'ಬ್ಯೂಟಿಫುಲ್ ಮನಸ್ಸುಗಳು' ಚಿತ್ರಕ್ಕೆ ಸ್ಫೂರ್ತಿಯಾದ ಮಂಗಳೂರಿನ ನೈಜ ಘಟನೆ!

ಮಂಗಳೂರಿನ ಘಟನೆ ಆಧರಿತ ಸಿನಿಮಾ!

2012, ಫೆಬ್ರವರಿ 2 ರಂದು ಮಂಗಳೂರಿನ ಬ್ಯೂಟಿಪಾರ್ಲರ್ ಗಳ ಮೇಲೆ ಪೊಲೀಸರು ದಾಳಿ ಮಾಡಿ, ವೇಶ್ಯವಾಟಿಕೆ ಆರೋಪದಡಿ ಮಾಲೀಕ ಹಾಗೂ ಅಲ್ಲಿ ಕೆಲಸ ಮಾಡುತ್ತಿದ್ದ ಹುಡುಗಿಯರನ್ನ ಬಂಧಿಸಿದ್ದರು. ಈ ಹುಡುಗಿಯರಲ್ಲಿ ಒಬ್ಬರ ಪ್ರೇಮಕಥೆಯೇ ಈಗ 'ಬ್ಯೂಟಿಫುಲ್ ಮನಸ್ಸುಗಳು' ಆಗಿ ತೆರೆಮೇಲೆ ಮೂಡಿಬಂದಿದೆ.[ಬ್ಯೂಟಿಫುಲ್ ಆದ 'ಬ್ಯೂಟಿಫುಲ್ ಮನಸ್ಸುಗಳು' ಗೆ ವಿಮರ್ಶಕರ ಕಾಮೆಂಟ್‌ಗಳಿವು...]

ವೇಶ್ಯವಾಟಿಕೆ ಆರೋಪದಲ್ಲಿ ಹುಡುಗಿ ಬಂಧನ!

ಮಂಗಳೂರಿನ ಕದ್ರಿ ಪೊಲೀಸ್ ಠಾಣೆಯ ಇನ್ಸ್ ಪೆಕ್ಟರ್ ಕಿರಣ್ ಮತ್ತು ಪೊಲೀಸ್ ಪೇದೆಗಳಾದ ಪ್ರಮೋದ್, ಶಿವಪ್ಪ ಎಂಬವರು ಈ ಬ್ಯೂಟಿ ಪಾರ್ಲರ್ ಮೇಲೆ ಅನೈತಿಕ ಚಟುವಟಿಕೆ ನಡೆಯುತ್ತಿದೆ ಎಂಬ ಆರೋಪದಡಿ ದಾಳಿ ಮಾಡಿದ್ದರು. ಈ ವೇಳೆ ಬ್ಯೂಟಿಪಾರ್ಲರ್ ಮಾಲೀಕ ಲೊಕೇಶ್ ಸೇರಿದಂತೆ ಮಹಿಳೆಯರನ್ನ ಬಂಧಿಸಲಾಗಿತ್ತು. ಇವರಲ್ಲಿ ಒಬ್ಬ ಹುಡುಗಿ ಕೂಡ ಇದ್ದಳು.[ಬ್ಯೂಟಿಫುಲ್ ಮನಸ್ಸುಗಳು' ಚಿತ್ರ ನೋಡಿದವರ ಟ್ವಿಟರ್ ಕಾಮೆಂಟ್ಸ್]

ನಿಜವಾಗಲೂ ನಡೆದಿದ್ದೇನು?

ಆದ್ರೆ, ಬ್ಯೂಟಿ ಪಾರ್ಲರ್ ನಲ್ಲಿ ಯಾವುದೇ ರೀತಿಯ ಅನೈತಿಕ ಚಟುವಟಿಕೆ ನಡೆಯುತ್ತಿರಲಿಲ್ಲ. ಪೊಲೀಸರು ಸುಳ್ಳು ಆರೋಪ ಮಾಡಿ, ಅವರೇ ಈ ಕೃತ್ಯವನ್ನ ಪೂರ್ವ ನಿಯೋಜಿತವಾಗಿ ಸೃಷ್ಟಿಸಿ ಹಣ ವಸೂಲಿ ಮಾಡಿದ್ದರು. ಅದಾದ ಬಳಿಕ ತನಿಖೆಯಲ್ಲಿ ಪೊಲೀಸರೇ ತಪ್ಪಿತಸ್ಥರು ಎಂದು ತಿಳಿದು ಅಮಾನತು ಕೂಡ ಆಗಿದ್ದರು.[ಇಲ್ಲಿದೆ ನೋಡಿ ಆ ನೈಜ ಘಟನೆಯ ವಿಡಿಯೋ]

ಈ ಪ್ರಕರಣದಲ್ಲಿ ನಲಗಿತ್ತು ಮುಗ್ದ ಪ್ರೇಮ!

ಈ ಬ್ಯೂಟಿ ಪಾರ್ಲರ್ ನಲ್ಲಿ ಕೆಲಸ ಮಾಡುತ್ತಿದ್ದ ಹುಡುಗಿಯೊಬ್ಬಳ ಪ್ರೀತಿ, ಈ ಪ್ರಕರಣದಿಂದ ನಲುಗಿ ಹೋಗಿತ್ತು. ಈ ಕಥೆಯನ್ನಿಟ್ಟು ನಿರ್ದೇಶಕ ಜಯತೀರ್ಥ 'ಬ್ಯೂಟಿಫುಲ್ ಮನಸ್ಸುಗಳು' ಎಂಬ ಸಿನಿಮಾ ಮಾಡಿದ್ದಾರೆ.[ವಿಮರ್ಶೆ: 'ಬ್ಯೂಟಿಫುಲ್ ಮನಸ್ಸುಗಳು' ಪ್ರಸ್ತುತ ಸಮಾಜಕ್ಕೆ ಕನ್ನಡಿ]

ನೈಜ ಘಟನೆ ಬಿಚ್ಚಿಟ್ಟ ನೀನಾಸಂ!

ಇದೀಗ, ಘಟನೆ ಆದ ವಿಡಿಯೋವನ್ನ ನಟ ನೀನಾಸಂ ಸತೀಶ್, ತಮ್ಮ ಫೇಸ್ ಬುಕ್ ಪೇಜ್ ನಲ್ಲಿ ಪೋಸ್ಟ್ ಮಾಡುವ ಮೂಲಕ, ನೈಜ ಕಥೆಯ ಬಗ್ಗೆ ಬಿಚ್ಚಿಟ್ಟಿದ್ದಾರೆ.[ನೀನಾಸಂ ಸತೀಶ್ ಅಪ್ ಲೌಡ್ ಮಾಡಿರುವ ವಿಡಿಯೋ]