Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಕ್ಕಿನೇನಿ ಕುಟುಂಬದ ಮರಿ ಕುಡಿ ಟಾಲಿವುಡ್ ಗೆ ಆರಂಗೇಟ್ರಂ
ತೆಲುಗು ಸಿನಿ ಅಂಗಳಕ್ಕೆ ಅಕ್ಕಿನೇನಿ ಕುಟುಂಬದ ಕೊಡುಗೆ ಅಪಾರ. ಅಜ್ಜ ಅಕ್ಕಿನೇನಿ ನಾಗೇಶ್ವರ್ ರಾವ್, ಮಗ ಅಕ್ಕಿನೇನಿ ನಾಗಾರ್ಜುನ, ಸೊಸೆ ಅಮಲಾ ನಾಗಾರ್ಜುನ ಮೊಮ್ಮಗ ನಾಗ ಚೈತನ್ಯ ಈಗಾಗಲೇ ಟಾಲಿವುಡ್ ನಲ್ಲಿ ಜನಮೆಚ್ಚುಗೆ ಗಳಿಸಿದ್ದಾರೆ.
ಇದೇ ಸಾಲಿನಲ್ಲಿ ಅಕ್ಕಿನೇನಿ ನಾಗಾರ್ಜುನ ಮರಿಕುಡಿ, ಅಖಿಲ್ ಅಕ್ಕಿನೇನಿ ಇಂದು ಸೇರ್ಪಡೆಯಾಗಿದ್ದಾರೆ. ತಮ್ಮ ಹೊಸ ಚಿತ್ರಕ್ಕೆ ಮುಹೂರ್ತ ಮುಗಿಸಿ, ತೆಲುಗು ಚಿತ್ರರಂಗಕ್ಕೆ ಅಧಿಕೃತವಾಗಿ ಎಂಟ್ರಿಕೊಟ್ಟಿದ್ದಾರೆ ಅಖಿಲ್ ಅಕ್ಕಿನೇನಿ.
ಇಂದು ( ಡಿಸೆಂಬರ್ 17 ) ಹೈದರಾಬಾದ್ ನಲ್ಲಿ ಅಖಿಲ್ ಅಕ್ಕಿನೇನಿ ತಮ್ಮ ಚೊಚ್ಚಲ ಚಿತ್ರಕ್ಕೆ ಚಾಲನೆ ನೀಡಿದ್ದಾರೆ. ತಮ್ಮ ಫ್ಯಾಮಿಲಿ ಮತ್ತು ಆಪ್ತ ಸ್ನೇಹಿತರ ಸಮ್ಮುಖದಲ್ಲಿ ಸರಳವಾಗಿ ಅಖಿಲ್ ಅಭಿನಯದ ಚಿತ್ರದ ಮುಹೂರ್ತ ನಡೆದಿದೆ. [ಸ್ಯಾಂಡಲ್ ವುಡ್ ಮಹಾಚುನಾವಣೆ 2014 - ನಿಮ್ಮ ಮತ ಯಾರಿಗೆ?]
ವಿಶೇಷ ಅಂದ್ರೆ, ಈ ಚಿತ್ರದ ಮುಹೂರ್ತ ಶಾಟ್ ಗೆ ಅಖಿಲ್ ಅಮ್ಮ ನಟಿ ಅಮಲಾ, ಕ್ಲಾಪ್ ಮಾಡಿದ್ರೆ, ಅಪ್ಪ ನಾಗಾರ್ಜುನ ನಿರ್ದೇಶನ ಮಾಡಿದರು. ಇನ್ನೂ ಕ್ಯಾಮರಾ ಸ್ವಿಚ್ ಆನ್ ಮಾಡಿದ್ದು ಅಣ್ಣ ನಾಗ ಚೈತನ್ಯ. ಟಾಲಿವುಡ್ ನ ಹಿಟ್ ಡೈರೆಕ್ಟರ್ ವಿ.ವಿ.ವಿನಾಯಕ್ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿರುವುದು ಸಖತ್ ಸ್ಪೆಷಲ್ ಆದ್ರೆ, ಸ್ಟೈಲಿಶ್ ಹೀರೋ ನಿತಿನ್, ಚಿತ್ರಕ್ಕೆ ಬಂಡವಾಳ ಹಾಕ್ತಿದ್ದಾರೆ.
ಇಷ್ಟೆಲ್ಲಾ ಸ್ಪೆಷಾಲಿಟೀಸ್ ಇರುವ ಅಖಿಲ್ ಆರಂಗೇಟ್ರಂ ಮಾಡುತ್ತಿರುವ ಚಿತ್ರಕ್ಕಿನ್ನು ಟೈಟಲ್ ಫಿಕ್ಸ್ ಆಗಿಲ್ಲ. ಪ್ರೊಡಕ್ಷನ್ ನಂ.4 ಹೆಸರಲ್ಲಿ ಚಿತ್ರ ಸೆಟ್ಟೇರಿದೆ. ಅಖಿಲ್ ಜೊತೆ ಡ್ಯುಯೆಟ್ ಹಾಡುವುದಕ್ಕೆ ರಾಶಿ ಖನ್ನಾ ತಯಾರಾಗಿದ್ದಾರೆ. ನಿರ್ಮಾಣದ ಜೊತೆಗೆ ಚಿತ್ರದಲ್ಲಿ ಅತಿಥಿ ಪಾತ್ರವನ್ನೂ ಮಾಡುತ್ತಿದ್ದಾರಂತೆ ನಿತಿನ್.
ಅಂತೂ ಅಕ್ಕಿನೇನಿ ಕುಟುಂಬದ ಮತ್ತೋರ್ವ ಕುಡಿ ಇಂದು ಬಣ್ಣ ಹಚ್ಚಿದ್ದಾಗಿದೆ. ತೆರೆಮೇಲೆ ಅಖಿಲ್ ಅಬ್ಬರವನ್ನು ನೋಡಿ ಶಿಳ್ಳೆ-ಚಪ್ಪಾಳೆ ಹೊಡೆಯುವುದು ಒಂದೇ ಬಾಕಿ.