'ಬಿಗ್ ಬಾಸ್' ಸ್ಪರ್ಧಿ ಜಗನ್ ಗೆ ನಿಶ್ಚಿತಾರ್ಥ: ಹುಡುಗಿ ಯಾರು ಗೊತ್ತಾ.?

ಕಿರುತೆರೆ ನಟ ಜಗನ್ ಗೆ ನಿಶ್ಚಿತಾರ್ಥ

ಕಿರುತೆರೆ ನಟ ಜಗನ್ನಾಥ್ ಚಂದ್ರಶೇಖರ್ ನಿಶ್ಚಿತಾರ್ಥ ಇತ್ತೀಚಿಗಷ್ಟೇ ನೆರವೇರಿತು. ತಾವು ಪ್ರೀತಿಸುತ್ತಿದ್ದ ಹುಡುಗಿ ರಕ್ಷಿತಾ ಮುನಿಯಪ್ಪ ಅವರ ಕೈ ಬೆರಳಿಗೆ ಜಗನ್ ಉಂಗುರ ತೊಡಿಸಿದ್ದಾರೆ. ಉಭಯ ಕುಟುಂಬಗಳ ಸಮ್ಮುಖದಲ್ಲಿ ಜಗನ್-ರಕ್ಷಿತಾ ಎಂಗೇಜ್ಮೆಂಟ್ ನಡೆದಿದೆ.

ಯಾರು ಈ ರಕ್ಷಿತಾ.?

ರಕ್ಷಿತಾ ಮುನಿಯಪ್ಪ ದುಬೈನ ಕಾಲೇಜೊಂದರಲ್ಲಿ ವ್ಯಾಸಂಗ ಮುಗಿಸಿದ್ದಾರೆ. ಕಳೆದ ಮೂರು ವರ್ಷಗಳಿಂದ ಜಗನ್ ಮತ್ತು ರಕ್ಷಿತಾ ಪ್ರೀತಿಸುತ್ತಿದ್ದಾರೆ. ಇಬ್ಬರ ಪ್ರೀತಿಗೆ ಕುಟುಂಬ ಸಮ್ಮತಿ ನೀಡಿದೆ.

ಮದುವೆ ಯಾವಾಗ.?

ಮೂಲಗಳ ಪ್ರಕಾರ, ಇದೇ ವರ್ಷದ ಮೇ ತಿಂಗಳಿನಲ್ಲಿ ಜಗನ್-ರಕ್ಷಿತಾ ವಿವಾಹ ಮಹೋತ್ಸವ ನಡೆಯಲಿದೆ. ಅಷ್ಟರೊಳಗೆ ಬೆಳ್ಳಿತೆರೆಮೇಲೆ ಜಗನ್ ಮಿಂಚುವ ಸಾಧ್ಯತೆ ಕೂಡ ಇದೆ.

ಸದ್ಯದಲ್ಲೇ ಸಿನಿಮಾ ಸುದ್ದಿ

ಸ್ಯಾಂಡಲ್ ವುಡ್ ನ ಬಿಗ್ ಬಜೆಟ್ ಚಿತ್ರವೊಂದರಲ್ಲಿ ಸೆಕೆಂಡ್ ಹೀರೋ ಆಗಿ ಅಭಿನಯಿಸಲು ಜಗನ್ನಾಥ್ ಚಂದ್ರಶೇಖರ್ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಆ ಚಿತ್ರದ ಅನೌನ್ಸ್ ಮೆಂಟ್ ಫೆಬ್ರವರಿ ತಿಂಗಳಿನಲ್ಲಿ ಆಗಲಿದೆ. ವೃತ್ತಿ ಹಾಗೂ ವೈಯಕ್ತಿಕ ಬದುಕಿನಲ್ಲಿ ಹೊಸ ಹೆಜ್ಜೆ ಇಡುತ್ತಿರುವ ಜಗನ್ ಗೆ ಆಲ್ ದಿ ಬೆಸ್ಟ್.