ಸ್ಯಾಂಡಲ್ ವುಡ್ ಗೆ ಬಂದ ಅಮೃತಸರದ ಭಾನುಶ್ರೀ

ಸ್ಯಾಂಡಲ್ ವುಡ್ ಗೆ ಮತ್ತೊಬ್ಬ ಬೆಡಗಿಯ ಆಗಮನವಾಗಿದೆ. ಅಮೃತಸರದ ಭಾನುಶ್ರೀ ಮೆಹ್ರಾ ಇದೇ ಮೊದಲ ಬಾರಿಗೆ ಕೋಮಲ್ ನಾಯಕ ನಟನಾಗಿರುವ 'ಡೀಲ್ ರಾಜ' ಚಿತ್ರದಲ್ಲಿ ಅಭಿನಯಿಸಲಿದ್ದಾರೆ. ರಾಜ್ ಗೋಪಿ ಸೂರ್ಯ ಆಕ್ಷನ್ ಕಟ್ ಹೇಳುತ್ತಿರುವ ಚಿತ್ರ ಇದಾಗಿದೆ.

ಅಮೃತಸರದಲ್ಲಿ ಸೆಟ್ಲ್ ಆಗಿರುವ ಪಂಜಾಬಿ ಮನೆತನದ ಬೆಡಗಿ ಭಾನುಶ್ರೀ. ಡೆಹ್ರಾಡೂನ್ ನಲ್ಲಿ ವಿದ್ಯಾಭ್ಯಾಸ ಮುಗಿಸಿದ ಭಾನುಶ್ರೀ ಬಳಿಕ ಮುಂಬೈನ ಸೋಫಿಯಾ ಕಾಲೇಜಿನಲ್ಲಿ ಮಾಸ್ ಮೀಡಿಯಾ ಪದವಿ ಪಡೆದಿದ್ದಾರೆ. [ಕನ್ನಡ ಚಿತ್ರರಂಗಕ್ಕೆ ಗುಡ್ ಬೈ ಹೇಳಲಿರುವ ಕೋಮಲ್]

ಇನ್ನು 'ಡೀಲ್ ರಾಜ' ಚಿತ್ರದಲ್ಲಿ ಅವರದು ಲೇಡಿ ಪೊಲೀಸ್ ಕಾನ್ಸ್ ಟೇಬಲ್ ಪಾತ್ರ. ಕೋಮಲ್ ಎಂದರೆ ಹಾಸ್ಯಕ್ಕೆ ಒತ್ತು. ಅದರಲ್ಲೂ ಈ ರೀತಿಯ ಪಾತ್ರ ಪೋಷಿಸುತ್ತಿರುವುದು ನಿಜಕ್ಕೂ ನನಗೆ ಖುಷಿ ಕೊಡುತ್ತಿದೆ ಎನ್ನುತ್ತಾರೆ ಭಾನುಶ್ರೀ. (ಫಿಲ್ಮಿಬೀಟ್ ಕನ್ನಡ)