'99' ಚಿತ್ರ ನೋಡಿ ಬಂದ ಪ್ರೇಕ್ಷಕರು ಟ್ವಿಟ್ಟರ್ ನಲ್ಲಿ ಹೇಳಿದ್ದೇನು?

ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ಭಾವನಾ ಅಭಿನಯದ 99 ಸಿನಿಮಾ ಮೇ 1 ರಂದು ಬಿಡುಗಡೆಯಾಗಿದೆ. ತಮಿಳಿನ 96 ಚಿತ್ರದ ರೀಮೇಕ್ ಆಗಿದ್ದರಿಂದ ಈ ಸಿನಿಮಾದ ಮೇಲೆ ತುಂಬಾ ಕುತೂಹಲವಿತ್ತು. ಇದೀಗ ಸಿನಿಮಾ ರಿಲೀಸ್ ಆದ್ಮೇಲೆ ಪ್ರೇಕ್ಷಕರು ಖುಷಿಯಾಗಿದ್ದಾರೆ.

ಸಿನಿಮಾ ಚೆನ್ನಾಗಿದೆ, ಗಣೇಶ್ ಮತ್ತು ಭಾವನಾ ಜೋಡಿ ಮುದ್ದಾಗಿದೆ. ಈ ಸಿನಿಮಾ ನೋಡುತ್ತಿದ್ದರೇ ಶಾಲೆಯ ಜೀವನಕ್ಕೆ ವಾಪಸ್ ಹೋಗಬೇಕು ಎನಿಸುತ್ತದೆ ಎಂಬ ಮಾತುಗಳನ್ನ ಹೇಳುತ್ತಿದ್ದಾರೆ.

ಈ ಬಗ್ಗೆ ಟ್ವಿಟ್ಟರ್ ನಲ್ಲಿ ಕೆಲವು ಪ್ರೇಕ್ಷಕರು ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ''99 ಸಿನಿಮಾ ಸೂಪರ್ ಮತ್ತು ಅದ್ಭುತ. ನಮ್ಮ ಬಾಸು ಡಿಫರೆಂಟ್ ಲುಕ್, ಎಮೋಷನ್ ತುಂಬಾ ಇಷ್ಟ ಆಯ್ತು. ಚಿತ್ರಕಥೆ ಅತ್ಯದ್ಭುತ'' ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ.

''#99TheMovie ....ಸಿನಿಮಾ ತುಂಬಾ ಚೆನ್ನಾಗಿದೆ ...ಕಾಮಿಡಿ , ನಗು , ಅಳು , ಹಾಡು ಎಲ್ಲವೂ ಅದ್ಭುತವಾಗಿವೆ...ತೀರ್ಥಹಳ್ಳಿ ಶಾಲೆ , ನಿಮ್ಮ ಕತೆಗಳು....ಅದ್ಭುತವಾಗಿವೆ..'' ಎಂದು ಹೇಳಿದ್ದಾರೆ.

''ನೀರವ ಮೌನ, ಅಂದವಾದ ಚಿತ್ರಿಕೆ, ಕಿವಿಗೆ ಹಿತವೆನಿಸುವ ಸಂಗೀತ, ಕಾಡುವ ನಮ್ಮ ಹಳೇ ಶಾಲಾ ದಿನಗಳು,ಈ ಪಾತ್ರಕ್ಕೆ ಜೀವ ತುಂಬಿರುವ ಗಣೇಶ್ boss ನಟನೆ, ನೆನೆಯುವ ಪಾತ್ರಗಳು, ಎಲ್ಲೆ ಮೀರದ ಏಕಾಂತದ ಅಧ್ಯಾತ್ಮನಂದ =99 ವಿಶೇಷವಾದ ಧನ್ಯವಾದಗಳು'' ಎಂದು ಮತ್ತೊಬ್ಬರು ಟ್ವೀಟ್ ಮಾಡಿದ್ದಾರೆ.

ಪ್ರೀತಂ ಗುಬ್ಬಿ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದು, ಅರ್ಜುನ್ ಜನ್ಯ ಸಂಗೀತ ನೀಡಿದ್ದಾರೆ. ತಮಿಳಿನಲ್ಲಿ ವಿಜಯ್ ಸೇತುಪತಿ ಮತ್ತು ತ್ರಿಷಾ ಅಭಿನಯಿಸಿದ್ದ ಪಾತ್ರಗಳಲ್ಲಿ ಗಣೇಶ್ ಮತ್ತು ಭಾವನಾ ನಟಿಸಿದ್ದಾರೆ. ರಾಮು ಈ ಚಿತ್ರವನ್ನ ನಿರ್ಮಿಸಿದ್ದಾರೆ.