ಅಳಿಯನ ಬಗ್ಗೆ ಕ್ರೇಜಿಸ್ಟಾರ್ ಹೇಳಿದ್ದೇನು: ಒಂದು ವಿಷ್ಯ ಅಚ್ಚರಿ ಅನ್ಸುತ್ತೆ.!

ಮೆಕನಿಕಲ್ ಇಂಜಿನಿಯರ್

ರವಿಚಂದ್ರನ್ ಅವರ ಅಳಿಯ ಅಜಯ್ ಅವರು ಮೆಕನಿಕಲ್ ಇಂಜಿನಿಯರಿಂಗ್ ಮಾಡಿದ್ದು, ಪೀಣ್ಯಾ ಹಾಗೂ ವಿದೇಶದಲ್ಲಿ ಕೆಲವು ಫ್ಯಾಕ್ಟರಿ ಹೊಂದಿದ್ದಾರಂತೆ. ಸ್ವಂತ ಬಿಸಿನೆಸ್ ಮಾಡ್ತಿದ್ದು, ಇಡಿ ಕುಟುಂಬಕ್ಕೆ ಅವರಿಗೆ ಜೊತೆಯಾಗಿ ನಿಂತಿದೆಯಂತೆ.

ಯಾರ್ ಯಾರಿಗೆ ತಲುಪಿದೆ ಕ್ರೇಜಿಸ್ಟಾರ್ ಪುತ್ರಿಯ ಮದುವೆ ಆಮಂತ್ರಣ

ಯಲಹಂಕದಲ್ಲಿ ವಾಸವಾಗಿದ್ದಾರೆ

ಬೆಂಗಳೂರಿನ ಯಲಹಂಕದಲ್ಲಿ ಅವರ ಮನೆ ಹೊಂದಿದ್ದು, ವಿಲ್ಲಾದಲ್ಲಿ ವಾಸಿಸುತ್ತಿದ್ದಾರೆ. 'ಗೋವಾಗೆ ಹೋಗಿಬರುವಾಗಲೆಲ್ಲಾ ಮಗಳ ಮನೆಗೆ ಹೋಗಬಹುದು ಅಥವಾ ಮಗಳ ಮನೆಗೆ ಹೋಗಬೇಕು ಎಂಬ ಕಾರಣಕ್ಕೆ ಗೋವಾಗೆ ಹೋಗಬಹುದು' ಎಂಬ ಖುಷಿಯನ್ನ ರವಿಚಂದ್ರನ್ ಹಂಚಿಕೊಂಡಿದ್ದಾರೆ.

ಯಾವುದೇ ವ್ಯವಹಾರ ನಡೆದಿಲ್ಲ

''ಮದುವೆ ಅಂದ್ಮೇಲೆ ಕೊಡೋದು ತಗೊಳ್ಳುವ ವ್ಯವಹಾರ ಸಾಮಾನ್ಯ. ಆದ್ರೆ, ಇದುವರೆಗೂ ನಮ್ಮ ಎರಡು ಕುಟುಂಬಗಳ ನಡುವೆ ಯಾವುದೇ ರೀತಿಯ ವ್ಯವಹಾರದ ಮಾತುಕತೆ ಆಗಿಲ್ಲ. ನಮಗೆ ಸಂಬಂಧ ಮುಖ್ಯ. ಅವರ ಮಗ ನಮಗೆ ಮಗ ಇದ್ದಂತೆ. ನಮ್ಮ ಮಗಳು ಅವರಿಗೆ ಮಗಳು ಇದ್ದಂತೆ'' ಎಂದು ಕ್ರೇಜಿಸ್ಟಾರ್ ಖುಷಿಯಾದರು.

ಕ್ರೇಜಿಸ್ಟಾರ್ ಪುತ್ರಿಯ ನಿಶ್ಚಿತಾರ್ಥ: ಹುಡುಗ ಯಾರು ಗೊತ್ತಾ?

ನನ್ನ ಸಿನಿಮಾ ನೋಡೇ ಇಲ್ವಂತೆ

ಉದ್ಯಮಿ, ಒಳ್ಳೆಯ ವ್ಯಕ್ತಿತ್ವ, ಒಳ್ಳೆಯ ಕುಟುಂಬ. ಇದೆಲ್ಲ ಚೆನ್ನಾಗಿದ್ದ ಕಾರಣ ಸಂಬಂಧ ಬೆಳೆಯಿತು. ಇಲ್ಲಿ ಗಮನಿಸಬೇಕಾದ ವಿಚಾರ ಅಂದ್ರೆ ರವಿಚಂದ್ರನ್ ಅವರ ಸಿನಿಮಾಗಳನ್ನ ಅವರ ಅಳಿಯ ಅಜಯ್ ನೋಡೆ ಇಲ್ವಂತೆ. ಇದನ್ನ ಕೇಳಿ 'ನೋಡದೆ ಇದ್ದಿದ್ದೆ ಒಳ್ಳೆದಾಯಿತು' ಎಂದರಂತೆ ಪುಟ್ನಂಜ.

ಅರಿಸಿ ಬಂದ ಸಂಬಂಧ

ನಮ್ಮ ಸಂಬಂಧಿಕರಲ್ಲೇ ಮದುವೆ ಮಾಡಿಕೊಡಿ ಎಂದು ಕೆಲವರು ಕೇಳಿದ್ರು. ನನಗೆ ಯಾಕೋ ಅದು ಇಷ್ಟವಾಗಲಿಲ್ಲ. ನಾನು ಮಗಳಿಗಾಗಿ ಎಲ್ಲಿಯೂ ವರ ಹುಡುಕಲು ಹೋಗಲಿಲ್ಲ. ಈ ಸಂಬಂಧವೂ ಅಷ್ಟೇ ತಾನಾಗಿಯೆ ಅರಸಿ ಬಂತು. ಕುಟುಂಬ ಇಷ್ಟ ಆಯಿತು. ಎಲ್ಲವೂ ಚೆನ್ನಾಗಿ ಸಾಗಿದೆ'' ಎಂದು ಕ್ರೇಜಿಸ್ಟಾರ್ ಹೇಳಿದರು.