ಚೊಚ್ಚಲ ಮಗು ನಿರೀಕ್ಷೆಯಲ್ಲಿ 'ನ್ಯೂಸ್' ಚಿತ್ರದ ಬೆಡಗಿ

ರೀಮಾ ಸೇನ್

ರೀಮಾ ಸೇನ್ ಚೊಚ್ಚಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಈ ಸುದ್ದಿಯನ್ನು ಕೇವಲ ಅವರ ಆಪ್ತರು ಹಾಗೂ ಬಂಧುಬಳಗಕ್ಕೆ ತಿಳಿಸಲಾಗಿತ್ತಂತೆ. ಆದರೆ ಸುದ್ದಿ ಅದು ಹೇಗೋ ಏನೋ ಎಲ್ಲರ ಕಿವಿಗೂ ಬಿದ್ದಿದೆ.

ಈಗ ಅವರಿಗೆ ಮೂರು ತಿಂಗಳಂತೆ. ಬಹುಶಃ ಮಾರ್ಚ್ ತಿಂಗಳಲ್ಲಿ ಅವರು ಮಗುವಿಗೆ ಜನ್ಮ ನೀಡಬಹುದು ಎನ್ನುತ್ತವೆ ಮೂಲಗಳು. ಇತ್ತೀಚೆಗೆ ರೀಮಾ ಅಭಿನಯದ 'ಗ್ಯಾಂಗ್ಸ್ ಆಫ್ ವಾಸೇಪುರ್-ಪಾರ್ಟ್ 1' ಚಿತ್ರದಲ್ಲಿನ ಅಭಿನಯಕ್ಕಾಗಿ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಸುಮಾರು ರು.9.2 ಕೋಟಿ ಬಜೆಟ್ ನಲ್ಲಿ ನಿರ್ಮಿಸಿದ ಗ್ಯಾಂಗ್ಸ್ ಆಫ್ ವಾಸೇಪುರ್ ಚಿತ್ರ ಬಾಕ್ಸಾಫೀಸಲ್ಲಿ ರು. 27.85 ಕೋಟಿ ಕಲೆಕ್ಷನ್ ಮಾಡುವ ಮೂಲಕ ಹೊಸ ದಾಖಲೆ ಬರೆದಿತ್ತು. ಈ ಸಂತಸ ಒಂದು ಕಡೆಯಾದರೆ ಈಗ ತಾನು ತಾಯಿಯಾಗುತ್ತಿದ್ದೇನೆ ಎಂಬ ಖುಷಿ ಮತ್ತೊಂದು ಕಡೆ. (ಏಜೆನ್ಸೀಸ್)