ರಾಜಮೌಳಿ ಚಿತ್ರವನ್ನ ರಿಜೆಕ್ಟ್ ಮಾಡಿದ ಬಾಲಿವುಡ್ ಸ್ಟಾರ್ ನಟಿ

ಸಂಭಾವನೆ ವಿಷ್ಯಕ್ಕೆ ರಿಜೆಕ್ಟ್ ಮಾಡಿದ್ರಾ?

ರಾಮ್ ಚರಣ್ ಅಥವಾ ಎನ್.ಟಿ.ಆರ್ ಇಬ್ಬರಲ್ಲಿ ಒಬ್ಬರ ಜೋಡಿಯಾಗಿ ಅಲಿಯಾ ಭಟ್ ಕಾಣಿಸಿಕೊಳ್ಳಬೇಕಿತ್ತು. ಆದ್ರೀಗ, ರಾಜಮೌಳಿಯ ಈ ಚಿತ್ರದಿಂದ ಆಲಿಯಾ ಭಟ್ ಹಿಂದೆ ಸರಿದಿದ್ದಾರೆ ಎನ್ನಲಾಗಿದೆ. ಅಲಿಯಾ ಈ ಸಿನಿಮಾ ತಿರಸ್ಕರಿಸಲು ಅಸಲಿ ಕಾರಣ ಸಂಭಾವನೆ ಅಂತ ಹೇಳಲಾಗುತ್ತಿದೆ. ಇನ್ನೊಂದು ಕಡೆ ಸಂಭಾವನೆ ವಿಷ್ಯಕ್ಕಾಗಿ ಈ ಸಿನಿಮಾ ಬಿಟ್ಟಿಲ್ಲ, ಬೇರೆಯದ್ದೇ ಕಾರಣವಿದೆ ಎನ್ನಲಾಗಿದೆ.

ನಿಜವಾದ ಕಾರಣ ಇದು ಎನ್ನಲಾಗಿದೆ

ರಾಜಮೌಳಿ ನಿರ್ದೇಶನದ ಮುಂದಿನ ಸಿನಿಮಾಗೆ ಅಲಿಯಾ ಭಟ್ ನಾಯಕಿ ಎನ್ನುವ ವಿಚಾರ ಬಹುತೇಕ ಖಚಿತವಾಗಿತ್ತು. ಅಂತಿಮ ಸಮಯದಲ್ಲಿ ಅಲಿಯಾ ಹಿಂದೆ ಸರಿದಿದ್ದರ ಬಗ್ಗೆ ಅಭಿಮಾನಿಗಳಲ್ಲಿ ಸಾಕಷ್ಟು ಗೊಂದಲ ಮೂಡಿದೆ. ಈ ಗೊಂದಲಗಳಿಗೆ ಈಗ ತೆರೆ ಬಿದ್ದಿದ್ದು, ಡೇಟ್ ಹೊಂದಾಣಿಕೆಯಾಗದ ಕಾರಣ ಈ ಚಿತ್ರವನ್ನ ಕೈಬಿಟ್ಟಿದ್ದಾರಂತೆ. ಕಳಂಕ್, ಬ್ರಹ್ಮಾಸ್ತ್ರ, ತಕ್ತ್ ಹೀಗೆ ಸಾಲು ಸಾಲು ಸಿನಿಮಾಗಳು ಆಲಿಯಾ ಕೈಯಲ್ಲಿರುವ ಕಾರಣ ಆರ್ಆರ್ಆರ್ ಸಿನಿಮಾ ಆಫರ್ ಅನ್ನು ರಿಜೆಕ್ಟ್ ಮಾಡಿದ್ದಾರಂತೆ.

ಯಾರಿಗೆ ಸಿಗುತ್ತೆ ನಾಯಕಿ ಪಟ್ಟ?

ಆರ್ಆರ್ಆರ್ ಸಿನಿಮಾದ ನಾಯಕಿಯರ ವಿಚಾರವಾಗಿ ಸಾಕಷ್ಟು ಸುದ್ದಿಗಳು ಹರಿದಾಡುತ್ತಿದವೆ. ಭಾರತೀಯ ಚಿತ್ರರಂಗದ ದೊಡ್ಡ ದೊಡ್ಡ ನಟಿಮಣಿಯರ ಹೆಸರುಗಳು ಈ ಪ್ರಾಜೆಕ್ಟ್ ಗಾಗಿ ಕೇಳಿಬರುತ್ತಿದೆ. ಕೀರ್ತಿ ಸುರೇಶ್, ಪೂಜಾ ಹೆಗಡೆ, ದೀಪಿಕಾ ಪಡುಕೋಣೆ, ಪರಿಣೀತಿ ಛೋಪ್ರ ಹೀಗೆ ಸಾಕಷ್ಟು ನಾಯಕಿಯರ ಹೆಸರುಗಳಿವೆ. ಆದರೆ ನಾಯಕಿಯರ ವಿಚಾರವಾಗಿ ಇದುವರೆಗೂ ಚಿತ್ರತಂಡ ಯಾವುದೆ ಮಾಹಿತಿಯನ್ನು ಬಹಿರಂಗಪಡಿಸಿಲ್ಲ.

ಶೂಟಿಂಗ್ ಆರಂಭವಾಗಿದೆ

ಈಗಾಗಲೇ ಆರ್ಆರ್ಆರ್ ಚಿತ್ರದ ಚಿತ್ರೀಕರಣ ಭರ್ಜರಿಯಾಗಿ ನಡೆಯುತ್ತಿದೆ. ಕೇವಲ ನಾಯಕರ ಭಾಗದ ಚಿತ್ರೀಕರಣದಲ್ಲಿ ನಿರತವಾಗಿದೆ ಚಿತ್ರತಂಡ. ರಾಮ್ ಚರಣ್ ಮತ್ತು ಜ್ಯೂ ಎನ್ ಟಿ ಆರ್ ಅವರ ಪ್ರಮುಖ ಭಾಗದ ಚಿತ್ರೀಕರಣ ಮುಗಿದ ನಂತರ ನಾಯಕಿಯರು ಚಿತ್ರತಂಡ ಸೇರಿಕೊಳ್ಳಲಿದ್ದಾರೆ. ಆದರೆ ನಾಯಕಿಯರ ಆಯ್ಕೆ ಫೈನಲ್ ಆಗುವವರೆಗೂ ಅಧಿಕೃತ ಮಾಹಿತಿ ಹೊರಹಾಕುವುದಿಲ್ಲ ಚಿತ್ರತಂಡ.