶೇಷ ಹಾಡಿನ ಚಿತ್ರೀಕರಣ ನಡೆಸಲಾಗಿತ್ತು. ಸುಮಾರು 80 ಮಂದಿ ಸಹ ನೃತ್ಯಗಾರರ ಜೊತೆ ಸುದೀಪ್, ರಚಿತಾ ಮತ್ತು ಭಾವನಾ ಹೆಜ್ಜೆ ಹಾಕಿದ್ದಾರೆ.

ಮೊದಲ ದಿನ ಉಪ್ಪಿ ಹಾಜರಿದ್ದರು

ಎರಡು ದಿನಗಳ ಕಾಲ ಈ ಹಾಡಿನ ಚಿತ್ರೀಕರಣ ನಡೆದಿದ್ದು, ಮೊದಲ ದಿನ ಉಪೇಂದ್ರ ಅವರು ಪಾಲ್ಗೊಂಡಿದ್ದರು. ಎರಡನೇ ದಿನ ಸುದೀಪ್ ಅವರು ರಚಿತಾ ಮತ್ತು ಭಾವನಾ ಜೊತೆ ಹೆಜ್ಜೆ ಹಾಕಿದರು.

ಸದ್ಯದಲ್ಲೇ ಆಡಿಯೋ

ನಿನ್ನೆ (ಸೆಪ್ಟೆಂಬರ್ 18) ರಿಯಲ್ ಸ್ಟಾರ್ ಉಪೇಂದ್ರ ಅವರು ಹುಟ್ಟುಹಬ್ಬ ಆಚರಿಸಿದ್ದು, ಅವರ ಹುಟ್ಟುಹಬ್ಬದ ಅಂಗವಾಗಿ ಸಾಂಗ್ ಟೀಸರ್ ರಿಲೀಸ್ ಆಗಿದೆ. ಇನ್ನೇನು ಸದ್ಯದಲ್ಲೇ ಆಡಿಯೋ ಕೂಡ ಬಿಡುಗಡೆ ಆಗಲಿದೆ.