'ದಿ ವಿಲನ್' ಬಳಿಕ ರಮೇಶ್ ಅರವಿಂದ್ ಸಿನಿಮಾದಲ್ಲಿ ಆಮಿ ಜಾಕ್ಸನ್!

ರಮೇಶ್ ನಿರ್ದೇಶನದ ಚಿತ್ರ

ನಟ ರಮೇಶ್ ಅರವಿಂದ್ ನಿರ್ದೇಶನ ಮಾಡುತ್ತಿರುವ ಹೊಸ ಸಿನಿಮಾದಲ್ಲಿ ನಟಿ ಆಮಿ ಜಾಕ್ಸನ್ ನಟಿಸಲಿದ್ದಾರೆ.

'ಬಟರ್ ಫ್ಲೈ' ಸಿನಿಮಾ

ರಮೇಶ್ ನಿರ್ದೇಶನ ಮಾಡುತ್ತಿರುವ ಹೊಸ ಸಿನಿಮಾ 'ಬಟರ್ ಫ್ಲೈ'ನಲ್ಲಿ ಹಾಟ್ ಬ್ಯೂಟಿ ಆಮಿ ಜಾಕ್ಸನ್ ಕಾಣಿಸಿಕೊಳ್ಳುತ್ತಿದ್ದಾರೆ.[ಕಂಗನಾ ರ 'ಕ್ವೀನ್' ಕನ್ನಡಕ್ಕೆ ರಿಮೇಕ್]

'ಕ್ವೀನ್' ರಿಮೇಕ್

'ಬಟರ್ ಫ್ಲೈ'' ಸಿನಿಮಾ ಬಾಲಿವುಡ್ ನಲ್ಲಿ 2014 ರಲ್ಲಿ ಬಂದ ಕಂಗನಾ ಅಭಿನಯದ 'ಕ್ವೀನ್' ಚಿತ್ರದ ರಿಮೇಕ್ ಆಗಿದೆ.

ಪಾರುಲ್ ಯಾದವ್ ನಾಯಕಿ

ನಟಿ ಪಾರುಲ್ ಯಾದವ್ ಕನ್ನಡದಲ್ಲಿ ನಾಯಕಿಯಾಗಿದ್ದಾರೆ. ನಾಯಕಿಯಷ್ಟೇ ಪ್ರಾಮುಖ್ಯತೆ ಹೊಂದಿರುವ ಮತ್ತೊಂದು ಪಾತ್ರದಲ್ಲಿ ಆಮಿ ನಟಿಸುತ್ತಿದ್ದಾರೆ. ಹಿಂದಿಯಲ್ಲಿ ಈ ಪಾತ್ರವನ್ನು ಲೀಸಾ ಹೇಡನ್ ನಿರ್ವಹಿಸಿದ್ದರು.[ಯಶ್ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ 'ಪ್ಯಾರ್ಗೆ' ಪಾರುಲ್: ಏಕೆ ಗೊತ್ತಾ?]

ನಾಲ್ಕು ಭಾಷೆಗಳಲ್ಲಿಯೂ ಆಮಿ ನಟನೆ

'ಕ್ವೀನ್' ರಿಮೇಕ್ ಸಿನಿಮಾ ಸೌತ್ ಚಿತ್ರರಂಗದ ನಾಲ್ಕು ಭಾಷೆಗಳಲ್ಲಿ ನಿರ್ಮಾಣವಾಗುತ್ತಿದ್ದು, ಎಲ್ಲ ಭಾಷೆಗಳಲ್ಲಿ ಆಮಿ ಜಾಕ್ಸನ್ ಕಾಣಿಸಿಕೊಳ್ಳುತ್ತಿದ್ದಾರೆ. ನಾಯಕಿಯರು ಮಾತ್ರ ಬದಲಾಗುತ್ತಾರೆ.

ತಮಿಳು, ಮಲಯಾಳಂನಲ್ಲಿ ಯಾರು?

ತಮಿಳಿನಲ್ಲಿ ತಮನ್ನಾ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿತ್ತು. ಆದ್ರೆ, ಈ ಚಿತ್ರದ ನಾಯಕಿ ನಟಿ ತಮನ್ನಾ ಹಿಂದೆ ಸರಿದಿದ್ದಾರಂತೆ. ಇನ್ನು ಮಲಯಾಳಂನಲ್ಲಿ ಅಮಲಾ ಪೌಲ್ ನಾಯಕಿಯಾಗುವ ಸಾಧ್ಯತೆ ಇದೆಯಂತೆ.

ರಾಷ್ಟ್ರಪ್ರಶಸ್ತಿ ವಿಜೇತ ಸಿನಿಮಾ

'ಕ್ವೀನ್' ಸಿನಿಮಾ 2015 ರಲ್ಲಿ ನಾಲ್ಕು ರಾಷ್ಟ್ರ ಪ್ರಶಸ್ತಿಗಳನ್ನು ಪಡೆದ ಸಿನಿಮಾವಾಗಿದೆ. ಈ ಕಾರಣದಿಂದ ಸೌತ್ ನಲ್ಲಿ ಮೂಡಲಿರುವ 'ಕ್ವೀನ್' ಬಗ್ಗೆ ನಿರೀಕ್ಷೆ ಬಹಳ ದೊಡ್ಡದಿದೆ.