For Quick Alerts
    ALLOW NOTIFICATIONS  
    For Daily Alerts

    ಸೌತ್ ಫಿಲಂಫೇರ್ ಅವಾರ್ಡ್ ಕೂಡ 'ಫೇರ್' ಅಲ್ವಾ?

    By ಕುಸುಮ
    |

    ಸ್ಯಾಂಡಲ್ವುಡ್ನಲ್ಲಿ ಪ್ರತೀ ಅವಾರ್ಡ್ ಕಾರ್ಯಕ್ರಮಗಳಾದಾಗ್ಲೂ ಅಲ್ಲೊಂದು ಹಸ್ತಕ್ಷೇಪ, ಪ್ರಭಾವ ಇದ್ದೇ ಇರುತ್ತೆ. ಆದರೆ ಫಿಲಂಫೇರ್ ಅವಾರ್ಡ್ಸ್ ವಿಚಾರದಲ್ಲಿ ಹಾಗಾಗೋದಿಲ್ಲ. ಅಲ್ಲಿ ಯಾರು ಜ್ಯೂರಿಗಳಿರ್ತಾರೆ ಅನ್ನೋದು ಸುಲಭವಾಗಿ ಸುದ್ದಿಯಾಗೋದಿಲ್ಲ. ಒಬ್ಬರು ಹಿರಿಯ ಸಿನಿಮಾ ಪತ್ರಕರ್ತರು ಸೇರಿದಂತೆ ಕನ್ನಡದವರು ಇಬ್ಬರಾದರೆ ಉಳಿದ ಎರಡು ಅಥವಾ ಮೂರು ಜನರು ಬೇರೆ ಭಾಷೆಯ ಸಿನಿಮಾದವರೇ ಇರುತ್ತಾರೆ.

    ಆದರೆ ಈ ಬಾರಿಯ ಫಿಲಂಫೇರ್ ಅವಾರ್ಡ್ನಲ್ಲಿ ಕನ್ನಡ ಸಿನಿಮಾ ಹೀರೋಯಿನ್ ವಿಚಾರದಲ್ಲಿ ಫಿಲಂ ಅವಾರ್ಡ್ಗಳು ಫೇರ್ ಆಗಿಲ್ಲ ಅಂತ ಒಂದು ಸುದ್ದಿ ಹರಡುತ್ತಿದೆ. 'ಆಟಗಾರ' ಸಿನಿಮಾದಲ್ಲಿ ಚಿರಂಜೀವಿ ಸರ್ಜಾಗೆ ನಾಯಕಿಯಾಗಿ ಜೊಡಿಯಾಗಿದ್ದಿದ್ದು ಮೇಘನಾರಾಜ್. ಆದರೆ ಪಾರುಲ್ ಯಾದವ್ ಅವಾರ್ಡ್ ಪಡೆದುಕೊಂಡಿದ್ದಾರೆ. ಆದರೆ ಜ್ಯೂರಿಗಳು ಆಯ್ಕೆ ಮಾಡುವ ಮಾನದಂಡ ನಟನೆ ಆಗಿದ್ದರೆ ಯಾರು ಚೆನ್ನಾಗಿ ನಟಿಸಿದ್ದಾರೆ ಎನ್ನುವ ಆಧಾರದ ಮೇಲೆ ಅವಾರ್ಡ್ ಕೊಡಬಹುದು. [63ನೇ ಫಿಲಂಫೇರ್ ಪ್ರಶಸ್ತಿ: ಪುನೀತ್ ಮತ್ತು ಪಾರುಲ್ 'ದಿ ಬೆಸ್ಟ್'.!]

    ಕಳೆದ ವರ್ಷ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ವಿಲನ್ಗಳಿಗೆ ಪ್ರಶಸ್ತಿ ಕೆಟಗರಿಯೇ ಇಲ್ಲ. ಅವರನ್ನೂ ಪ್ರಶಸ್ತಿ ಕೆಟಗರಿಯಲ್ಲಿ ಸೇರಿಸುವಂತೆ ಒತ್ತಾಯಿಸಿದ್ದರು. ಆದರೆ ಪ್ರಶಸ್ತಿಯನ್ನು ಹೇಳುವುದು ಉತ್ತಮ ನಟ, ಅಥವಾ ನಟಿ ಅಂತ. ಅದನ್ನು ಹೀರೋ ಅಥವಾ ಹೀರೋ ಹೀರೋಯಿನ್ಗೆ ಕೊಡಬೇಕು ಅಂತೇನೂ ಇಲ್ಲ. ಚಿತ್ರದಲ್ಲಿ ಯಾರು ಉತ್ತಮವಾಗಿ ನಟಿಸಿದ ನಟ/ನಟಿ ಇದ್ದಾರೋ ಅವರಿಗೆ ಕೊಡುವುದು ಜ್ಯೂರಿಗಳಿಗೆ ಬಿಟ್ಟ ವಿಚಾರ. [ಆಟಗಾರ ಚಿತ್ರವಿಮರ್ಶೆ]

    ಹಾಗೆ ನೊಡಿದರೆ ಮೇಘನಾ ರಾಜ್ ಗಿಂತ ಪಾರುಲ್ ಅತ್ಯುತ್ತಮವಾಗಿ ನಟಿಸಿದ್ದಾರೆ ಅಂತ ಜ್ಯೂರಿಗಳಿಗೆ ಅನ್ನಿಸಿದ್ದರೆ ಅದನ್ನು ನಾವು ವಿರೋಧಿಸುವಂತಿಲ್ಲವಲ್ಲ. ಆದರೆ, ಆಟಗಾರ ಚಿತ್ರ ನೋಡಿದವರಿಗೆ ಪಾರುಲ್ ಯಾದವ್ ಪ್ರಶಸ್ತಿ ಬರುವಂಥ ನಟನೆಯೇನೂ ನೀಡಿಲ್ಲ ಎಂಬುದು ಮನವರಿಕೆಯಾದರೆ ಅಚ್ಚರಿಯಿಲ್ಲ. ಇಲ್ಲೂ ಆಯಾ ನಟನಟಿಯರಿಗಿರುವ ಪ್ರಚಾರದ ಆಧಾರದ ಮೇಲೆ ಅವಾರ್ಡ್ ಕೊಡುತ್ತಾರೆ. [ಚಿತ್ರಗಳು: ಫಿಲಂಫೇರ್ ರೆಡ್ ಕಾರ್ಪೆಟ್ ಮೇಲೆ ದಕ್ಷಿಣದ ದಿಗ್ಗಜರ ರಂಗು]

    ಪ್ರತೀ ವರ್ಷವೂ ಒಬ್ಬ ಸ್ಟಾರ್ ನಟ ಮತ್ತು ನಟಿಗೆ ಅವಾರ್ಡ್ ಕೊಡದಿದ್ದರೆ ಕಾರ್ಯಕ್ರಮವನ್ನು ಯಾರೂ ನೋಡೋದಿಲ್ಲ. ಅದರಿಂದ ಕಾರ್ಯಕ್ರಮ ಆಯೋಜಿಸಿದ ಬ್ರ್ಯಾಂಡ್ಗಳಿಗೆ ಪ್ರಚಾರ ಸಿಕ್ಕುವುದಿಲ್ಲ ಎನ್ನುವ ಕಾರಣಕ್ಕೆ ಫಿಲಂಫೇರ್ನವರು ಸ್ಟಾರ್ಗಳಿಗೇ ಅವಾರ್ಡ್ ಕೊಡುವ ಮೂಲಕ ಮಾಡುವ ಗಿಮಿಕ್ ಇದು ಎನ್ನುವ ಮಾತೂ ಕೂಡ ಸತ್ಯ ಎನಿಸುತ್ತೆ!

    English summary
    Did Parul Yadav deserve best actress award for Aatagara Kannada movie? Should it have gone to Meghana Raj, the leading actress? What are the norms for selection for the award? Many are raising their eyebrows.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X