4 ವರ್ಷದ ಬಳಿಕ ಮತ್ತೆ ಒಂದಾದ ಉಪೇಂದ್ರ - ಗುರುಕಿರಣ್

ನಟ ಉಪೇಂದ್ರ ಹಾಗೂ ಸಂಗೀತ ನಿರ್ದೇಶಕ ಗುರುಕಿರಣ್ ಕನ್ನಡದ ಬೆಸ್ಟ್ ಜೋಡಿಗಳಲ್ಲಿ ಒಂದು. 'ಮಾರಿಕಣ್ಣು ಹೋರಿಮ್ಯಾಗೆ..' ಅಂತ ಶುರುವಾದ ಈ ಜೋಡಿಯ ಸಂಗೀತ ಯಾತ್ರೆ ಇಂದಿಗೂ ಮುಂದುವರೆದಿದೆ.

ಆದರೆ, ಇತ್ತೀಚಿಗೆ ಕೆಲವು ವರ್ಷಗಳಿಂದ ಉಪೇಂದ್ರ ಸಿನಿಮಾಗಳಿಗೆ ಗುರುಕಿರಣ್ ರಿಗೆ ಸಂಗೀತ ನೀಡುವ ಅವಕಾಶ ಸಿಕ್ಕಿರಲಿಲ್ಲ. ಆದರೆ, ಈಗ 4 ವರ್ಷದ ಬಳಿಕ ಮತ್ತೆ ರಿಯಲ್ ಸ್ಟಾರ್ ಸಿನಿಮಾಗೆ ಗುರು ಮ್ಯೂಸಿಕ್ ನೀಡುತ್ತಿದ್ದಾರೆ.

'ಬುದ್ಧಿವಂತ 2' ಸಿನಿಮಾದ ಮುಹೂರ್ತ ನಿನ್ನೆ (ಮೇ 24) ನೆರವೇರಿದೆ. ಈ ಸಿನಿಮಾಗೆ ಗುರುಕಿರಣ್ ಸಂಗೀತ ನೀಡುತ್ತಿದ್ದಾರೆ. ನಿರ್ದೇಶಕ ಮೌರ್ಯ ಹಾಗೂ ಯೋಗರಾಜ್ ಭಟ್ ಸಾಹಿತ್ಯ ಬರೆಯಲಿದ್ದಾರೆ.

'ಉಪ್ಪಿ 2' ಬಳಿಕ ಉಪ್ಪಿ ಅವರ ಯಾವ ಸಿನಿಮಾಗೂ ಗುರು ಮ್ಯೂಸಿಕ್ ಮಾಡಿರಲಿಲ್ಲ. ಆದರೆ, ಈಗ ಮತ್ತೆ ಈ ಜೋಡಿ ಒಂದಾಗಿದೆ. ಈ ಕಾರಣ ಹಾಡುಗಳ ಮೇಲೆ ನಿರೀಕ್ಷೆ ಹೆಚ್ಚಿದೆ.

ಅಂದಹಾಗೆ, 'ಎ', 'ಉಪೇಂದ್ರ', 'ಹಾಲಿವುಡ್', 'ಕುಟುಂಬ', ಉಪ್ಪಿ 2' ಉಪೇಂದ್ರ ಹಾಗೂ ಗುರುಕಿರಣ್ ಕಾಂಬಿನೇಶನ್ ನಲ್ಲಿ ಬಂದ ಬೆಸ್ಟ್ ಸಿನಿಮಾಗಳಾಗಿವೆ.