'ವೆಂಕಟ್ ಲವ್' ಬಗ್ಗೆ 'ಸೂಪರ್ ಜೋಡಿ' ನಿರೂಪಕ ಅಕುಲ್ ಹೇಳಿದಿಷ್ಟು.!

ವೆಂಕಟ್ ಮಾಡಿದ್ದು ತಪ್ಪು

''ಆತ್ಮಹತ್ಯೆ ಎನ್ನುವುದು ಸಣ್ಣ ವಿಷಯವಲ್ಲ. ವೆಂಕಟ್ ಆತ್ಮಹತ್ಯೆಗೆ ಪ್ರಯತ್ನ ಪಟ್ಟಿದ್ದು ತಪ್ಪು. ಇದು ಚಿಕ್ಕ ಮಕ್ಕಳ ಆಟ ಅಲ್ಲ... ಈ ವಿಷಯದಲ್ಲಿ ಹುಡುಗಾಟ ಮಾಡಬಾರದು.'' - ಅಕುಲ್ ಬಾಲಾಜಿ, ನಿರೂಪಕ

ಬಲವಂತ ಮಾಡಬೇಡಿ

''ಹುಚ್ಚ ವೆಂಕಟ್ ನಿಜವಾಗಿಯೂ ಪ್ರೀತಿ ಮಾಡುತ್ತಿದ್ದು, ಅದನ್ನು ರಚನಾ ಕೂಡ ಒಪ್ಪಿದರೆ ಪರವಾಗಿಲ್ಲ. ಆದರೆ ಆಕೆ ಇಷ್ಟ ಇಲ್ಲ ಅಂತ ಹೇಳಿದ ಮೇಲೆ ಮತ್ತೆ ಬಲವಂತ ಮಾಡುವುದು ಸರಿಯಲ್ಲ''. - ಅಕುಲ್ ಬಾಲಾಜಿ, ನಿರೂಪಕ

ನಾನು ತಮಾಷೆ ಮಾಡುತ್ತಿದ್ದೆ...

''ಸೂಪರ್ ಜೋಡಿ' ಕಾರ್ಯಕ್ರಮದಲ್ಲಿ ಇಬ್ಬರ ಸ್ನೇಹ ನೋಡಿ ನಾನು ತಮಾಷೆ ಮಾಡುತ್ತಿದ್ದೆ. ಆಗ ಹುಚ್ಚ ವೆಂಕಟ್ ನನಗೆ ಪ್ರೀತಿ, ಮದುವೆ ಯಾವುದು ಬೇಡ ಅಂತ ಹೇಳಿದ್ದರು''. - ಅಕುಲ್ ಬಾಲಾಜಿ, ನಿರೂಪಕ

ಸಾಕಷ್ಟು ಜನರು ಕೇಳಿದ್ದರು

''ಕಾರ್ಯಕ್ರಮದಲ್ಲಿ ಇಬ್ಬರ ಫ್ರೆಂಡ್ ಶಿಪ್ ಮತ್ತು ಹೊಂದಾಣಿಕೆ ನೋಡಿ ಇಬ್ಬರು ಮದುವೆ ಆಗ್ತಾರ? ಅಂತ ಸಾಕಷ್ಟು ಜನ ನನ್ನನ್ನು ಕೇಳಿದ್ದರು. ಆಗ ಆ ವಿಷಯ ನನಗೆ ಗೊತ್ತಿಲ್ಲ ಅಂತ ನಾನು ಉತ್ತರಿಸುತ್ತಿದ್ದೆ.'' - ಅಕುಲ್ ಬಾಲಾಜಿ, ನಿರೂಪಕ

ಬೆಸ್ಟ್ ಫ್ರೆಂಡ್ ಎಂದಿದ್ದರು

''ಕಾರ್ಯಕ್ರಮದಲ್ಲಿ ಒಮ್ಮೆ ರಚನಾ ಬಗ್ಗೆ ಕೇಳಿದಾಗ ಆಕೆ ನನಗೆ ಬೆಸ್ಟ್ ಫ್ರೆಂಡ್ ಅಷ್ಟೆ ಅಂತ ವೆಂಕಟ್ ಹೇಳಿದ್ದರು. ಆದರೆ ಕಾರ್ಯಕ್ರಮ ಮುಗಿದು ಎರಡು ತಿಂಗಳು ಕಳೆದಿದೆ. ಈ ಮಧ್ಯೆ ಅವರ ನಡುವೆ ಏನಾಗಿದೆ ಎಂಬುದು ನನಗೆ ಗೊತ್ತಿಲ್ಲ''. - ಅಕುಲ್ ಬಾಲಾಜಿ, ನಿರೂಪಕ