ವಿಡಿಯೋ ಕಾಲ್ ಮಾಡಿ ಆತ್ಮಹತ್ಯೆ ಮಾಡಿಕೊಂಡ 'ಬಾಹುಬಲಿ' ನಟನ ಪತ್ನಿ

ಕೌಟುಂಬಿಕ ಕಲಹವೇ ಮುಖ್ಯ ಕಾರಣ

ಮಧು ಪ್ರಕಾಶ್ ಮತ್ತು ಭಾರತಿ ಅವರು 2015ರಲ್ಲಿ ವಿವಾಹವಾಗಿದ್ದರು. ಕಳೆದ ಎರಡು ವರ್ಷದಿಂದ ಇಬ್ಬರ ದಾಂಪತ್ಯದಲ್ಲಿ ವೈಮನಸ್ಸು ಮೂಡಿದೆಯಂತೆ. ಶೂಟಿಂಗ್, ಜಿಮ್ ಎಂಬ ಕಾರಣ ನೀಡಿ ಮಧು ಪ್ರಕಾಶ್ ಪತ್ನಿಯನ್ನ ನಿರ್ಲಕ್ಷಿಸುತ್ತಿದ್ದರಂತೆ. ಮನೆಗೆ ಬೇಗ ಬರ್ತಿರಲಿಲ್ಲವಂತೆ. ಇದರಿಂದ ತೀವ್ರವಾಗಿ ನೊಂದು ಸಾವಿಗೆ ಶರಣಾಗಿದ್ದಾರೆ ಎನ್ನಲಾಗಿದೆ.

ವಿಡಿಯೋ ಕಾಲ್ ಮಾಡಿ ಎಚ್ಚರಿಕೆ

ಮಂಗಳವಾರ ಬೆಳಿಗ್ಗೆ ಮಧು ಪ್ರಕಾಶ್ ಜಿಮ್ ಗೆ ಹೋಗಿ, ಹಾಗೆ ಶೂಟಿಂಗ್ ಗೆ ಹೋಗುತ್ತೇನೆ ಎಂದು ತಿಳಿಸಿ ಹೊರಗೆ ಹೋದರಂತೆ. ನಂತರ ಪತ್ನಿ ಮಧು ಪ್ರಕಾಶ್ ಅವರಿಗೆ ವಿಡಿಯೋ ಕಾಲ್ ಮಾಡಿ, ತಾನು ಸಾಯುವುದಾಗಿ ಎಚ್ಚರಿಸಿದರಂತೆ. ಆದರೆ, ಇದನ್ನ ಗಂಭೀರವಾಗಿ ತೆಗೆದುಕೊಳ್ಳದ ಮಧು ನಿರ್ಲಕ್ಷ ಮಾಡಿದರು. ಬಳಿಕ ಸಂಜೆ 7.30ರ ಸಮಯಕ್ಕೆ ಮನೆಗೆ ಬಂದು ನೋಡಿದಾಗ ಪತ್ನಿ ಫ್ಯಾನಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದು ಬೆಳಕಿಗೆ ಬಂದಿದೆ. ನಂತರ ಸ್ಥಳೀಯ ಪೊಲೀಸರಿಗೆ ವಿಷಯ ತಿಳಿಸಿದ್ದಾರೆ.

ಅಕ್ರಮ ಸಂಬಂಧದ ಆರೋಪ

ಮಧು ಪ್ರಕಾಶ್ ಗೆ ಧಾರಾವಾಹಿ ನಟಿಯೊಬ್ಬರ ಜೊತೆ ಅಕ್ರಮ ಸಂಬಂಧ ಇದೆ. ಈ ವಿಷ್ಯ ಗೊತ್ತಾಗಿ ಮನೆಯಲ್ಲಿ ಪತಿ ಮತ್ತು ಪತ್ನಿ ನಡುವೆ ಯಾವಾಗಲೂ ಗಲಾಟೆ ನಡೆಯುತ್ತಿತ್ತು. ಇದರ ಪರಿಣಾಮ ಈಗ ಭಾರತಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಮೃತ ಮಹಿಳೆಯ ಪೋಷಕರು ಆರೋಪಿಸಿದ್ದಾರೆ.

ಯಾರು ಈ ಮಧು ಪ್ರಕಾಶ್?

ಕುಂಕುಮಪುವ್ವೆ ಧಾರಾವಾಹಿಯಲ್ಲಿ ಮಧು ಪ್ರಕಾಶ್ ನಟಿಸಿದ್ದಾರೆ. ಜೊತೆಗೆ ಬಾಹುಬಲಿ ಸಿನಿಮಾದಲ್ಲಿ ಸಣ್ಣದೊಂದು ಪಾತ್ರ ಮಾಡಿದ್ದರು. ಪತ್ನಿ ಹೈದ್ರಾಬಾದ್ ನ ಖಾಸಗಿ ಸಂಸ್ಥೆಯೊಂದರಲ್ಲಿ ಕೆಲಸ ಮಾಡುತ್ತಿದ್ದರು.