ಚುನಾವಣೆ ಮುಗಿದರೂ ಮಂಡ್ಯ ಸಂಸದೆಗೆ ಕಾಡುತ್ತಿದ್ದಾರೆ 'ನಕಲಿ ಸುಮಲತಾ'!

ಸುಮಲತಾ ಹೆಸರಿನಲ್ಲಿ ನಕಲಿ ಫೇಸ್ ಬುಕ್ ಖಾತೆ

ನಟಿ, ಸಂಸದೆ ಸುಮಲತಾ ಅಂಬರೀಶ್ ಹೆಸರಿನಲ್ಲಿ ಕಿಡಿಗೇಡಿಗಳು ನಕಲಿ ಫೇಸ್ ಬುಕ್ ಖಾತೆ ತೆರೆದಿದ್ದಾರೆ. ಈ ಬಗ್ಗೆ ಟ್ವೀಟ್ ಮಾಡಿರುವ ಸುಮಲತಾ ''ಮತ್ತೆ ನಕಲಿ 'ಸುಮಲತಾ'ಗಳ ಹಾವಳಿ!. ಸ್ನೇಹಿತರೆ ಇದು ನನ್ನ ಹೆಸರಿನಲ್ಲಿ ತೆರೆದಿರುವ ಫೇಕ್ ಅಕೌಂಟ್. ನನ್ನ ಅಕೌಂಟ್ ಗೆ ನೀಲಿ ಬಣ್ಣದ ವೆರಿವೈ ಗುರುತು ಇದೆ. ಈ ನಕಲಿ ಖಾತೆಗಳನ್ನು ಹೇಗೆ ತಡೆಯುವುದು.'' ಎಂದು ಮಾಹಿತಿ ನೀಡಿದ್ದಾರೆ.

ಡಿಕೆಶಿ ಬಗ್ಗೆ ನಕಲಿ ಸುಮಲತಾ ಪೋಸ್ಟ್

ಸುಮಲತಾ ಅವರ ನಕಲಿ ಫೇಸ್ ಬುಕ್ ಖಾತೆ ಬಳಸಿಕೊಂಡು ಡಿಕೆ ಶಿವಕುಮಾರ್ ವಿರುದ್ಧ ಪೋಸ್ಟ್ ಮಾಡಲಾಗಿದೆ. ''ನ್ಯಾಯದ ಮುಂದೆ ಎಲ್ಲರೂ ಒಂದೇ. ಅವರು ಮಾಡಿದ್ದನ್ನು ಅವರು ಅನುಭವಿಸುತ್ತಾರೆ. ಇದಕ್ಕಾಗಿ ಸಾರ್ವಜನಿಕ ಆಸ್ತಿಯನ್ನು ಹಾಳು ಮಾಡುವುದು ಸರಿಯಲ್ಲ'' ಎಂದು ನಕಲಿ ಫೇಸ್ ಬುಕ್ ಖಾತೆಯಲ್ಲಿ ಬರೆಯಲಾಗಿದೆ.

ಇತ್ತೀಚಿಗಷ್ಟೆ ಸುಮಲತಾ ಹಳೆ ವಿಡಿಯೋ ವೈರಲ್

ಇತ್ತೀಚಿಗಷ್ಟೆ ಸೋಷಿಯಲ್ ಮೀಡಿಯಾದಲ್ಲಿ ಸುಮಲತಾ ಅವರ ಹಳೆಯ ವಿಡಿಯೋವೊಂದನ್ನು ವೈರಲ್ ಮಾಡಲಾಗಿತ್ತು. ನಟ ಚಿರಂಜೀವಿ ಕುಟುಂಬದ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಸುಮಲತಾ ಡ್ಯಾನ್ಸ್ ಮಾಡಿದ್ದರು. ಆ ಹಳೆಯ ವಿಡಿಯೋವನ್ನು ಈಗ ವೈರಲ್ ಮಾಡಿ, ರಾಜ್ಯದ ಜನ ಮಳೆಯಿಂದ ಕಷ್ಟದಲ್ಲಿ ಇದ್ದಾಗ ಸುಮಲತಾ ಮಜಾ ಮಾಡುತ್ತಿದ್ದಾರೆ ಎಂದು ಬಿಂಬಿಸಲಾಗಿತ್ತು.

ಈ ಹಿಂದೆಯೂ ಇದೇ ಸಮಸ್ಯೆ ಆಗಿತ್ತು

ಈ ಹಿಂದೆ ಕಳೆದ ಜನವರಿ ತಿಂಗಳಿನಲ್ಲಿಯೂ ಸುಮಲತಾ ಹೆಸರಿನಲ್ಲಿ ನಕಲಿ ಖಾತೆಗಳನ್ನು ತೆರೆದಿದ್ದು, ಇದರ ವಿರುದ್ಧ ಗರಂ ಆಗಿದ್ದರು. ತಮ್ಮ ಹೆಸರಿನಲ್ಲಿ ಯಾರೋ ಫೇಕ್ ಫೇಸ್ ಬುಕ್ ಅಕೌಂಟ್ ಓಪನ್ ಮಾಡಿದ್ದಾರೆ ಎಂದು ಜನರ ಗಮನಕ್ಕೆ ತಂದಿದ್ದರು. ಇಷ್ಟೆಲ್ಲ ಆಗಿದ್ದರೂ, ಸೈಬರ್ ಕ್ರೈಮ್ ಗೆ ದೂರು ನೀಡಿದ್ದರೂ, ಪದೇ ಪದೇ ಸುಮಲತಾ ಇಂತಹ ಸಂದರ್ಭಗಳನ್ನು ಎದುರಿಸುತ್ತಿದ್ದಾರೆ.