ಅಂಬರೀಶ್ ಮಗನ ಚೊಚ್ಚಲ ಚಿತ್ರದ ಟೈಟಲ್ ಬಗ್ಗೆ ಹೊಸ ಸುದ್ದಿ

Recommended Video

'ಅಂಬಿ ನಿಂಗ್ ವಯಸಾಯ್ತೋ' ಚಿತ್ರದಲ್ಲಿ ರೆಬಲ್ ಸ್ಟಾರ್ ಅಂಬರೀಶ್ ಬ್ಯುಸಿಯಾಗಿದ್ದಾರೆ. ಈ ಚಿತ್ರದ ಜೊತೆ ಅಂಬರೀಶ್ ಅವರ ಮಗನ ಸಿನಿಮಾ ಬಗ್ಗೆ ಕೂಡ ದೊಡ್ಡ ಮಟ್ಟದ ಕುತೂಹಲ ಹುಟ್ಟುಹಾಕಿದೆ.

ಎಲ್ಲ ಅಂದುಕೊಂಡಂತೆ ಆದ್ರೆ, ಮಾರ್ಚ್ ತಿಂಗಳಲ್ಲಿ ಅಂಬಿ ಮಗನ ಮೊದಲ ಸಿನಿಮಾ ಸೆಟ್ಟೇರಲಿದೆ ಎನ್ನಲಾಗಿದೆ. ಈಗಾಗಲೇ ಚಿತ್ರದ ನಿರ್ದೇಶಕ, ನಿರ್ಮಾಪಕರು ಅಂತಿಮವಾಗಿದ್ದು, ಕಲಾವಿದರ ಆಯ್ಕೆಯಲ್ಲಿದೆ ಚಿತ್ರತಂಡ.

ಈ ಮಧ್ಯೆ ಅಭಿಷೇಕ್ ಅಂಬರೀಶ್ ಅವರ ಚೊಚ್ಚಲ ಚಿತ್ರಕ್ಕೆ 'ಜಲೀಲಾ' ಎಂದು ಟೈಟಲ್ ಇಡಲು ಚಿಂತಿಸಲಾಗಿತ್ತು. ಆದ್ರೀಗ, ಮತ್ತೊಂದು ಹೆಸರು ಕೇಳಿ ಬರುತ್ತಿದೆ. 'ಜಲೀಲಾ' ಟೈಟಲ್ ಬದಲು 'ಅಮರ್' ಎಂದು ಹೆಸರಿಡಲು ಯೋಜನೆ ಮಾಡಲಾಗುತ್ತಿದೆಯಂತೆ.

ಅಂಬರೀಶ್ ಅವರ ಚಿತ್ರಗಳಲ್ಲಿಯೇ ಅಂಬಿ ಮಗನ ಚಿತ್ರಕ್ಕೆ ಟೈಟಲ್ ಹುಡುಕುತ್ತಿದೆಯಂತೆ. ಅದರಲ್ಲೂ 80ರ ದಶಕದ ಸೂಪರ್ ಹಿಟ್ ಸಿನಿಮಾ 'ಅಮರ್ ನಾಥ್' ಚಿತ್ರದ ಹೆಸರನ್ನೆ ಬಳಸಿಕೊಂಡು ಈಗ 'ಅಮರ್' ಎಂದು ಫೈನಲ್ ಮಾಡಲಾಗಿದೆಯಂತೆ.

ಇನ್ನುಳಿದಂತೆ 'ಬಹುದ್ದೂರ್', 'ಭರ್ಜರಿ' ಖ್ಯಾತಿಯ ನಿರ್ದೇಶಕ ಚೇತನ್ ಕುಮಾರ್ ಈ ಚಿತ್ರಕ್ಕೆ ಆಕ್ಷನ್ ಕಟಗ್ ಹೇಳುವ ಸಾಧ್ಯತೆ ಇದೆ. ಸಂದೇಶ್ ನಾಗರಾಜ್ ಅವರ ನಿರ್ಮಾಣದಲ್ಲಿ ರೆಬಲ್ ಪುತ್ರನ ಎಂಟ್ರಿಯಾಗುವುದು ಬಹುತೇಕ ಖಚಿತವಾಗಿದೆ.