ಪೂನಂ ಪಾಂಡೆಗೆ ಬೆಂಗಳೂರು ಕೋರ್ಟ್ ಸಮನ್ಸ್

ರೂಪದರ್ಶಿ ಹಾಗೂ ಬಾಲಿವುಡ್ ಚಿತ್ರರಂಗದ ತಾರೆ ಪೂನಂ ಪಾಂಡೆಗೆ ಬೆಂಗಳೂರಿನ 6ನೇ ಎಸಿಎಂಎಂ ನ್ಯಾಯಾಲಯ ಮಂಗಳವಾರ (ಫೆ.26) ಮತ್ತೆ ಸಮನ್ಸ್ ಜಾರಿ ಮಾಡಿದೆ. ಹಿಂದೂಗಳ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದಿರುವುದು ಹಾಗೂ ಅಶ್ಲೀಲ ಪ್ರದರ್ಶನ ಮಾಡಿರುವ ಸಂಬಂಧ ಪೂನಂ ವಿರುದ್ಧ ದೂರು ದಾಖಲಾಗಿದ್ದು, ವಿಚಾರಣೆಗಾಗಿ ಅವರು ನ್ಯಾಯಾಲಯಕ್ಕೆ ಹಾಜರಾಗಬೇಕಿತ್ತು.

ಆದರೆ ಅವರಿಗೆ ಕೋರ್ಟಿನ ನೋಟೀಸ್ ತಲುಪಿಲ್ಲವಂತೆ. ಹಾಗಾಗಿ ಇಂದು (ಫೆ.26) ನ್ಯಾಯಾಲಯಕ್ಕೆ ಅವರು ಹಾಜರಾಗಲು ಸಾಧ್ಯವಾಗಿಲ್ಲ. ಈ ಹಿನ್ನೆಯಲ್ಲಿ ಪೂನಂ ಪಾಂಡೆಗೆ ಕೋರ್ಟ್ ಮತ್ತೆ ಸಮನ್ಸ್ ಜಾರಿ ಮಾಡಿದೆ.

ಗ್ಯಾಲರಿ: ಪೂನಂ ಪಾಂಡೆ

ಮೇ.22, 2012ರಲ್ಲಿ ಉಮೇಶ್ ಅವರು ಪೂನಂ ವಿರುದ್ಧ ದೂರು ನೀಡಿದ್ದರು. ಈ ಪ್ರಕರಣವನ್ನು ನವೆಂಬರ್, 2012ರಲ್ಲಿ ವಿಚಾರಣೆ ಮಾಡಿದ ನ್ಯಾಯಾಲಯ ಫೆ.26ರೊಳಗೆ ಹಾಜರಾಗುವಂತೆ ಪೂನಂ ಪಾಂಡೆಗೆ ಸೂಚಿಸಿತ್ತು.

ಆ ಪ್ರಕಾರ ಪೂನಂ ಪಾಂಡೆ ಇಂದು ಕೋರ್ಟ್ ಗೆ ಹಾಜರಾಗಬೇಕಿತ್ತು. ಆದರೆ ಅವರಿಗೆ ಕೋರ್ಟ್ ನೋಟೀಸ್ ತಲುಪಿಲ್ಲದ ಕಾರಣ ಅವರು ಹಾಜರಾಗಲು ಸಾಧ್ಯವಾಗಿಲ್ಲ ಎನ್ನಲಾಗಿದೆ. ಹಾಗಾಗಿ 6ನೇ ಎಸಿಎಂಎಂ ನ್ಯಾಯಾಲಯದ ನ್ಯಾಯಾಧೀಶರಾದ ಚೂರಿಖಾನ್ ಅವರು ಪೂನಂ ಪಾಂಡೆಗೆ ಇಂದು (ಫೆ.26) ಸಮನ್ಸ್ ಜಾರಿ ಮಾಡಿದ್ದಾರೆ. (ಏಜೆನ್ಸೀಸ್)