ಐಟಂ ಡಾನ್ಸ್ ಗೆ ಚಂದ್ರ ಚಕೋರಿ ಶ್ರೀಯಾ ಸರನ್

'ಚಂದ್ರ' ಚಿತ್ರದ ಮೂಲಕ ಕನ್ನಡಕ್ಕೆ ಅಡಿಯಿಟ್ಟ ಚಂದನದ ಗೊಂಬೆ ಶ್ರೀಯಾ ಸರನ್. ಅವರ ವೃತ್ತಿ ಬದುಕು ಈಗ ಆರಕ್ಕೇರದೆ ಮೂರಕ್ಕಿಳಿಯದ ಸ್ಥಿತಿಯಲ್ಲಿದೆ. ಈ ಸಂದರ್ಭದಲ್ಲಿ ಐಟಂ ಡಾನ್ಸ್ ಮಾಡಿದರೆ ಒಂಚೂರು ವೃತ್ತಿ ಬದುಕಿನ ಗ್ರಾಫ್ ಎರಬಹುದು ಎಂಬ ಲೆಕ್ಕಾಚಾರದಲ್ಲಿದ್ದಾರೆ ಶ್ರೀಯಾ.

ಶ್ರೀಯಾ ಅವರು ತಮ್ಮ ಮನಮೋಹಕ ಲುಕ್ ನಿಂದಾಗಿ ತನ್ನದೇ ಆದ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಆದರೆ ಅವರು ಸಿಕ್ಕಸಿಕ್ಕ ಪ್ರಾಜೆಕ್ಟ್ ಗಳಲ್ಲಿ ಅಭಿನಯಿಸಿದ ಕಾರಣ ಅವರ ಅಭಿಮಾನಿ ಬಳಗದ ಸಂಖ್ಯೆಯೂ ಕಡಿಮೆಯಾಗುತ್ತಾ ಬರುತ್ತಿದೆ.

ಶ್ರೀಯಾ ಸರನ್

ಈ ಬಗ್ಗೆ ಅವರು ಸ್ಪಷ್ಟವಾದ ಸಂದೇಶವನ್ನೂ ನೀಡಿದ್ದಾರೆ. "ಐಟಂ ಡಾನ್ಸ್ ಮಾಡುವುದರಿಂದ ತಮ್ಮ ವೃತ್ತಿ ಬದುಕಿಗೆ ಹೊಡೆತ ಬೀಳುತ್ತದೆ ಎಂದು ತಾವು ಭಾವಿಸುತ್ತಿಲ್ಲ. ನನ್ನ ವೃತ್ತಿ ಬದುಕು ಇನ್ನೂ ಮುಗಿದಿಲ್ಲ. ಒಂದೇ ರೀತಿಯ ಪಾತ್ರಗಳಿಗೆ ಅಂಟಿಕೊಳ್ಳಲು ನನಗೆ ಇಷ್ಟವಿಲ್ಲ" ಎಂದಿದ್ದಾರೆ. (ಏಜೆನ್ಸೀಸ್)