ಫೆಬ್ರವರಿ 14ಕ್ಕೆ ಅಂಬಿ ಪುತ್ರನ ಸರ್ಪ್ರೈಸ್: ಶುಭಕೋರಿದ ಸುದೀಪ್

Recommended Video

ರೆಬೆಲ್ ಸ್ಟಾರ್ ಅಂಬರೀಶ್ ಅವರ ಮಗ ಅಭಿಷೇಕ್ ಅಭಿನಯದ ಚೊಚ್ಚಲ ಸಿನಿಮಾ 'ಅಮರ್' ಪ್ರೇಮಿಗಳ ದಿನಕ್ಕೆ ಸರ್ಪ್ರೈಸ್ ನೀಡುತ್ತಿದೆ. ಫೆಬ್ರವರಿ 14 ರಂದು ಅಮರ್ ಚಿತ್ರದ ಟೀಸರ್ ಬಿಡುಗಡೆಯಾಗುತ್ತಿದ್ದು, ಸ್ಯಾಂಡಲ್ ವುಡ್ ಗೆ ಇದು ಸ್ಪೆಷಲ್ ಆಗಿದೆ.

ಅಂಬರೀಶ್ ಅವರ ಇಲ್ಲದ ಸಮಯದಲ್ಲಿ ಅಮರ್ ಟೀಸರ್ ಬರ್ತಿದ್ದು, ಅಂಬಿ ಪುತ್ರನ ಸ್ವಾಗತಕ್ಕೆ ಕನ್ನಡ ಕಲಾಕುಟುಂಬ ಸಜ್ಜಾಗಿದೆ. ಈ ವಿಷ್ಯ ತಿಳಿದ ಕಿಚ್ಚ ಸುದೀಪ್ ಟ್ವಿಟ್ಟರ್ ಮೂಲಕ ಅಭಿಷೇಕ್ ಗೆ ಆಲ್ ದಿ ಬೆಸ್ಟ್ ಹೇಳಿದ್ದಾರೆ.

'ಯಂಗ್ ರೆಬೆಲ್ ಅಭಿಗೆ ಸ್ವಾಗತ, ಒಳ್ಳೆಯದಾಗಲಿ' ಎಂದು ಸುದೀಪ್ ಟ್ವೀಟ್ ಮಾಡಿದ್ದಾರೆ. ಇನ್ನುಳಿದಂತೆ ಫೆಬ್ರವರಿ 14 ರಂದು ಆನಂದ್ ಆಡಿಯೋ ಮೂಲಕ ಅಮರ್ ಟೀಸರ್ ತೆರೆಕಾಣುತ್ತಿದೆ.

ನಾಗಶೇಖರ್ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದು, ತಾನ್ಯ ಹೋಪ್ ನಾಯಕಿಯಾಗಿ ನಟಿಸಿದ್ದಾರೆ. ಸಂದೇಶ್ ಕಂಬೈನ್ಸ್ ಅಡಿಯಲ್ಲಿ ಸಂದೇಶ್ ನಾಗರಾಜ್ ಈ ಚಿತ್ರವನ್ನ ನಿರ್ಮಾಣ ಮಾಡಿದ್ದಾರೆ.

ಈಗಾಗಲೇ ಶೂಟಿಂಗ್ ಮುಗಿಸಿರುವ ಅಮರ್ ಚಿತ್ರತಂಡ ಸದ್ಯ ಟೀಸರ್ ರಿಲೀಸ್ ಮಾಡಿ ಝಲಕ್ ನೀಡಲಿದೆ. ಎಲ್ಲ ಅಂದುಕೊಂಡಂತೆ ಆದ್ರೆ, ಈ ವರ್ಷದಲ್ಲೇ ಅಮರ್ ಸಿನಿಮಾ ತೆರೆಗೆ ಬರಲಿದೆ.