ನಿತ್ಯ ರಾಮ್ 'ನಟಿ' ಅನ್ನೋದೇ ಭಾವಿ ಪತಿ ಗೌತಮ್ ಗೆ ಗೊತ್ತಿರಲಿಲ್ಲ.! ಅಸಲಿಗೆ ಯಾರೀತ.?

ನಿತ್ಯ ರಾಮ್ ಮದುವೆ ಆಗುತ್ತಿರುವ ಹುಡುಗ ಯಾರು.?

ಆಸ್ಟ್ರೇಲಿಯಾದಲ್ಲಿ ಸೆಟಲ್ ಆಗಿರುವ ಬಿಸಿನೆಸ್ ಮ್ಯಾನ್ ಗೌತಮ್ ಎಂಬುವರನ್ನ ನಿತ್ಯ ರಾಮ್ ಮದುವೆ ಆಗುತ್ತಿದ್ದಾರೆ. ನಿತ್ಯ ರಾಮ್ ಮತ್ತು ಗೌತಮ್ ರದ್ದು ಲವ್ ಮ್ಯಾರೇಜ್ ಅಲ್ಲ. ಪಕ್ಕಾ ಅರೇಂಜ್ಡ್ ಮ್ಯಾರೇಜ್.! ಗೌತಮ್ ತಾಯಿ ಮತ್ತು ನಿತ್ಯ ತಾಯಿ ಸ್ನೇಹಿತರು. ಹೀಗಾಗಿ, ತಾಯಂದಿರ ಮೂಲಕ ನಿತ್ಯಗೂ ಗೌತಮ್ ಗೂ ಪರಿಚಯ ಆಗಿದೆ. ಕುಟುಂಬಸ್ಥರು ನಿಶ್ಚಯಿಸಿದ ಈ ಮದುವೆಗೆ ನಿತ್ಯ ರಾಮ್ ಸಮ್ಮತಿ ಕೊಟ್ಟಿದ್ದಾರೆ.

ಏಪ್ರಿಲ್ ನಲ್ಲಿ ಭಾರತಕ್ಕೆ ಬಂದಿದ್ದ ಗೌತಮ್

ಕಳೆದ ಏಪ್ರಿಲ್ ನಲ್ಲಿ ಆಸ್ಟ್ರೇಲಿಯಾದಿಂದ ಗೌತಮ್ ಭಾರತಕ್ಕೆ ಬಂದಿದ್ದರು. ಇಲ್ಲಿ ಹತ್ತು ದಿನಗಳ ಕಾಲ ನೆಲೆಸಿದ್ದರು. ಆಗ ನಿತ್ಯ ರಾಮ್ ಮತ್ತು ಗೌತಮ್ ನಡುವೆ ಉತ್ತಮ ಬಾಂಧವ್ಯ ಬೆಳೆದಿದೆ. ಮದುವೆ ಆಗಲು ಪರಸ್ಪರ ಒಪ್ಪಿಗೆ ಕೊಟ್ಟ ಮೇಲೆ ಮದುವೆ ದಿನಾಂಕವನ್ನು ಫೈನಲ್ ಮಾಡಲಾಗಿದೆ.

ನಟಿ ಅನ್ನೋದೇ ಗೊತ್ತಿರಲಿಲ್ಲ.!

ಮೊದಲ ಬಾರಿಗೆ ನಿತ್ಯ ರಾಮ್ ರನ್ನ ಭೇಟಿ ಆದಾಗ, ಆಕೆ ಮತ್ತು ಸಹೋದರಿ ರಚಿತಾ ರಾಮ್ ನಟಿಯರು ಅಂತ ಗೌತಮ್ ಗೆ ಗೊತ್ತಿರಲಿಲ್ಲ. ವಿಷಯ ಗೊತ್ತಾದ ಮೇಲೆ ನಿತ್ಯ ರಾಮ್ ಅಭಿನಯದ 'ನಂದಿನಿ' ಸೀರಿಯಲ್ ನ ಕೆಲ ಕ್ಲಿಪ್ಪಿಂಗ್ಸ್ ವೀಕ್ಷಿಸಿದ್ದಾರೆ ಗೌತಮ್. ನಿತ್ಯ ರಾಮ್ ಅಕ್ಟಿಂಗ್ ಗೆ ಗೌತಮ್ ಕ್ಲೀನ್ ಬೌಲ್ಡ್ ಆಗಿದ್ದಾರೆ.

ಮದುವೆ ಆದ್ಮೇಲೆ ಆಸ್ಟ್ರೇಲಿಯಾಗೆ ಶಿಫ್ಟ್

ಮದುವೆ ಮುಗಿಯುತ್ತಿದ್ದಂತೆಯೇ, ಪತಿ ಜೊತೆಗೆ ನಿತ್ಯ ರಾಮ್ ಆಸ್ಟ್ರೇಲಿಯಾಗೆ ಶಿಫ್ಟ್ ಆಗಲಿದ್ದಾರೆ. ಇದೇ ಕಾರಣಕ್ಕೆ, 'ನಂದಿನಿ' ಸೀರಿಯಲ್ ನಿಂದ ನಿತ್ಯ ರಾಮ್ ಹೊರಬಂದಿದ್ದಾರೆ. ಪತಿಯ ಜೊತೆಗೆ ಸಮಯ ಕಳೆಯಲು ನಿರ್ಧರಿಸಿರುವ ನಿತ್ಯ ರಾಮ್ ಬಣ್ಣದ ಪ್ರಪಂಚದಿಂದ ಬ್ರೇಕ್ ಪಡೆಯಲು ಮನಸ್ಸು ಮಾಡಿದ್ದಾರೆ.

ನಟನೆಗೆ ನಿತ್ಯ ಗುಡ್ ಬೈ.?

ಮದುವೆ ಬಳಿಕ ನಿತ್ಯ ರಾಮ್ ನಟನೆಗೆ ಗುಡ್ ಬೈ ಹೇಳ್ತಾರಾ ಎಂಬ ಪ್ರಶ್ನೆಗೆ ಆಕೆಯ ಬಳಿ ಸದ್ಯಕ್ಕೆ ಉತ್ತರ ಇಲ್ಲ. ಆದ್ರೆ, ನಟನೆ ಮುಂದುವರಿಸುವ ಬಗ್ಗೆ ಗೌತಮ್ ಕಡೆಯಿಂದ ಯಾವುದೇ ಅಭ್ಯಂತರ ಇಲ್ಲ. ಉತ್ತಮ ಅವಕಾಶಗಳು ಸಿಕ್ಕರೆ ನಟನೆ ಮುಂದುವರೆಸುವಂತೆ ಗೌತಮ್ ಹೇಳಿದ್ದಾರೆ ಅಂತಾರೆ ನಿತ್ಯ ರಾಮ್.