ಐಶ್ವರ್ಯಾ ರೈ ಮಗಳು ಆರಾಧ್ಯಾ ಫೋಟೋಗಳು

ಅಮ್ಮನ ಮೈಕಾಂತಿ ಮಗಳಿಗೂ ಇದೆಯಲ್ವೆ?

ಈ ಫೋಟೋ ನೋಡಿದರೆ ಅಮ್ಮನ ಮೈಕಾಂತಿ ಮಗಳಿಗೂ ಬಂದಿದೆ ಅನ್ನಿಸುತ್ತದೆ. ಆರಾಧ್ಯಾಳ ಮುಖವನ್ನು ಕ್ಯಾಮೆರಾ ಕಣ್ಣಿಗೆ ಬೀಳದಂತೆ ಎಚ್ಚರ ವಹಿಸಿದ್ದಾರೆ. ಆದರೂ ಆರಾಧ್ಯ ಮಾತ್ರ ಇಣುಕಲು ಪ್ರಯತ್ನಿಸಿದಂತಿದೆ.

ಯಾರ್ರಿ ಅದು ಫೋಟೋ ತೆಗೀತಿರೋದು?

ನಾ ಮುಂದು ತಾ ಮುಂದು ಎಂದು ಫೋಟೋ ತೆಗೆಯಲು ಮುಗಿಬಿದ್ದ ಛಾಯಾಗ್ರಾಹರನ್ನು ಐಶ್ವರ್ಯಾ ರೈ ಸಹಾಯಕರು ತಡೆಯುತ್ತಿರುವುದು. ಈ ಗಲಾಟೆಯಲ್ಲಿ ಅಮ್ಮನ ಮಡಿಲಲ್ಲಿ ಬೆಚ್ಚಗೆ ಮಲಗಿದ್ದ ಆರಾಧ್ಯಾಗೆ ಎಚ್ಚರವಾದಂತಿದೆ. ಮಗು ಅಳುತ್ತಿರುವುದನ್ನು ಚಿತ್ರದಲ್ಲಿ ಗಮನಿಸಬಹುದು.

ಈ ಫೋಟೋ ನೋಡಿದರೆ ಏನನ್ನಿಸುತ್ತದೆ?

ಮಲಗು ನನ್ನ ಮುದ್ದು ಮಗು. ಅಳದಿರು ನೀನು ಬಿಕ್ಕಳಿಸಿ. ಅಪ್ಪುವೆ ನಿನಗೊಂದು ಮುತ್ತಿರಿಸಿ. ಅತ್ತು ಸುತ್ತಿ ಹೊರಳದಿರು ಅರಚಿ ಪರಚಿ ಕಿರುಚದಿರು. ನಿದಿರಾದೇವಿ ಬರುತಿಹಳು. ನಿನ್ನಯ ಕಣ್ಣಲೇ ಕೂರುವಳು. ಚಂದಿರ ಮಾಮ ಬಂದಿಳಿವ. ಚಂದದ ಊರಿಗೆ ಕರೆದೊಯ್ಯುವ...ಎಂದು ಐಶ್ವರ್ಯಾ ರೈ ಸಮಾಧಾನ ಮಾಡಿದಂತಿದೆ ಅನ್ನಿಸುವುದಿಲ್ಲವೇ?

ಬೇಗ ಈಕಡೆ ಬಂದುಬಿಡಿ ಮೇಡಂ!

ಮೇಡಂ ಬೇಗ ಈ ಕಡೆ ಬಂದುಬಿಡಿ. ಇಲ್ಲಾಂದ್ರೆ ಜನ ಜಮಾಯಿಸಿಕೊಂಡು ಬಿಡ್ತಾರೆ. ಕ್ಯಾಮೆರಾ ಕಣ್ಣಿಂದ ಬೇಗ ಎಸ್ಕೇಪ್ ಆಗಬೇಕು. ಬನ್ನಿ ಬನ್ನಿ ಬೇಗ.

ಈ ಫೋಟೋದಲ್ಲಿರುವುದು ಆರಾಧ್ಯಾಳಾ?

ಕೆಲ ದಿನಗಳ ಹಿಂದೆ ಆರಾಧ್ಯಾಳ ಫೋಟೋ ಒಂದು ಲೀಕ್ ಆಗಿತ್ತು. ಆದರೆ ಇದು ಅಸಲಿಯೋ ನಕಲಿಯೋ ಗೊತ್ತಿಲ್ಲ. ಅಂತರ್ಜಾಲದಲ್ಲಿ ಸರಿದಾಡಿದ ಈ ಫೋಟೋ ಕೆಲ ದಿನಗಳ ಹಿಂದೆ ಭಾರಿ ಸದ್ದು ಮಾಡಿತ್ತು. ಈಗ ಮತ್ತೊಮ್ಮೆ ನಿಮಗಾಗಿ ಇಲ್ಲಿ ನೀಡುತ್ತಿದ್ದೇವೆ ಅಷ್ಟೇ.