Click it and Unblock the Notifications
ರಮ್ಯಾ ಚುಂಬಿಸಿದ ಸೇಬು ಹತ್ತು ಸಾವಿರಕ್ಕೆ ಹರಾಜು!
ಪಬ್ಲಿಕ್ ಟಿವಿ ಸೋಮವಾರ ಸಂಜೆ ಪ್ರಸಾರ ಮಾಡಿದ 'ಕಠಾರಿವೀರ ಸುರಸುಂದರಾಂಗಿ' ಚಿತ್ರದ ವಿಶೇಷ ಕಾರ್ಯಕ್ರಮದಲ್ಲಿ ಈ ಹರಾಜು ಪ್ರಕ್ರಿಯೆ ನಡೆಯಿತು. ಚಿತ್ರದಲ್ಲಿ ಉಪೇಂದ್ರ ಹಾಗೂ ರಮ್ಯಾ ಸೇಬಿನ ಹಣ್ಣನ್ನು ಕಚ್ಚಿಕೊಳ್ಳುವ ಸನ್ನಿವೇಶವಿದೆ. ಇದೇ ಸನ್ನಿವೇಶವನ್ನು ರಮ್ಯಾ ಕಾರ್ಯಕ್ರಮದಲ್ಲಿ ಮಾಡಿತೋರಿಸಿದರು.
ಬಳಿಕ ಮುನಿರತ್ನ ಇದೇ ಸೇಬಿನ ಹಣ್ಣನ್ನು ಹರಾಜಿಗೆ ಇಟ್ಟರು. ವಿಶಾಲ್ ಎಂಬ ರಮ್ಯಾರ ಅಭಿಮಾನಿಯೊಬ್ಬ ಈ ಸೇಬಿನ ಹಣ್ಣನ್ನು ರು.10 ಸಾವಿರಕ್ಕೆ ಖರೀದಿಸಿದ. ತುಂಬಾ ಲೈವ್ಲಿಯಾಗಿ ಪ್ರಸಾರವಾದ ಈ ಕಾರ್ಯಕ್ರಮದ ವಿಡಿಯೋ ಇಲ್ಲಿದೆ ನೋಡಿ.
ಹರೀಶ್ ನಾಗರಾಜ್ ನಡೆಸಿಕೊಟ್ಟ ಈ ಕಾರ್ಯಕ್ರಮ ಸತತ 2 ಗಂಟೆಗಳಿಗೂ ಅಧಿಕ ಸಮಯ ನೇರ ಪ್ರಸಾರವಾಯಿತು. ಉಪೇಂದ್ರ ಅವರು ತಮ್ಮ ಬಾಲ್ಯ, ಕಾಲೇಜು ದಿನಗಳನ್ನು ಇಲ್ಲಿ ನೆನಪಿಸಿಕೊಂಡರು. ಅವರ ತಂದೆತಾಯಿ, ಮಡದಿ ಮಕ್ಕಳೊಂದಿಗೆ ನೇರ ಪ್ರಸಾರವೂ ವೀಕ್ಷಕರಿಗೆ ಮುದ ನೀಡಿತು.
ಚಿತ್ರದ ನಿರ್ಮಾಪಕ ಮುನಿರತ್ನ ಅವರು ಮಾತನಾಡುತ್ತಾ, ತಮ್ಮ 'ಕಠಾರಿವೀರ' ಚಿತ್ರವನ್ನು ಯಾವುದೇ ಚಿತ್ರದಿಂದ ಕದ್ದಿಲ್ಲ. ಇದೊಂದು ಒರಿಜಿನಲ್ ಸ್ಟೋರಿ ಎಂದು ಈ ಸಂದರ್ಭದಲ್ಲಿ ಸ್ಪಷ್ಟಪಡಿಸಿದರು. 'ಕಠಾರಿವೀರ' ಚಿತ್ರದಲ್ಲಿನ "ಅಂಬಿಕಾ ಚಳಿ ತಾಳೆನು ಅಂಬಿಕಾ..ನೀನು ಭಲೆ ಡೇಂಜರ್ ಕಣೋ..." ಎಂಬ ಹಾಡಿನಲ್ಲಿ ರಮ್ಯಾ ಈ ರಸವತ್ತಾ ಸೇಬಿನ ಸೀನ್ ಬರುತ್ತದೆ. ಏನೇ ಆಗಲಿ ಗಿಳಿ ಕಚ್ಚಿದ ಮಾವಿನಕಾಯಿಯಂತೆ ರಮ್ಯಾ ಮುತ್ತಿಕ್ಕಿದ ಸೇಬಿಗೂ ಒಂದು ಭರ್ಜರಿ ಬೆಲೆ ಸಿಕ್ಕಿದೆ. (ಒನ್ಇಂಡಿಯಾ ಕನ್ನಡ)
Continue with Google